Juan 20:26 - Tachi Ak'õre Pedea

²⁶ Ewari ocho pak'ari Jesú ome p'ɨrrɨapataɨrã mãicha tiida ará p'anɨne, Tomá sida basima. Mãɨya p'anɨne chi eda wãpataɨ minachia jɨ̃a nɨbɨmina, mãɨne Jesú mãɨya bɨde eda pasima. Ãchi esa bai nɨbeek'ari Jesupa jarasima: —¡Ne k'ɨ̃risiadawẽa p'anat'ɨ!

Juan 20:26 ပူးပေါင်းရင်းမြစ်များ

Mateo 17:1

Ewari k'ak'o sei pak'ari Jesupa Pedro, Santiago mãɨnepa chi ũpẽa Juan ãchi tuaba awara eya ɨt'ɨ bɨmá ateewãsima.

Marco 16:14

Mãɨya nak'ari chi Jesú ome p'ɨrrɨapataɨrã once p'anɨ nek'omaa p'anasidaɨde ara ichi unupisima. Ãchi sõ chaareadepa ĩjãanawẽa p'anana pẽra mãɨnepa chi ichi chok'ae p'irabarida ununaanapa ãchiá jarada ĩjãanawẽa p'anana pẽra, ãchi ɨtɨasima.

Luca 24:36

Wapida mãɨya nepɨrɨmaa p'anɨne Jesú ãchi esa bai nɨbee chesima. Maapae ãchiá jarasima: —¡Ne k'ɨ̃risiawẽa p'anat'ɨ!

Luca 9:28

Mãɨya jarak'ari ewari ocho pa bɨde Jesú Tachi Ak'õrea ɨt'aa chiidide wãsima eyadea. Pedro, Juan, Santiago ome ateewãsima.

Juan 11:16

Mãɨne Tomá, Mikisu apataɨ basima. Mãɨpa Jesú ome p'ɨrrɨapataɨrã waapẽarã́ jarasima: —Judeadea wãtɨma tachi sida peadamẽrá.

Juan 14:27

»Mɨa mãra ne k'ɨ̃risiadawẽa p'anapi k'ɨ̃ria bɨma. Mɨa mãɨya ooiwẽma, chi nãɨ ĩjũanepemarãpa mãɨya oopatama. Mãɨpuru minachia k'ĩra piawẽa p'anarãt'ɨ. Ne wap'earãt'ɨ.

Juan 20:19

Mãɨ ewari tomio k'iuk'ari Jesú ome p'ɨrrɨapataɨrã tiida ará p'anasidama. Waapẽarã judiorã wap'ea p'anɨ pẽra chi eda wãpataɨ jɨ̃a uru p'anasidama. Mãɨne Jesú mãɨya bɨde eda pasima. Ãchi esa bai nɨbeek'ari jarasima: —¡Ne k'ɨ̃risiadawẽa p'anat'ɨ!

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Juan 21:1

Mãɨya nak'ari Jesupa mãicha ara ichi ome p'ɨrrɨapataɨrã́ unupisima Tiberia senia choma ik'idá. Nãɨyasima:

Juan 21:14

Mãɨpa bari k'ak'o ũpea pa basima Jesupa chi ichi ome p'ɨrrɨapataɨrã́ chok'ae p'irabari bak'ari unupisit'a.

Hecho 1:3

Jesú piuk'ari ara ichi ãchiá bari k'ak'o minachia unupipachima k'awadamẽrá ichi piarã chok'ae p'irabarisit'a. Mãɨne ãchiá jarateapachima ichidepa Tachi Ak'õrepa ichidirã ichi juade ua bɨ k'orea. Ewari k'ak'o cuarenta mãɨya oosima.