Juan 6:33 - Tachi Ak'õre Pedea

³³ Mãɨ Tachi Ak'õrepa teada p'ana ɨt'aripa chedapa nãɨ ĩjũanepemarã chok'ae bapiparima.

Juan 6:33 ပူးပေါင်းရင်းမြစ်များ

Juan 13:3

Jesupa k'awa basima ichi Ak'õrepa ne ãarea ichi juade bɨsit'a, mãɨnepa k'awa basima ichi Tachi Ak'õremãɨpa chek'ari mãicha ichimá wãit'a.

Juan 16:28

Mɨ Ak'õremãɨpa nãɨ ĩjũanea chesima. Maamina mɨa nãɨ ĩjũa ameeipɨ mɨ Ak'õremá mãicha wãi k'orea.

Juan 17:8

Pɨa mɨá jarada mɨa ãchiá jarateasima. Ãchia mãɨ pedea ĩjãasidama. Mãɨpuru k'awa p'anɨma piarã mɨ pɨmãɨpa chesit'a. Piarã ĩjãa p'anɨma pɨa mɨ peesit'a.

Juan 3:13

»Aba pida pajãnea wãk'ama mãɨ k'awai k'orea. Abapuru mɨ, chi Ẽpẽra Warrapa mãɨ k'awa bɨma, pajãnepa cheda pẽra.

Juan 6:32

Mãɨne Jesupa p'anoosima: —Mɨa piarã jararuma, mãɨ ɨt'aripema p'ana Moisepa mãrá teaé pasima. Mɨ Ak'õrepuru teasima. Mãɨ awara ɨt'aripema p'ana piarã mãrã́ tea bɨma.

Juan 6:38

Mɨ pajãnepa chewẽa bɨma mɨa k'ɨ̃ria bɨt'a ooi k'orea. Mãɨpari chesima mɨ Peedapa k'ɨ̃ria bɨt'u ooi k'orea.

Juan 6:41

Jesupa «mɨ chi p'ana ɨt'aripa chedade» ada pẽra, chi mãma p'anɨ judiorãpa ichi k'orea pedea piawẽa pedeasidama.

Juan 6:48

Mɨ chi p'ana chok'ae bapiparí p'anapɨ.

Juan 6:50

Maamina chi nãɨ p'ana ɨt'aripa cheda k'oipɨra piuiwẽma.

Juan 6:58

Mɨ p'ana ɨt'aripa cheda chi piarãpɨ. Mãra chõarãenapemarãpa maná k'opachidamina ãarea piusidama. Maamina mɨ maná jĩra bɨwẽma. Chi nãɨ p'ana k'o bɨ ewaricha chok'ae baipɨ.

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.