Juan 20:25 - Tachi Ak'õre Pedea

²⁵ Mãɨpuru ichiá jarasidama: —Taipa Tachi Chipari unusidama. Maamina Tomapa jarasima: —Mɨ taupa ichi juade k'araupa mẽrap'et'adada unuepɨra, mɨ jua jimini chi k'arau mẽrap'et'adadade berajuepɨra, mãɨnepa mɨ jua ichi orrode jẽraepɨra, ichi chok'ae p'irabarida mɨa ĩjãaiwẽma.

Juan 20:25 ပူးပေါင်းရင်းမြစ်များ

Mateo 27:42

—Ichia waapẽarã k'aripasima, maamina ara ichi tuaba p'ue k'aripawẽma. Ichi Israeldepema poro jũra jɨ̃parí jɨ̃ bɨpɨra, nãɨena jãɨ k'urusudepa edá chese. Mãɨyara ĩjãanaipɨ.

Marco 16:11

Maamina Mariapa ãchiá Jesú chok'ae bɨt'a unusiade aside, mãɨ ĩjãanaé pasima.

Marco 16:13

Ãchi jĩitea wãnak'ari chi waapẽarã́ jarasidama. Maamina ĩjãanaé pasima.

Marco 16:14

Mãɨya nak'ari chi Jesú ome p'ɨrrɨapataɨrã once p'anɨ nek'omaa p'anasidaɨde ara ichi unupisima. Ãchi sõ chaareadepa ĩjãanawẽa p'anana pẽra mãɨnepa chi ichi chok'ae p'irabarida ununaanapa ãchiá jarada ĩjãanawẽa p'anana pẽra, ãchi ɨtɨasima.

Luca 24:25

Mãɨpuru Jesupa ãchiá jarasima: —¡Jõma Tachi Ak'õre pari pedeapataɨrãpa jaradada mãrapa ĩjãanawẽa p'anɨma! ¡Mãra k'ɨ̃risia nea p'anɨma!

Juan 1:41

André Jesumá bak'ari naa ichi ũpẽa Simón jɨrɨde wãsima. Unuk'ari jarasima: —Taipa unusidama Tachi Ak'õrepa Tachi K'aripaparí teai jarada.

Juan 20:27

Mãɨya jarak'ari Tomá jarasima: —Pɨ jua jimini nãma berajuse, mɨ juacha ak'ɨse mãɨnepa pɨ jua mɨ orrode jẽrase. Waa ĩjãawẽa barãse, mãɨpari ĩjãase mɨ piarã chok'ae p'irabarisit'a.

Juan 21:7

Mãma basima Jesú ome p'ɨrrɨaparí chi “Jesupa minachia k'ɨ̃ria bɨ” apataɨ. Mãɨpa Pedroa jarasima: —¡Jãɨ Tachi Chiparipɨ! Simón Pedropa “Tachi Chipariade” a jarada ũriside ichi neet'á ɨ̃rɨpema jɨ̃sima, mãɨ neet'áwẽapachi pẽra mãɨ to bat'ai k'orea. Jɨ̃k'ari maapae toedá t'ĩu wãsima.

Juan 6:30

Mãɨpuru ãchia Jesua idisidama: —¿Pɨa taiyá k'ãre unupiima, pɨ pedea ĩjãanamẽrá? Tachi chõarãenapemarãpa ĩjũa pania newẽa bɨde maná k'opachidama. Tachi Ak'õre pedeade jara bɨma: “Ichia ɨt'aripema p'ana teasima ãchia k'odamẽrá”. ¿Pɨa k'ãre ooima?

Hebreo 3:12

Ũpẽarã, jĩrak'aua p'anat'ɨ. Sõ chaareapa Tachi Ak'õrene ĩjãanawẽa p'anarãt'ɨ. Chi mãɨya bɨpa Tachi Ak'õre chok'ae bɨt'a itu bɨparima.

Hebreo 3:18

¿Tachi Ak'õrepa k'aiyá p'ue wãnaiwẽane asima, chi ichia ɨ̃apaapii bɨmá? ¿Chi ichi pedea ĩjãanak'apɨɨrã́ mãɨya jarasiwẽk'ãra?