Juan 20:15 - Tachi Ak'õre Pedea

¹⁵ Jesupa ichiá idisima: —Wẽra, ¿k'ãre k'orea jẽa bɨma? ¿K'ai jɨrɨ bɨma? Mariapa k'ɨ̃risiasima chi mãɨ ẽpẽra chi ne uu ĩjũa ak'ɨparí pasit'a. Mãɨpuru jarasima: —Pɨa Jesú k'ak'ua ãyá ateewãsipɨra, mɨá jarase sãma bɨsit'a mɨa ichi k'ak'ua atade wãi k'orea.

Juan 20:15 ပူးပေါင်းရင်းမြစ်များ

Mateo 12:34

¡Taama ẽpẽrarã! ¿Mãra chi k'achiarãpa sãmaasã́ nepia pedeadaima? Ẽpẽrapa ichi sõne k'ɨ̃risia bɨ jĩra pedeaparima.

Mateo 28:5

Maamina Tachi Ak'õrepa ɨt'aripa peedapa wẽrarã́ jarasima: —Wap'earãt'ɨ. Mɨa k'awa bɨma mãrapa Jesú k'urusude barijira bɨdada jɨrɨ p'anɨt'a.

Marco 16:6

Mãɨ k'ũtãpa ãchiá jarasima: —P'erarãt'ɨ. Mãrapa Jesú Nazaredepema k'urusude barijira bɨdada jɨrɨ p'anɨma. Ichi chok'ae p'irabarisima. Ichi t'ɨbaridaadamá ak'ɨt'ɨ. Nãma bɨwẽma.

Luca 2:44

K'ɨ̃risia p'anasidama Jesú ẽpẽrarã t'ãena nipasit'a. Mãɨya ewari aba pa basima. K'ewará ichi jɨrɨsidaɨde ãchi ẽpẽrarã t'ãena ununaé pasima. Ara mãɨne jĩitea Jerusalenea Jesú jɨrɨde wãsidama.

Luca 24:5

Mãɨ k'orea wẽrarã minachia p'eradak'ari sĩraporode k'op'aneenak'ari, ãchi tau bɨɨrɨ ĩjũamá t'ɨpisidama. Mãɨne chi ẽpẽrarãpa ãchiá jarasidama: —¿K'ãre k'orea mãrapa chok'ae bɨ piudaadarã t'ãena jɨrɨ p'anɨma?

Juan 1:38

Jesupa jĩitea ak'ɨrude ichi k'aade cheutat'a unusima. Mãɨne idisima: —Mãrapa ¿k'ãre k'ɨ̃ria p'anɨma? Ãchia jarasidama: —Rabí, pɨ ¿sãma k'ãi baparima? (Mãɨ pedea Rabí jara bɨma “Jarateaparí”).

Juan 18:4

Mãɨne Jesupa ãarea ne mãɨyai k'awa bɨ pẽra ãchimá wãk'ari idisima: —Mãrapa ¿k'ai jɨrɨ p'anɨma?

Juan 18:7

Maapae Jesupa mãicha idisima: —¿K'ai jɨrɨ p'anɨma? Ãchia mãicha p'anoosidama: —Jesú Nazaredepema.

Juan 20:13

Ãchia idisidama: —Wẽra, ¿k'ãre k'orea jẽa bɨma? Mãɨne p'anoosima: —Mɨ Chipari Jesú ateewãsidama. Mɨa atua bɨma sãmá ateewãsidat'a.