Juan 20:19 - Tachi Ak'õre Pedea

¹⁹ Mãɨ ewari tomio k'iuk'ari Jesú ome p'ɨrrɨapataɨrã tiida ará p'anasidama. Waapẽarã judiorã wap'ea p'anɨ pẽra chi eda wãpataɨ jɨ̃a uru p'anasidama. Mãɨne Jesú mãɨya bɨde eda pasima. Ãchi esa bai nɨbeek'ari jarasima: —¡Ne k'ɨ̃risiadawẽa p'anat'ɨ!

Juan 20:19 ပူးပေါင်းရင်းမြစ်များ

Mateo 10:13

Mãɨ tedepemarãpa mãrá pia chesidade adaipɨra, ãchi mãra ome ne k'ɨ̃risiadawẽa p'ananaipɨ. Maamina mãɨyanaepɨra, ãchi p'ue ne k'ɨ̃risiadawẽa p'ananaiwẽma.

Marco 16:14

Mãɨya nak'ari chi Jesú ome p'ɨrrɨapataɨrã once p'anɨ nek'omaa p'anasidaɨde ara ichi unupisima. Ãchi sõ chaareadepa ĩjãanawẽa p'anana pẽra mãɨnepa chi ichi chok'ae p'irabarida ununaanapa ãchiá jarada ĩjãanawẽa p'anana pẽra, ãchi ɨtɨasima.

Juan 14:27

»Mɨa mãra ne k'ɨ̃risiadawẽa p'anapi k'ɨ̃ria bɨma. Mɨa mãɨya ooiwẽma, chi nãɨ ĩjũanepemarãpa mãɨya oopatama. Mãɨpuru minachia k'ĩra piawẽa p'anarãt'ɨ. Ne wap'earãt'ɨ.

Juan 16:22

Ara mãɨ jĩra mãra ara nãɨena k'ĩra piawẽa p'anɨma, maamina mɨ mãicha mãra ak'ɨde cheipɨ. Maapae mãra arapá p'ananaipɨ. Abaɨ pida mãɨ arapá p'ue wẽpapiiwẽma.

Juan 16:33

Mãɨ ãarea mɨa mãrá jarasima mɨnepa ne k'ɨ̃risiadawẽa p'ananamẽrá. Nãɨ ĩjũane nepɨra pará p'ananaipɨ, maamina ne wap'earãt'ɨ: nãɨ ĩjũanepema mɨa p'uesima.

Juan 20:21

Maapae Jesupa mãicha ãchiá jarasima: —Ne k'ɨ̃risiadawẽa p'anat'ɨ. Mɨ Ak'õrepa mɨ nãɨ ĩjũanea peeda jĩra mɨa mãra nãɨ ĩjũanea peeruma.

Juan 20:26

Ewari ocho pak'ari Jesú ome p'ɨrrɨapataɨrã mãicha tiida ará p'anɨne, Tomá sida basima. Mãɨya p'anɨne chi eda wãpataɨ minachia jɨ̃a nɨbɨmina, mãɨne Jesú mãɨya bɨde eda pasima. Ãchi esa bai nɨbeek'ari Jesupa jarasima: —¡Ne k'ɨ̃risiadawẽa p'anat'ɨ!

Juan 21:1

Mãɨya nak'ari Jesupa mãicha ara ichi ome p'ɨrrɨapataɨrã́ unupisima Tiberia senia choma ik'idá. Nãɨyasima:

Juan 21:14

Mãɨpa bari k'ak'o ũpea pa basima Jesupa chi ichi ome p'ɨrrɨapataɨrã́ chok'ae p'irabari bak'ari unupisit'a.

Juan 7:13

Maamina judiorã chi minachia k'awa p'anɨrã wap'ea p'anɨ pẽra mi ãpia pida Jesú k'orea jĩk'ua pedeadak'a pasima.

Hecho 1:3

Jesú piuk'ari ara ichi ãchiá bari k'ak'o minachia unupipachima k'awadamẽrá ichi piarã chok'ae p'irabarisit'a. Mãɨne ãchiá jarateapachima ichidepa Tachi Ak'õrepa ichidirã ichi juade ua bɨ k'orea. Ewari k'ak'o cuarenta mãɨya oosima.

Romano 15:33

Mɨa k'ɨ̃ria bɨma chi Tachi Ak'õre tachi ne k'ɨ̃risiawẽa bapiparí jõma mãra ome bait'a. Mãɨya beese.

1 Corintio 15:5

Chok'ae p'irabarik'ari Pedroa unupisima. Mãɨ ɨ̃ari chi doce jɨrɨ atadaɨrã́ unupisima.

Ep'esio 2:14

Piarã Cristopa tachi ne k'ɨ̃risiawẽa beepisima. Ichia judiorã, judiorãwẽ ome ará bɨsima p'uuru aba beemẽrá. Ichi piudadepa tachi awara p'anana ará bɨsima.

Ep'esio 6:23

Ũpẽarã, mɨa k'ɨ̃ria bɨma Tachi Pajãnepema Ak'õrepa mãɨnepa Tachi Chipari Jesucristo pida mãra k'aripadait'a, chi k'ɨ̃ria p'ananamẽrá mãɨnepa pia ĩjãa p'ananamẽrá. Mãɨnepa k'ɨ̃ria bɨma ãchia mãra ne k'ɨ̃risiawẽa p'anapidamẽrá.

P'ilipense 1:2

Taipa k'ɨ̃ria p'anɨma Tachi Pajãnepema Ak'õrepa mãɨnepa Tachi Chipari Jesucristopa ãchi sõpiadepa mãra k'aripa p'ananait'a ne k'ɨ̃risiawẽa p'ananamẽrá.

2 Tesalonicense 3:16

Taipa k'ɨ̃ria p'anɨma Tachi Chipari ne k'ɨ̃risiawẽa p'anapiparipa mãrá ewaricha ne k'ɨ̃risiadawẽa ne ãareaɨne p'anapimẽrá. K'ɨ̃ria p'anɨma Tachi Chipari mãra ome bamẽrá.

Hebreo 7:2

Maapae Abrahanpa chi ichia ãarea ẽemarinanepema ichiá teasima. Mãɨ diez joisiarucha aba teasima. Melkisedé t'ɨ̃ jara k'ɨ̃ria bɨma «poro jũra jɨ̃ bɨ chi jĩp'a bɨ». Mãɨnepa «Salenepema poro jũra jɨ̃bɨade» apachidama. Mãɨ t'ɨ̃ jara k'ɨ̃ria bɨma «chi tachi ne k'ɨ̃risiawẽa bapiparí poro jũra jɨ̃ bɨ».

3 Juan 1:14

Tãaraawẽane pɨ ak'ɨde wã k'ɨ̃ria bɨma. Maapae ará pedeadaipɨ.

Apocalipsi 1:4

Mɨ Juanpɨ. Nãɨ k'art'a bɨruma ũpẽarã p'uuru siete p'anɨ, Asia tuadepemarã pae. Mɨa k'ɨ̃ria bɨma Tachi Ak'õrepa ichi sõpiadepa mãra k'aripa bait'a mãɨnepa ne k'ɨ̃risiawẽa bapiit'a. Mãɨ ichipɨ, ichi naena basima mãɨnepa ichi chei bɨpɨ. Mãɨnepa mɨa k'ɨ̃ria bɨma chi suak'a beeparí auk'ará bɨ k'ĩrari siete jaore p'anɨpa mãɨya oo p'ananait'a.