Juan 6:66 - Tachi Ak'õre Pedea

⁶⁶ Mãɨpuru chok'ará Jesú k'aade wã p'ananarãpa ichi itu bɨsidama. Waa ichi ome p'ɨrrɨadaé pasima.

Juan 6:66 ပူးပေါင်းရင်းမြစ်များ

Mateo 19:22

K'ũtãpa mãɨ ũrik'ari k'ĩra piawẽa wãsima, neet'á minachia uru basidepa.

Luca 9:62

Jesupa p'anoosima: —Abaɨ pida mimiane wãk'ari mãicha ãpɨtea ak'ɨipɨra, ichi pia bɨwẽma Tachi Ak'õrepa ichidirã ichi juade ua bɨde mimiai k'orea.

Juan 2:2

Jesú mãɨnepa chi ichi ome p'ɨrrɨapataɨrã mãɨ arapá miak'ãipataɨ ewari oo p'anɨmá t'ɨ̃ p'anasidama.

Juan 6:60

Mãɨ jaratea bɨ ũrisidaɨde chok'ará Jesú ome p'anɨrãpa jarasidama: «Ichia jarada chi t'aju bɨma. ¿K'aipa mãɨ p'ue mãɨya k'ɨ̃riaima?»

Juan 6:64

Maamina eda waapẽarãpa waidi mɨ pedea ĩjãanawẽa p'anɨma. Jesupa mãɨya jarasima ichia naenaena k'awa bada pẽra k'airãpa ichi pedea ĩjãanawẽa p'anɨt'a mãɨnepa k'aipa ichi jitapii bɨt'a.

Juan 7:3

Jesú ũpẽarãpa ichiá jarasidama: —Nãmapema wãse Judeadea chi jãmapema pɨchi ome p'ɨrrɨapataɨrãpa mãɨ pɨchia ne oo bɨt'a ununamẽrá.

Juan 8:31

Maapae Jesupa judiorã ichide ĩjãautarã́ jarasima: —Mãrapa mɨ pedea ĩjãa p'ananaipɨra, piarã mɨ ome p'ɨrrɨapataɨrã p'ananaipɨ.

2 Timoteo 1:15

Pɨa k'awa bɨma jõma ũpẽarã Asia tuadepemarãpa mɨ itu ameesidaɨt'a. Mãɨrãnepema ũpẽa P'igelopa mãɨnepa Hermogenepa mãɨya oosidama.

2 Timoteo 4:10

Ũpẽa Cresente Galacia tuadea wã basima. Tito Dalmacia tuadea wã basima. Mãɨ awara ũpẽa Demapa chi ne nãɨ ĩjũanepema minachia k'ɨ̃riana pẽra mɨ itu bɨk'ari Tesalónica p'uurudea wãsima.

Hebreo 10:38

Chi mõré jĩp'a bɨ mɨne ĩjãa bɨdepa chok'ae baipɨ. Maamina chi ichia ĩjãa bɨt'a itu bɨsira, mɨa ichi pia unuiwẽma».

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.