Juan 20:20 - Tachi Ak'õre Pedea

²⁰ Mãɨ jarak'ari ichi jua, ichi orro sida ãchiá ak'ɨpisima. Tachi Chipari unusida pẽra arapaasidama.

Juan 20:20 ပူးပေါင်းရင်းမြစ်များ

Mateo 28:8

Ara mãɨne wẽrarã Jesú k'ak'ua t'ɨbaridaadamãɨpa p'ira wãsidama. Wap'ea p'ananak'ari maamina sõ arapá wãsidama. Jesú ome p'ɨrrɨa p'ananarã́ jarade wãutade Jesú chek'ari ãchiá pia pedeasima. Maapae wẽrarã ichimá chedak'ari ichi jĩru oredak'ari, ichi minachia k'ɨ̃riasidama.

Juan 16:20

Mɨa piarã jararuma: nãɨ ĩjũanepemarã arapá p'anɨmisa, mãra sõp'uapa jẽanaipɨ. Mãra sõk'achia p'ananaipɨ, maamina mãɨ jõk'ari arapaadaipɨ.

Juan 16:22

Ara mãɨ jĩra mãra ara nãɨena k'ĩra piawẽa p'anɨma, maamina mɨ mãicha mãra ak'ɨde cheipɨ. Maapae mãra arapá p'ananaipɨ. Abaɨ pida mãɨ arapá p'ue wẽpapiiwẽma.

Juan 19:34

Mãɨya bɨde aba papaká bɨpa Jesú orrode miasupa susima piarã piusi k'awai k'orea. Ara mãɨne oa mãɨnepa pania chesima.

Juan 20:25

Mãɨpuru ichiá jarasidama: —Taipa Tachi Chipari unusidama. Maamina Tomapa jarasima: —Mɨ taupa ichi juade k'araupa mẽrap'et'adada unuepɨra, mɨ jua jimini chi k'arau mẽrap'et'adadade berajuepɨra, mãɨnepa mɨ jua ichi orrode jẽraepɨra, ichi chok'ae p'irabarida mɨa ĩjãaiwẽma.

Juan 20:27

Mãɨya jarak'ari Tomá jarasima: —Pɨ jua jimini nãma berajuse, mɨ juacha ak'ɨse mãɨnepa pɨ jua mɨ orrode jẽrase. Waa ĩjãawẽa barãse, mãɨpari ĩjãase mɨ piarã chok'ae p'irabarisit'a.

1 Juan 1:1

Jua chiwidieda chi Chok'ae Bapiparí Pedea apataɨ basima mãɨnepa wapida bɨma. Ichia jarateada taipa ũrisidama. Ichi tai taupa unusidama mãɨnepa juapa t'õmarisidama. Ichia ooda pia ak'ɨsidama. Ichi k'orea taipa nãɨ k'art'ade bɨutama.