Juan 6:63 - Tachi Ak'õre Pedea

⁶³ Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá.

Juan 6:63 ပူးပေါင်းရင်းမြစ်များ

Juan 5:21

Mɨ Ak'õrepa piudaadarã chok'ae p'irabaripik'ari chok'ae bɨpipari jĩra, ara mãɨya mɨ chi Warrapa chi mɨa k'ɨ̃riarut'a chok'ae bapiparima.

Juan 6:68

Simón Pedropa p'anoosima: —Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá.

Hecho 5:20

«Tachi Ak'õre te minachia bɨdea wãnak'ari chi chok'ae bapiparí pedea ẽpẽerã́ jarat'ɨ».

Romano 10:17

Piarã ẽpẽrarãpa Cristo k'orea naa ũrinai p'anɨma, ichide p'ue ĩjãanai k'orea.

Romano 2:25

Mãrapa Moisepa bɨda oosidara, mãra k'ak'ua tauchaada pia bɨma ẽpẽrarã Tachi Ak'õrenepemarã pẽra. Maamina mãɨ Moisepa bɨ bɨ jĩra oodaepɨra, mãra Tachi Ak'õre k'ĩrari k'ak'ua tauchaawẽa be jĩra p'anɨma.

Romano 8:2

Ichidepa Tachi Ak'õre Jaorepa tachi chok'ae bapida pẽra, tachi nemietaadepema, piudai pada pari ãjã́ bɨsima.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

Gálata 5:25

Tachi Ak'õre Jaoredepa chok'ae p'anɨ pẽra, tachi ichidepa nipadai p'anɨma.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

Gálata 6:15

Tachi Ak'õremá k'ak'ua tauchaa bai wa k'ak'ua tauchaawẽa bait'a pia bɨwẽma. Ichimá, ẽpẽra chiwidi oodat'u mãɨ pia bɨma.

1 Tesalonicense 2:13

Taipa ewaricha mãra k'orea Tachi Ak'õrea sõpia p'anɨane apatama. Taipa Tachi Ak'õre pedea jarateadada mãrapa ũrisidaɨde, ẽpẽrarãpa k'ɨ̃risia p'anɨ jĩra ĩjãanaé pasima. Mãɨpari mãɨ pedea piarã Tachi Ak'õre pedeat'a k'awadada pẽra ĩjãasidama. Ara mãɨ pedeapa mãra chi Cristode ĩjãapataɨrã́ pia oopi bɨma.

1 Timoteo 4:8

Piarã tachi k'ak'ua chaareapidayá oo p'ananaipɨra, ara tachi k'ak'ua puru k'aripadaipɨ. Maamina Tachi Ak'õrepa oo k'ɨ̃ria bɨ oodaipɨra, mãɨpa tachi ne ãareaɨne k'aripaipɨ. Idiapae mãɨnepa k'aadeapema ewaride k'aripaipɨ.

Hebreo 13:9

Maamina chi eda waapẽarãpa ne wawaria piawẽa jarateapatama. Ãchirã́ itu seapirãt'ɨ. Mãrapa ne wawaria k'o p'anɨnepa wa nek'odawẽa p'anɨnepa k'aripak'ama. Chi mãɨya oo p'anɨrã pia p'anɨwẽma. Mãɨpari Tachi Ak'õrepa ichi sõpiadepa k'aripa bɨma mãrapa pia sõnepa ĩjãanamẽrá.

Hebreo 4:12

Piarã Tachi Ak'õre pedea chok'ae bɨma mãɨnepa jua chaarea bɨma. Ichi pedea k'ĩruuparí nek'o k'ida ume era bɨ k'aepẽra p'eedea bɨma. Ichi pedeapa tachi k'ɨ̃risia mãɨnepa tachi sõpa oo k'ɨ̃ria bɨt'a ãarea pia k'awapiparima tachi k'ɨ̃risia, tachi jaore, tachi sõ sida eda k'õru jĩra.

Santiago 1:18

Ichia k'ɨ̃riana pẽra ichi piarã pedeadepa tachi chok'ae bɨsima. Mãɨya chi ne uu ĩjũanepema naapema chauda ichiá teada jĩra tachit'u jõma ichia oodadepema ichi pae pia p'anɨma.

1 Pedro 1:23

Nãɨ k'ak'ua piui bɨdepa mãra mãicha chiwidi t'õnaé pasima, mãɨpari Tachi Ak'õre piuk'apɨɨdepa mãicha chiwidi t'õsidama. Tachi Ak'õre pedea jõk'apɨɨpa, chok'ae babiparima. Mãɨ pedeadepa mãra chiwidi t'õsidama.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

1 Pedro 3:21

Mãɨ to minachia che bɨt'a idiapae tachi porochoapataɨ k'orea jara bɨma. Porochoautade Jesucristo chok'ae p'irabaridadepa tachi k'aripa bɨma. Porochoarupa tachi k'ak'ua nemietá sɨɨk'ama mãɨpari mãɨya oopatama, tachi k'ɨ̃risia jĩp'a bɨdepa, piarã Tachi Ak'õre ome nipadai k'ɨ̃ria p'anɨ pẽra.