Juan 20:21 - Tachi Ak'õre Pedea

²¹ Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Juan 20:21 ပူးပေါင်းရင်းမြစ်များ

Mateo 10:16

»Mɨa mãra ẽpẽra k'achia t'ãena peeruma. Ãchia mãra piawẽa oodaipɨ usa k'achiapa oveja orrabaripari jĩra. Mãɨpuru ãchi t'ãena p'anɨne taama jĩra k'ɨ̃risia k'awaa nipat'ɨ, maamina p'aloma jĩra ɨmɨmɨrã́ nipat'ɨ.

Mateo 10:40

»Chi mãrá pia chesidade a bɨpa, mɨá pia chesiade a bɨma. Chi mɨá pia chesiade a bɨpa chi mɨ Peedá pia pedea bɨma.

Luca 24:36

Wapida mãɨya nepɨrɨmaa p'anɨne Jesú ãchi esa bai nɨbee chesima. Maapae ãchiá jarasima: —¡Ne k'ɨ̃risiawẽa p'anat'ɨ!

Juan 13:20

Mɨa piarã jararuma: chi mɨa peedá pia pedea bɨpa mɨá pia pedea bɨma. Ichiaba chi mɨá pia pedea bɨpa chi mɨ Peedá pia pedea bɨma».

Juan 14:27

»Mɨa mãra ne k'ɨ̃risiadawẽa p'anapi k'ɨ̃ria bɨma. Mɨa mãɨya ooiwẽma, chi nãɨ ĩjũanepemarãpa mãɨya oopatama. Mãɨpuru minachia k'ĩra piawẽa p'anarãt'ɨ. Ne wap'earãt'ɨ.

Juan 20:19

Mãɨ ewari tomio k'iuk'ari Jesú ome p'ɨrrɨapataɨrã tiida ará p'anasidama. Waapẽarã judiorã wap'ea p'anɨ pẽra chi eda wãpataɨ jɨ̃a uru p'anasidama. Mãɨne Jesú mãɨya bɨde eda pasima. Ãchi esa bai nɨbeek'ari jarasima: —¡Ne k'ɨ̃risiadawẽa p'anat'ɨ!

Juan 20:22

Mãɨya jarak'ari ãchimá jãrap'uak'ari jarasima: —Tachi Ak'õre Jaore jitat'ɨ.

Juan 20:26

Ewari ocho pak'ari Jesú ome p'ɨrrɨapataɨrã mãicha tiida ará p'anɨne, Tomá sida basima. Mãɨya p'anɨne chi eda wãpataɨ minachia jɨ̃a nɨbɨmina, mãɨne Jesú mãɨya bɨde eda pasima. Ãchi esa bai nɨbeek'ari Jesupa jarasima: —¡Ne k'ɨ̃risiadawẽa p'anat'ɨ!

Juan 3:17

Tachi Ak'õrepa ichi Warra nãɨ ĩjũanea peé pasima ẽpẽerã nepɨra pará p'anɨane amẽrá mãɨpari peesima k'aripamẽrá.

Hecho 1:2

Tachi Ak'õrepa mãɨ pajãnea ateewãrunea. Pajãnea wãi naena ichia peedaɨrã́ Tachi Ak'õre Jaoredepa jarateasima k'ãre oodai p'anɨt'a. Mãɨrã ichia jɨrɨ atada pasima.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

2 Timoteo 2:2

Mɨa ẽpẽrarã chok'ará k'ĩrari jaratea badat'a pɨa ũrisima. Ara mãɨ jaratea bada pɨa pida waapẽarã ũpẽarã juade bɨese. Waapẽarãpa ãchidepuru ĩjãanai p'anɨma mãɨnepa p'ue pia jarateadai p'anɨma waapẽarã́ jarateadamẽrá.

Hebreo 3:1

Ũpẽarã, mãra ẽpẽerã Tachi Ak'õrenepemarã pẽra mãɨnepa ichia mãra t'ɨ̃na pẽra, Jesucristo k'orea minachia jĩrak'aua k'ɨ̃risiat'ɨ. Tachia piarã ĩjãa p'anɨane apatama Ichi Tachi Ak'õrepa peedapɨ mãɨnepa P'aare minachia k'awa bɨpɨ.

3 Juan 1:14

Tãaraawẽane pɨ ak'ɨde wã k'ɨ̃ria bɨma. Maapae ará pedeadaipɨ.