Juan 19:30 - Tachi Ak'õre Pedea

³⁰ Jesupa mãɨ uvaba jɨjɨyá tok'ari jarasima: —Mɨa ooi pada ãarea oosima. Maapae ichi poro edá jaabarik'ari k'ĩrawẽasima.

Juan 19:30 ပူးပေါင်းရင်းမြစ်များ

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Mateo 27:50

Mãɨya bɨde Jesú mãicha jĩk'ua biak'ari k'ĩrawẽasima.

Mateo 3:15

Mãɨne Jesupa p'anoosima: —Nãɨena pɨa oopari jĩra oose. Tachia ãarea jĩp'a oodai p'anɨma Tachi Ak'õrepa oopi bɨ jĩra. Ara mãɨne Juanpa ĩjãasima.

Marco 15:37

Mãɨne Jesú ɨbɨa biak'ari, piusima.

Luca 22:37

Mɨa jararuma: Tachi Ak'õre pari pedeaparipa mɨ k'orea bɨda piarã mãɨyai pia bɨma. Nãɨya bɨsima: “Ara ichi ẽpẽra k'achia bɨ jĩra k'ɨ̃risia p'anasidama”. Chi mɨ k'orea bɨdada piarã ãarea mãɨyaipɨ.

Luca 23:46

Ara mãɨne Jesupa jĩk'ua biasima: —Ak'õre, mɨ jaore pɨ juade bɨruma. Mãɨya jarak'ari k'ĩrawẽasima.

Juan 10:11

»Mɨ oveja ak'ɨparí chi pia bɨpɨ. Chi oveja ak'ɨparí pia ichi oveja k'orea piui bɨma.

Juan 10:18

Mɨa mɨ itu itarpiepɨra mi ãpia pida mɨ p'ue peadaiwẽma, maamina mɨ piuipɨ ara mɨchia mãɨya k'ɨ̃ria bɨ pẽra. Mɨ piuk'ari ya mãicha chok'ae p'irabariipɨ. Mãɨ mɨ Ak'õrepa mɨá mãɨya oopisima».

Juan 17:4

Pɨa mɨá nãɨ ĩjũane oopida mɨa jõma oosima. Mãɨya k'awapisima pɨ chi choma bɨt'a.

Juan 19:28

Mãɨya jarak'ari Jesupa k'awasima ichia ooi pada ãarea oosit'a. Mãɨne jarasima: —Mɨ opisia bɨma. Mãɨ jarasima Tachi Ak'õre pedeade jara bɨ jĩra.

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Romano 10:4

Maamina mãɨya p'ananai k'orea ãchia chi ley oopachidaedapema k'aepẽra, Cristopa ãarea oosima. Chi Cristode ĩjãauta Tachi Ak'õre k'ĩrari jĩp'a berã unuparima.

Romano 3:25

Tachi Ak'õrepa Jesucristo bɨsima ichi oa ãrimẽrá tachi nemietá k'orea. Mãɨne ĩjãautade Tachi Ak'õrepa tachi nemietá k'ɨ̃risia atuaparima. Mãɨpa unupi bɨma Tachi Ak'õre jĩp'a bɨt'a tachi k'aripai k'orea. Cristo chei naena nemietá oodada Tachi Ak'õrepa ãarea choa bɨdepa ɨtɨawẽa basima.

1 Corintio 5:7

Mãɨpuru p'ana ooropiparí chi chota ãyá amaauta jĩra mãɨ nemietá oo bɨpa mãranepema ãyá bɨt'ɨ. Mãɨya mãra nemietá newẽa p'ananaipɨ, harina chiwidi p'ueradada chi p'ana ooropiparí newẽa bɨ jĩra. Mãra mãɨ jĩra p'anapii k'orea, Cristo tachi nemietá k'orea piusima, Egitodepa wãsidaɨde oveja peadada jĩra.

P'ilipense 2:8

Mãɨya ook'ari, chupuri beesima. Tachi Ak'õrepa piui bɨade aside ara mãɨyasima. K'urusude minachia mĩak'ari piui bɨmina ara mãɨyasima.

Hebreo 12:2

Jesude pia k'ɨ̃risiadai p'anɨma. Ichia k'aripasima tachia naa ĩjãanamẽrá mãɨnepa k'aripaparima ewaricha ĩjãa p'ananamẽrá. K'ɨ̃risiat'ɨ sãmaasã́ ichi k'urusude minachia mĩasit'a. Mãɨ k'orea p'erai badamina p'eraé pasima. Ichia k'awasima mãɨya nak'ari minachia arapá bait'a. Idiapae Tachi Ak'õre suak'a beeparí pia bɨ juaraari suak'abari bɨma.

Hebreo 9:22

Piarã Moisepa bɨdade jara bɨma perá ne ãarea oapa jĩp'oi badat'a mãɨ Tachi Ak'õre k'ĩrari pia beemẽrá. Mãɨ oa ãrinaepɨra tachia nemietá oodada Tachi Ak'õrepa k'ɨ̃risia atuaiwẽma.