Juan 3:27 - Tachi Ak'õre Pedea

²⁷ Mãɨpuru Juanpa jarasima: —Abaɨ pida ne p'ue uru baiwẽma, chi mãɨ Tachi Ak'õrepa ichiá teaiwẽpɨra.

Juan 3:27 ပူးပေါင်းရင်းမြစ်များ

Mateo 21:25

¿Sãmãɨpa Juan chesima porochoamẽrá? ¿Pajãne Bɨpa ichi peesima, wa nãɨ ĩjũanepemarãpa? Mãɨne ara ãstu pedea para beesima: «Pajãne Bɨpa peesiade adaipɨra, ichia jaraipɨ: “Mãɨ ¿k'ãre k'orea ĩjãanaé pasima?”

Mateo 25:15

Ãchicha erreara teasima ara ãchi k'ɨ̃risiacha, mãɨ erreara eapapidamẽrá. Abaɨa erreara tau k'ak'o joesoma mil teasima. Abaɨa erreara tau k'ak'o ume mil teasima. Abaɨa erreara tau aba mil teasima. Maapaepuru ãyá wãsima.

Marco 13:34

Mãɨ ewari cheru nãɨ jĩra bɨma: ẽpẽra tua awaraɨdea wãrune chi ichi pae pari mimiapataɨrã ameeparima ichi te ak'ɨdamẽrá. Ãchicha bɨparima ne oodamẽrá. Chi eda wãpataɨ ak'ɨparia jaraparima pia ak'ɨ bamẽrá.

Juan 10:41

Mãɨya bɨde chok'ará ẽpẽerã ichimá wãpachidama. Ãchi tuaba nãɨya jarapachidama: «Juanpa ẽpẽerãpa ne p'ue oodak'apɨ́ ooé pasima maamina ãarea ichia nãɨ Jesú k'orea jarada piarãpɨ».

Juan 6:65

Mãɨne Jesupa jarasima: —Mãɨ k'orea mɨa jarasima: mɨ Ak'õrepa ẽpẽra mɨmá enemeaepɨra, mãɨ ẽpẽrapa p'ue mɨne ĩjãaiwẽma.

Romano 1:5

Jesucristodepa Tachi Ak'õrepa mɨ bɨsima ichia peeda bamẽrá. Ichidepa mãɨya bɨsima jõma tuachadepemarãpa Jesucristode ĩjãanamẽrá, ichi pedea oodamẽrá mãɨnepa ichiá pia pedeadamẽrá.

Romano 12:6

Tachi Ak'õrepa ichi sõpiadepa tachicha ne oodamẽrá awara awará teasima. Ichia chi tearua teasima ichi pari pedeadamẽrá. Mãɨya teasipɨra, ãchia piarã ĩjãa p'anɨnepa mãɨya pedeadai p'anɨma.

1 Corintio 1:1

Mɨ Pablopɨ. Tachi Ak'õrepa ichia k'ɨ̃riana pẽra mɨ t'ɨ̃sima Jesucristopa peeda pamẽrá. Tachi ũpẽa Sóstene mɨ ome bɨma.

1 Corintio 12:11

Ara Tachi Ak'õre Jaore aba bɨpa jõma mãɨ oopi bɨma. Ichia tachicha oopi bɨma ichia k'ɨ̃ria bɨ jĩra.

1 Corintio 15:10

Maamina Tachi Ak'õrepa ichi sõpiadepa mɨ bɨsima Jesucristopa peeda bamẽrá. Ichia mɨ pari mãɨya bɨé pasima. Mãɨpari jõma chi waapẽarã Jesucristopa peedaɨrã k'aepẽra mɨa ichi pae atepe oo bɨma. Maamina ara mɨchidepa mãɨya oowẽa bɨma. Tachi Ak'õrepuru ichi sõpiadepa mɨ k'aripa bɨma mãɨya oomẽrá.

1 Corintio 3:5

Maamina ¿Pablo k'aima? ¿Apolo k'aima? Tait'u Tachi Ak'õre pae pari mimiapataɨrãpɨ. Taidepa mãrapa Tachi Chiparide ĩjãasidama. Tachi Ak'õrepa taicha oopida jĩra oosidama.

1 Corintio 4:7

¿K'aipa pɨ waapẽarã k'aepẽra atepe pia bɨsima? Tachi Ak'õrepa teada awara ¿pɨa k'ãre uru bɨma? Pɨa Tachi Ak'õrenepa nejõma jitadapɨra, ¿k'ãre k'orea ara pɨchi tuaba jitada jĩra pedea bɨma?

Gálata 1:1

Mɨ Pablopɨ, Jesucristopa peedapɨ. Ẽpẽrarãpa mɨ jɨrɨ atadaé pasima Jesucristopa peeda bamẽrá. Mãɨpari Jesucristopa mãɨnepa ichi Ak'õrepa, ichi piu bada chok'ae p'irabaripidapa mɨ mãɨya bɨsidama.

Ep'esio 1:1

Mɨ Pablopɨ. Tachi Ak'õrepa k'ɨ̃riana pẽra mɨ Jesucristopa peedapɨ. Mɨa nãɨ k'art'a bɨruma jõma ẽpẽrarã Tachi Ak'õrenepemarã Jesucristode ĩjãa be Ép'eso p'uurudepemarã pae.

1 Timoteo 2:7

Mãɨ k'orea mɨ ichi pedea jaraparí bɨsima. Mɨ ichia peeda bɨsima piarã pedea ichide ĩjãanai p'anɨ k'orea judiorãwẽmá jarateade wãmẽrá. Mɨa piarã jara bɨma. Seawẽma.

Santiago 1:17

Ɨt'aripa Tachi Pajãnepema Ak'õrepa nejõma minachia pia k'edet'a tachiá teaparima. Ichiapuru nejõma pajãne uruapataɨ ook'oasima. Mãɨrã ewaricha abarik'a uruadak'ama. Mãɨpari Tachi Ak'õre k'ĩra awara bak'ama mãɨnepa k'ĩra awara ook'ama.