Juan 6:27 - Tachi Ak'õre Pedea

²⁷ Mimiarãt'ɨ chik'o k'odai k'orea, mãɨ chik'o jõpari pẽra. Mãɨpari mimiat'ɨ chi Tachi Ak'õre ome ewaricha chok'ae bapiparí p'ana atadai k'orea. Mãɨ mɨ, chi Ẽpẽra Warrapa teaipɨ. Tachi Ak'õrepa mɨ mãɨ k'orea bɨsima.

Juan 6:27 ပူးပေါင်းရင်းမြစ်များ

Mateo 17:5

Pedro mãɨya pedeamaa bɨde jɨ̃ara ɨnaa bɨpa ãchi ãarea t'ausima. Jɨ̃ara mãɨya cheside nãɨ pedea jĩk'ua ũrisidama: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma. Ichia jara bɨ ũrit'ɨ».

Mateo 25:46

Maapae Tachi Ak'õrepa ãchi t'ɨpɨ tau urua k'iiwãk'á nɨbɨdea peek'oaipɨ, maamina chi jĩp'a berã ichi ome ateewãipɨ ewaricha chok'ae beadamẽrá.

Mateo 3:17

Mãɨ awara Tachi Ak'õre pajãnepa edá pedearu ũrisidama. Nãɨya jarasima: «Nãɨt'a mɨ Warra chi k'ɨ̃ria bɨpɨ. Mɨ ichi k'orea minachia sõ arapá bɨma».

Mateo 6:19

»Nãɨ ĩjũane nepia jɨrɨrãt'ɨ minachia uru p'ananai k'orea. Nãɨ ĩjũanepema mok'osiaparima, simiapa ãriparima ichiaba nechɨapataɨrã eda wãnak'ari nechɨapatama.

Mateo 8:20

Jesupa ichiá jarasima: —Et'erre k'oparí te pará bɨma mãɨnepa ĩpana te pará bɨma, maamina mɨ, chi Ẽpẽra Warra chi mãma k'ãi newẽa bɨma.

Marco 1:11

Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ sõ arapá bɨma».

Marco 9:7

Mãɨya bɨde jɨ̃arapa ãchi ãarea t'ausima. Mãɨ jɨ̃aranepa nãɨ pedea jĩk'ua ũrisidama: «Nãɨ mɨ Warrapɨ. Ichi mɨa minachia k'ɨ̃ria bɨma. Ichia jara bɨt'a ũrit'ɨ».

Luca 3:22

Ewa wãk'ari Tachi Ak'õre Jaore pajãnepa p'aloma jĩra ichi ɨ̃rɨ chesima. Mãɨne Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ minachia sõ arapá bɨma».

Luca 9:35

Ara mãɨne pedea jɨ̃arane ũrisidama. Mãɨpa nãɨya jarasima: «Nãɨt'a mɨ Warrapɨ. Mɨa ichi jɨrɨ atasima. Ichia jara bɨt'a ũrit'ɨ».

Juan 10:28

Mɨa ãchi Tachi Ak'õre ome ewaricha chok'ae bapiparima. Ãchi atuadaiwẽma mãɨnepa mi ãpia pida mɨ juadepema p'ue ẽemarinaiwẽma.

Juan 11:42

Mɨa k'awa bɨma pɨa mɨ pedea ũri baparit'a, maamina mɨa mãɨ jarasima nãɨrã ẽpẽerãpa k'awadamẽrá pɨa mɨ peesit'a.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 17:2

Pɨa ẽpẽerã ãarea mɨ juade bɨsima, mɨa ãchi ewaricha chok'ae bapimẽrá.

Juan 3:15

chi mɨne ĩjãauta Tachi Ak'õre ome ewaricha chok'ae p'ananamẽrá.

Juan 3:33

Chi ichi pedeade ĩjãa bɨpa k'awa bɨma Tachi Ak'õrepa jara bɨt'a piarãpɨ.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

Juan 6:47

»Mɨa piarã jararuma: ẽpẽrapa mɨne ĩjãaipɨra Tachi Ak'õre ome ewaricha chok'ae baipɨ.

Juan 6:51

Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.

Juan 6:53

Mãɨne Jesupa jarasima: —Mɨa piarã jararuma: mãrapa mɨ chi Ẽpẽra Warra k'ak'ua k'odaepɨra mãɨnepa mɨ oa todaepɨra, ewaricha chok'ae p'ananaiwẽma.

Juan 6:54

Mɨ k'ak'ua mãɨ piarãpɨ mãɨnepa mɨ oa mãɨ piarãpɨ. Mãɨpuru chi mɨ k'ak'ua k'o bɨt'a mãɨnepa chi mɨ oa to bɨt'a, mãɨ Tachi Ak'õre ome ewaricha chok'ae baipɨ. Nãɨ jõru ewaride mɨa mãɨ ẽpẽra chok'ae p'irabaripiipɨ.

Juan 6:58

Mɨ p'ana ɨt'aripa cheda chi piarãpɨ. Mãra chõarãenapemarãpa maná k'opachidamina ãarea piusidama. Maamina mɨ maná jĩra bɨwẽma. Chi nãɨ p'ana k'o bɨ ewaricha chok'ae baipɨ.

Juan 6:62

Mãɨyaipɨra mãrapa mɨ, chi Ẽpẽra Warra ichi naena badamá ɨt'aa wãrut'a ununaipɨra ¿sãmaasã́ k'ɨ̃risiadaima?

Juan 6:68

Simón Pedropa p'anoosima: —Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá.

Juan 8:18

Ara mãɨ jĩra ara mɨchi k'orea pedea bɨma, mãɨnepa mɨ Ak'õre, mɨ Peedapa mɨ k'orea pedea bɨma.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Romano 4:11

Abrahanpa Tachi Ak'õrene ĩjãana pẽra, k'ak'ua tauchaawẽa badamina Tachi Ak'õrepa ichi nepɨra newẽa bɨade a jarasima. Mãɨ k'awapii k'orea Abrahanpa k'aadea ichi k'ak'ua tauchaasima. K'ak'ua tauchaawẽa berãpa Tachi Ak'õrene ĩjãanaipɨra, Abrahán ãchi ak'õrepɨ, abarik'a ĩjãa p'anɨnepa Tachi Ak'õrepa nepɨra newẽa p'anɨane a jara bɨ pẽra.

Romano 6:23

Piarã nemietá oo p'anɨ k'orea ẽpẽrarã piudaipɨ. Maamina Tachi Chipari Jesucristodepa Tachi Ak'õrepa ewaricha chok'ae bapiipɨ, ne pari tea bɨ jĩra.

1 Corintio 6:13

Mãɨnepa waapẽarãpa jarapatama: «Chik'o tachi bi pae bɨma, mãɨnepa tachi bi chik'o pae bɨma». (Mãɨya bɨmina Tachi Ak'õrepa mãɨ umea jõpiipɨ). Maamina tachi k'ak'ua bɨwẽma nemietá oo bamẽrá, mãɨpari Tachi Chipari pae bɨma. Mãɨnepa Tachi Chipari tachi k'ak'ua ak'ɨi k'orea bɨma.

1 Corintio 9:2

Waapẽarã ũpẽarãpa mɨ Jesucristopa peeda k'ɨ̃risiadawẽa p'anɨmina mãrapa k'awadai p'anɨma mɨ piarã ichia peedapɨ. Mɨa jarateadadepa mãrapa Tachi Chiparide ĩjãasida pẽra mãɨ unupi bɨma.

2 Corintio 4:18

Mãɨ k'orea taupa unupataɨ taipa k'ɨ̃risia p'anɨwẽma, mãɨpari taupa ununak'aɨ k'ɨ̃risia p'anɨma. Tachi taupa unupataɨ isapea jõparima, maamina taupa ununak'aɨ jõk'ama.

Gálata 5:6

K'ak'ua tauchaa bɨdepa wa k'ak'ua tauchaawẽa bɨdepa tachi Jesucristo ome ará bak'ama. Mãɨpari chi ichide ĩjãa bɨdepa ichi ome ará baparima mãɨnepa waapẽarã k'ɨ̃ria baparima.

P'ilipense 2:13

Ichiapuru mãra k'aripa bɨma ichia k'ɨ̃ria bɨ oo p'ananamẽrá mãɨnepa mãɨya oo k'ɨ̃ria p'ananamẽrá.

Colosense 1:29

Mãɨ k'orea mɨ ɨ̃apaawẽa mimia bɨma Cristopa ichi jua chaareapi bɨdepa.

Colosense 2:22

Jõma mãɨ ẽpẽrarãpa ãchia k'ɨ̃risiadepa jarateapatama. Mãɨ k'ɨ̃risia k'aade wãnaiwẽa p'anɨma jõma tachia k'odada mãɨnepa todada jõpari pẽra.

Colosense 3:2

Ne ɨt'aripemarã k'orea k'ɨ̃risia p'anat'ɨ. Nãɨ ĩjũanepema k'orea k'ɨ̃risia p'anarãt'ɨ.

1 Tesalonicense 1:3

Taipa Tachi Ak'õre k'ĩrari ewaricha k'ɨ̃risiapatama mãrapa Tachi Ak'õrene ĩjãa p'anɨnepa pia oo p'anɨt'a, chi k'ɨ̃ria p'anɨnepa waapẽarã k'aripa p'anɨt'a, mãɨnepa Tachi Chipari Jesucristopa mãra k'aripait'a k'ẽet'aadawẽa nɨ p'anɨt'a.

2 Timoteo 2:19

Mãɨya p'anɨmina, Tachi Ak'õre ẽpẽrarãpa Cristode minachia ĩjãa p'anɨma, te jĩrupa te chaarea bapipari jĩra. Tĩitaude ne bɨpata jĩra Tachi Ak'õrepa nãɨya jarasima: «Tachi Chiparipa jõma ichidirã k'awa bɨma». Mãɨnepa jarasima: «Ãarea Tachi Chiparide ĩjãa p'anɨane a berãpa k'achia itu bɨdai p'anɨma».

Hebreo 12:16

Jĩrak'aua p'anat'ɨ mi ãpia pida wẽra awaraɨ ome k'ãipataɨ mãɨnepa chi Esaú jĩra Tachi Ak'õrene piawẽa k'ɨ̃risiapataɨ mãra paara p'anapidaemaapa. Esaú Jacó warra ĩwini pẽra chi ak'õrepa uru bɨdepema neet'á minachia jitai basima. Maamina ichi ũpẽapa barimama chik'o k'opida k'orea, ichia ichi ak'õre neet'á jitai badat'a ãarea chi ũpẽá teasima.

Hebreo 4:11

Mãɨpuru tachia pia jɨrɨdai p'anɨma Tachi Ak'õrepa ɨ̃apaapii bɨmá padai k'orea. Mãɨyara mi ãpia pida baedaiwẽma chõarãenapemarã ĩjãanawẽa p'anɨnepa baedada jĩra.

Santiago 1:11

Ɨmata ochiak'ari pisiapa nep'ono k'irú pɨɨpiparima. Maapae chi nep'ono baek'ari chi auk'ará k'ɨrɨt'a jõparima. Ara mãɨ jĩra chi ɨbɨa bɨ ewaricha erreara jɨrɨi k'orea bɨde piuipɨ.

1 Pedro 1:24

Tachi Ak'õre pedeade nãɨya bɨ bɨma: «Jõmãɨrã sirua jĩra bepɨ. Ãchi k'ĩrawãrea nep'ono jĩra bɨma. Sirua p'urpak'ari chi nep'ono baeparima.

2 Pedro 1:17

Tachi Pajãnepema Ak'õrepa ichi k'orea pia jaraside mãɨnepa chi atepe unupiside tai mãma p'anasidama. Mãɨne Tachi Ak'õre chi atepe minachia k'ĩrawãrea bɨpa nãɨya jarasima: «Nãɨt'a mɨ Warrapɨ. Mɨa ichi minachia k'ɨ̃ria bɨma. Mɨ ichi k'orea arapá bɨma».