Juan 6:37 - Tachi Ak'õre Pedea

³⁷ Chi mɨ Ak'õrepa mɨá tea bɨ ẽpẽerã mɨmá chedaipɨ; mãɨrã ãyá jeret'aiwẽma.

Juan 6:37 ပူးပေါင်းရင်းမြစ်များ

Mateo 11:28

»Ãarea sẽ p'anɨpɨra, mɨmá chet'ɨ. Mɨa mãra ɨ̃apaapiipɨ.

Mateo 24:24

Mãɨ ewaride waapẽarãpa ara ãchi Tachi Ak'õrepa Tachi K'aripaparí teai jaradaade a jaradaipɨ. Ichiaba waapẽarãpa sea jaradaipɨ ãchi Tachi Ak'õre pari pedeapataɨade adaipɨ. Mãɨrãpa ẽpẽrarãpa ne p'ue oodak'apɨ́ waibɨa be oodaipɨ ẽpẽrarã seadai k'orea. Tachi Ak'õrepa jɨrɨ atadaɨrã sida p'ue seadaipara, ãchi sida seadai pasima.

Juan 17:11

»Mɨ nãɨ ĩjũane waa baiwẽma maamina ãchi nãɨ ĩjũane p'aneenaipɨ. Ak'õre, pɨ minachia pia bɨma. Mɨ pɨmá wãru pẽra pɨ t'ɨ̃nepa ãchi minachia ak'ɨ base. Pɨ t'ɨ̃nepa, mɨ mãɨya jua chaarea beepisima, ãchi k'ak'ua aba bɨ jĩra p'ananamẽrá, tachi k'ak'ua aba p'anɨ jĩra.

Juan 17:2

Pɨa ẽpẽerã ãarea mɨ juade bɨsima, mɨa ãchi ewaricha chok'ae bapimẽrá.

Juan 17:24

»Ak'õre, pɨa nãɨ ĩjũa ooi naena mɨ k'ɨ̃ria basima. Mãɨpuru pajãne mɨ chi choma bɨsima. Mɨa k'ɨ̃ria bɨma ãarea pɨa mɨá teadaɨrã mãma mɨ ome ará p'ananait'a, pɨa mɨ chi choma bɨda ununamẽrá.

Juan 17:6

»Pɨa mɨá ẽpẽerã nãɨ ĩjũanepemarã teasima. Mɨa mãɨrã́ pɨ k'awapisima. Ãchi poremina, pɨa mɨá ãchi teasima. Ãchia pɨ pedea ĩjãa p'anɨma.

Juan 6:39

Mɨ Peedapa k'ɨ̃ria bɨma ichia mɨá teadaɨrã aba pida atuapiemaapa, mãɨpari nãɨ jõru ewari parude, ãchi chok'ae p'irabaripiipɨ.

Juan 6:65

Mãɨne Jesupa jarasima: —Mãɨ k'orea mɨa jarasima: mɨ Ak'õrepa ẽpẽra mɨmá enemeaepɨra, mãɨ ẽpẽrapa p'ue mɨne ĩjãaiwẽma.

Juan 9:34

Mãɨne judiorã chi chaarearãpa ichi ɨtɨasidama: —Pɨ t'õnanepa nemietá ooparima. ¿Sãmaasã́ taiyá ne jarateaima? Mãɨ k'orea ichi chi judiorã ará pedeapataɨ tedepema ãyá jeret'aasidama.

Romano 5:20

Tachi Ak'õrepa Moisea ichi pedea bɨpisima ẽpẽrarãpa k'awadamẽrá nemietá minachia oo p'anɨt'a. Maamina ẽpẽrarãpa nemietá minachia oosidaɨde Tachi Ak'õrepa ichi sõpiadepa pia k'ĩra chupuriasima.

P'ilipense 1:29

Ichi piadepa mãra t'ɨ̃é pasima abapuru Cristode ĩjãa p'ananamẽrá, mãɨpari t'ɨ̃sima Cristo k'orea minachia mĩanamẽrá.

1 Timoteo 1:16

Maamina mãɨ k'orea Tachi Ak'õrepa mɨ k'ĩra chupuriasima. Mãɨya Jesucristopa mɨ, chi k'achia badadepema unupisima ichia ãarea pia choa bɨt'a. Mɨnepa chi wapida ĩjãanak'apɨɨrã́ k'awapisima sãmaasã́ ẽpẽra k'achia k'ĩra chupuriaparit'a ewaricha chok'ae p'aneenamẽrá.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

1 Juan 2:19

Ãchi tachi ome p'anana wãsidama, maamina piarã tachidepemawẽ pasima. Piarã tachidepema padapara, tachi ome wapida ará p'ananai pasima. Maamina mãɨyasima pia k'awadamẽrá jõmãɨrã tachidepemawẽt'a.

Apocalipsi 22:17

Tachi Ak'õre Jaorepa mãɨnepa chi Oveja Chak'e k'ima atai bɨ pida nãɨya jara p'anɨma: «¡Chese!» Chi mãɨ ũri bɨpa jarai bɨma: «¡Chese!» Chi opisia bɨ chei bɨma, chi pania tachi chok'ae p'anapiparí tomẽrá. Chi mãɨ pania to k'ɨ̃ria bɨpa pari toi bɨma.