Juan 6:65 - Tachi Ak'õre Pedea

⁶⁵ Mãɨne Jesupa jarasima: —Mãɨ k'orea mɨa jarasima: mɨ Ak'õrepa ẽpẽra mɨmá enemeaepɨra, mãɨ ẽpẽrapa p'ue mɨne ĩjãaiwẽma.

Juan 6:65 ပူးပေါင်းရင်းမြစ်များ

Mateo 13:11

Jesupa p'anoosima: —Chi Pajãne Bɨpa ichidirã ichi juade ua bɨ k'orea ãareaɨrã́ k'awapiwẽa bɨmina, mãrá k'awapi bɨma.

Juan 10:16

Mɨa uru bɨma waapẽarã oveja nãɨ k'ãipataɨde p'anɨwẽ. Mãɨrã sida mɨa eda ateewãipɨ. Ãchia mɨ pedea ĩjãanaipɨ. Mãɨya ãareaɨrã ará p'ananaipɨ. Mãɨne ãchi ak'ɨparí aba bɨ baipɨ.

Juan 3:27

Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Juan 6:37

Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

P'ilipense 1:29

Ichi piadepa mãra t'ɨ̃é pasima abapuru Cristode ĩjãa p'ananamẽrá, mãɨpari t'ɨ̃sima Cristo k'orea minachia mĩanamẽrá.

1 Timoteo 1:14

Tachi Chipari Jesucristopa ichi sõpiadepa mɨ minachia k'aripasima ichide ĩjãamẽrá mãɨnepa ichi k'ɨ̃ria uru bamẽrá.

2 Timoteo 2:25

Ichia pedea piadepa Tachi Ak'õre pedea k'awapi bɨma, chi ichia jaratea bɨ k'ɨ̃rianak'apɨ́ ẽpẽrarã́, mãɨ Tachi Ak'õrepa ãchi k'ariparupara. Mãɨya ichimá jĩitea chedak'ari chi piarã pedeat'a k'awadaipɨ.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.