Juan 5:39 - Tachi Ak'õre Pedea

³⁹ Mãrapa Tachi Ak'õre pedea pia unupatama, mãɨnepema Tachi Ak'õre ome ewaricha chok'ae p'ananait'a k'ɨ̃risia p'anɨ pẽra. ¡Mãɨ k'art'ade mɨ k'orea pedea bɨma!

Juan 5:39 ပူးပေါင်းရင်းမြစ်များ

Mateo 22:29

Mãɨpuru Jesupa p'anoosima: —Mãrapa Tachi Ak'õre pedea mãɨnepa ichi jua chaarea bɨ atua p'anɨ pẽra, pia k'ɨ̃risia atua p'anɨma.

Marco 10:3

Jesupa p'anoosima: —¿Moisepa k'ãre bɨsima?

Marco 12:10

Mãrapa ¿Tachi Ak'õre pedea eda jaradawẽk'ãra? Nãɨya jara bɨma: “Chi te oopataɨrãpa mawara amaanana pada, mãɨ mawara chi atepe piipará beesima.

Luca 16:29

Maamina Abrahanpa ichiá jarasima: “Moisepa bɨda mãɨnepa Tachi Ak'õre pari pedeapataɨrãpa bɨdada sida ãchia uru p'anɨma. Mãɨt'a ĩjãanai p'anɨma”.

Luca 16:31

Maamina Abrahanpa jarasima: “Moisepa bɨda mãɨnepa Tachi Ak'õre pari pedeapataɨrãpa bɨdada ĩjãanaepɨra, piuda chok'ae p'irabaridapa mãɨ jararu sida ĩjãanaiwẽma”».

Luca 24:25

Mãɨpuru Jesupa ãchiá jarasima: —¡Jõma Tachi Ak'õre pari pedeapataɨrãpa jaradada mãrapa ĩjãanawẽa p'anɨma! ¡Mãra k'ɨ̃risia nea p'anɨma!

Luca 24:27

Maapae Tachi Ak'õre k'art'ade ichi k'orea bɨdada ãarea k'awa jarasima. Moisepa bɨda mãɨnepa Tachi Ak'õre pari pedeapataɨrãpa bɨdada ãarea k'awa jarasima.

Luca 24:44

Mãɨya bak'ari ãchiá jarasima: —Mɨ wapida mãra ome baside jara bapachima mɨ k'orea naa bɨdada jõma mãɨyai bɨ. Mãɨ Moisepa bɨsima, Tachi Ak'õre pari pedeapataɨrãpa bɨsidama, mãɨnepa Salmo k'art'ade pida bɨ bɨma.

Juan 1:45

Mãɨne P'elipepa Natanael jɨrɨde wãsima. Unuk'ari jarasima: —Taipa chi ẽpẽra k'orea Moisepa bɨdade eda jara bɨt'a unusidama. Tachi Ak'õre pari pedeapataɨrãpa ichi k'orea bɨsidama. José warra, Jesú Nazaredepemapɨ.

Juan 5:32

Maamina mɨ Ak'õre mɨ k'orea pedea bɨma. Mɨa k'awa bɨma ichia jara bɨ piarãt'a.

Juan 5:36

»Maamina Juanpa jarada k'aepẽra nãɨ mɨ k'orea pia pedea bɨma: Mɨ Ak'õrepa oopi bɨt'a mɨa ãarea oo bɨ pẽra k'awapi bɨma mɨ Ak'õrepa mɨ piarã peesit'a.

Juan 5:40

Maamina mãra mɨmá chedai k'ɨ̃rianak'ama, mɨa mãra chok'ae p'anapimẽrá.

Juan 5:46

Mãrapa Moisepa jarada piarã ĩjãa p'ananapara mɨne ĩjãanai pasima, Moisepa mɨ k'orea bɨda pẽra.

Juan 7:52

Ãchia p'anoosidama: —¿Mãɨyara pɨ Galileadepemak'ãra? Tachi Ak'õre pedea minachia eda jara base. Mãɨne pɨa k'awaipɨ abaɨ pida Tachi Ak'õre pari pedeaparí Galileadepa chewẽt'a.

Hecho 13:27

Jerusalenepemarãpa mãɨnepa ãchi chaarearãpa Jesú Tachi K'aripaparí k'awadaé pasima. Tachi Ak'õre pari pedeapataɨrãpa bɨdada mimianak'apɨ́ ewaricha jĩk'ua eda jarapatamina chi ichi k'orea bɨdada k'awadaé pasima. Mãɨpari Jesú peapisidaɨde mãɨ pedea jara bɨt'a piarã oosidama.

Hecho 17:11

Berea p'uurudepema judiorã Tesalónica p'uurudepemarã jĩra p'ananaé pasima. Mãɨpari Jesú k'orea ũri k'ɨ̃ria p'anasidama. Ewaricha Tachi Ak'õre pedea minachia jĩrak'aua ak'ɨpachidama ãchia jara p'anɨt'a piarã k'awadai k'orea.

Hecho 26:27

Poro jũra jɨ̃parí jɨ̃ bɨ Agripa, chi Tachi Ak'õre pari pedeapataɨrãpa mãɨ k'orea bɨdada ¿pɨa ĩjãa bɨk'ãra? Mɨa k'awa bɨma pɨa ĩjãa bɨt'a.

Romano 1:2

Mãɨ pedea pia Tachi Ak'õrepa chõarãena teayade a jarasima. Ichi pari pedeapataɨrãpa mãɨ k'orea Ichi Pedea pia bɨ k'art'ade bɨsidama.

Romano 3:2

Mãɨyawẽma. Ne wawariadepa judiorã pai minachia pia bɨma. Naa mɨa jararuma mãɨya p'anɨt'a Tachi Ak'õrepa ichi pedea ãchiá teada pẽra.

Colosense 3:16

Pedea Cristo k'orea mãra sõne uru p'anat'ɨ. Jõma Tachi Ak'õre k'ɨ̃risiadepa chi jarateat'ɨ mãɨnepa chi k'aripat'ɨ pia ĩjãanai k'orea. Tachi Ak'õre pedeade bɨ bɨt'a k'arit'ɨ, ũpẽarãpa k'aripataɨ mãɨnepa Tachi Ak'õre Jaorepa k'aripiparí Tachi Ak'õrea k'arit'ɨ. Sõnepa Tachi Ak'õrea sõpia p'anɨane a p'anɨnepa k'arit'ɨ.

Hebreo 11:16

Maamina tua piipará bɨ pajãne bɨt'a k'ɨ̃ria p'anasidama. Mãɨpuru Tachi Ak'õre p'erak'ama ichi ãchi Ak'õrene autade. Ichia p'uuru ãchi pae oo uru bɨma.

Hebreo 11:35

Chi eda waapẽarã wẽerãpa Tachi Ak'õrene ĩjãa p'anana pẽra chi ẽpẽrarã ãchidirã piudada pada chok'ae p'irabaripidada unusidama. Maamina waapẽarã Tachi Ak'õrene ĩjãa p'anɨ k'orea ẽpẽerãpa minachia jok'aedak'ari peasidama. Eda serra p'anasidama, minachia mĩapidai k'orea. Mãma ãchi k'ẽet'aadayade asidama chi Tachi Ak'õrene waa ĩjãanaiwẽa p'anɨane adaipara. Maamina itu peapisidama, chok'ae p'irabaridak'ari piipará p'ananait'a nɨ p'anana pẽra.

Apocalipsi 19:10

Ara mãɨne mɨ chi Tachi Ak'õrepa ɨt'aripa peeda jĩru k'ait'a sĩraporode bedabari k'obeesima ichiá pia pedeai k'orea. Maamina ichia mɨá jarasima: «Jãɨya oorãse, mãɨpari Tachi Ak'õreapuru pia pedease. Mɨ Tachi Ak'õre pae pari mimiaparipɨ, pɨ jĩra mãɨnepa chi Jesupa jarateada ĩjãa berã jĩra». Jesupa jarateada Tachi Ak'õre Jaorepa chi ichi pari pedeapataɨrã́ pedeapiparima.