Juan 5:26 - Tachi Ak'õre Pedea

²⁶ Mɨ Ak'õrepa chok'ae bapipari jĩra, mɨa ara mãɨya chok'ae bapiparima ichia mãɨya bɨda pẽra.

Juan 5:26 ပူးပေါင်းရင်းမြစ်များ

Juan 1:4

Chi pedea apataɨpa ne ãarea chok'ae bapipachima. Ɨnaa bɨ jĩra basima, ẽpẽerã́ ichi k'orea k'awapi bɨ pẽra.

Juan 10:18

Mɨa mɨ itu itarpiepɨra mi ãpia pida mɨ p'ue peadaiwẽma, maamina mɨ piuipɨ ara mɨchia mãɨya k'ɨ̃ria bɨ pẽra. Mɨ piuk'ari ya mãicha chok'ae p'irabariipɨ. Mãɨ mɨ Ak'õrepa mɨá mãɨya oopisima».

Juan 11:25

Jesupa jarasima: —Mɨa chi piudaadarã chok'ae p'irabaripiparima mãɨnepa chok'ae bapiparima. Parituapa mɨne ĩjãaipɨra, piurumina ewaricha Tachi Ak'õre ome chok'ae baipɨ.

Juan 11:26

Chi mɨne ĩjãa bɨ, mɨnepa chok'ae bɨ pẽra mãɨ mi ãpia pida piuiwẽma. ¿Pɨa mãɨ ĩjãa bɨk'ãra?

Juan 14:19

Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

Juan 6:57

Mɨ Ak'õre chok'ae baparipa mɨ peesima. Ya mɨ ichidepa chok'ae bɨma. Ara mãɨ jĩra chi mɨ k'ak'ua k'o bɨpa mɨnepa chok'ae baipɨ.

Juan 8:51

Mɨa piarã jararuma, chi mɨ pedea ĩjãak'ari oo bɨt'a mãɨ piuk'á paipɨ.

Hecho 17:25

Pia bai k'orea ichia idik'ama ẽpẽrapa ichi pae ne oomẽrá. Ichiapuru ãarea tachiá tea bɨma chok'ae p'ananamẽrá, ɨ̃apaadamẽrá mãɨnepa ne ãarea tachia uru bai bɨt'a uru p'ananamẽrá.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

1 Timoteo 1:17

Tachi Ak'õre chi ewaricha jõmãɨrã Chiparipɨ. Ichi chi tachia ununak'aɨ piuk'ama. Ichit'u Tachi Ak'õrepɨ. Ichiá tachia ewaricha pia pedeadai p'anɨma mãɨnepa wap'eadai p'anɨma. Mãɨya beese.

1 Timoteo 6:16

Abapuru ichit'u piuk'ama. Ichi bɨmá achiterrea jẽrat'ĩu nɨbɨ pẽra mi ãpia pida p'ue ara k'ait'a wãnaiwẽma. Ichit'a mi ãpia pida ununawẽa p'anɨma mãɨnepa p'ue ununak'ama. Mɨa k'ɨ̃ria bɨma ewaricha jõmãɨrãpa ichiá pia pedea p'ananait'a mãɨnepa jua chaareadepa jõmãɨrã ua bait'a. Mãɨya beese.

Hebreo 1:2

Maamina nãɨ k'aadeapema ewaride ichi Warradepa tachiá pedeasima. Ichi Warradepa Tachi Ak'õrepa ne ãarea oosima mãɨnepa ichi bɨsima ne ãarea uru bamẽrá.

Apocalipsi 21:6

Ichiaba ichia mɨá nãɨya jarasima: «Mɨa ooi badat'a jõma oosima. Mɨ chi Alp'apɨ mãɨnepa chi Omegapɨ. Mãɨpa jara bɨma mɨ chi Naapemapɨ mãɨnepa chi K'aadeapemapɨ. Paritua opisia bɨpɨra, mɨa pania wea bɨt'a pari topiipɨ. Mãɨ paniapa tachi chok'ae p'anapiparima.

Apocalipsi 22:1

Mãɨya nak'ari Tachi Ak'õrepa ɨt'aripa peedapa to p'ap'ãrá bɨt'a mɨá unupisima. Tot'á basima vidrio jĩra. Mãɨ paniapa tachi chok'ae p'anapiparima. Tachi Ak'õre mãɨnepa chi Oveja Chak'e suak'a beeparí auk'ará bɨdepa mãɨ to p'uurudepema o jet'ea bɨ esa wea bɨma. To ik'idacha pak'uru nejõ tachi chok'ae p'anapiparí basima. Mãɨ pak'uru jedek'ocha chaupari pẽra, ãyone bari k'ak'o doce teaparima. Chi k'irú nẽará jĩra bɨma, tuachadepemarã k'ak'ua pia p'ananamẽrá.

Apocalipsi 22:17

Tachi Ak'õre Jaorepa mãɨnepa chi Oveja Chak'e k'ima atai bɨ pida nãɨya jara p'anɨma: «¡Chese!» Chi mãɨ ũri bɨpa jarai bɨma: «¡Chese!» Chi opisia bɨ chei bɨma, chi pania tachi chok'ae p'anapiparí tomẽrá. Chi mãɨ pania to k'ɨ̃ria bɨpa pari toi bɨma.

Apocalipsi 7:17

Chi suak'a beeparí auk'ará bɨde Oveja Chak'epa ãchi ak'ɨ baipɨ. Ãchi ateewãipɨ chi pania tachi chok'ae bapiparí t'ɨ nɨbɨmá mãɨ todamẽrá. Mãɨ ewaride Tachi Ak'õrepa ãchi tauba ãarea p'oapiipɨ.