Juan 19:28 - Tachi Ak'õre Pedea

²⁸ Mãɨya jarak'ari Jesupa k'awasima ichia ooi pada ãarea oosit'a. Mãɨne jarasima: —Mɨ opisia bɨma. Mãɨ jarasima Tachi Ak'õre pedeade jara bɨ jĩra.

Juan 19:28 ပူးပေါင်းရင်းမြစ်များ

Luca 12:50

Maamina mãɨ naena mɨ minachia mĩa bɨma. Mãɨpuru ãarea sõp'ua baparima mãɨ ewari parudea.

Luca 18:31

Jesupa doce peedaɨrã awara ateewãk'ari jarasima: «Tachi Ak'õre pari pedeapataɨrãpa mɨ, chi Ẽpẽra Warra k'orea k'art'ade bɨsidama. Tachi Jerusalene cheutade ãchia bɨdada jõma mãɨyaipɨ.

Luca 22:37

Mɨa jararuma: Tachi Ak'õre pari pedeaparipa mɨ k'orea bɨda piarã mãɨyai pia bɨma. Nãɨya bɨsima: “Ara ichi ẽpẽra k'achia bɨ jĩra k'ɨ̃risia p'anasidama”. Chi mɨ k'orea bɨdada piarã ãarea mãɨyaipɨ.

Luca 9:31

Ãchi sida k'ĩrawãrea achiterrea p'anasidama. Ãchia pedea p'anasidama Jesú Jerusalene peadai k'orea.

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Juan 17:4

Pɨa mɨá nãɨ ĩjũane oopida mɨa jõma oosima. Mãɨya k'awapisima pɨ chi choma bɨt'a.

Juan 18:4

Mãɨne Jesupa ãarea ne mãɨyai k'awa bɨ pẽra ãchimá wãk'ari idisima: —Mãrapa ¿k'ai jɨrɨ p'anɨma?

Juan 19:24

Mãɨne papaká berãpa ãchi tuaba jarasidama: —Nãɨ k'õanaiwẽma. Pia bɨma nãɨ k'orea ne jemenanai, mãɨ k'aipa jitai k'awayá. Ara mãɨya mãɨt'u chi ãchia oosidama. Mãɨyasima Tachi Ak'õre pedeade naena bɨda jĩra: «Mɨa ɨ̃rɨa anamari jɨ̃ bada ãchicha jedasidama; mãɨnepa mɨa neet'á ek'ari jɨ̃ bada atadai k'orea jemenasidama».

Juan 19:30

Jesupa mãɨ uvaba jɨjɨyá tok'ari jarasima: —Mɨa ooi pada ãarea oosima. Maapae ichi poro edá jaabarik'ari k'ĩrawẽasima.

Juan 19:36

Ãarea mãɨ piarã mãɨyasima Tachi Ak'õre pedeade bɨ bɨ jĩra. Nãɨya bɨ bɨma: «Ichi bɨɨrɨ aba pida bɨap'et'adaé pasima».

Juan 4:34

Mãɨpuru Jesupa ãchiá jarasima: —Mɨmá, chi mɨ Peedapa oopi bɨ ãarea oo bɨt'a, mãɨt'u mɨ chik'o jĩra bɨma.

Hecho 13:29

Tachi Ak'õre k'art'ade ichi peadai bɨdada ãarea mãɨyak'ari ichi k'urusudepema edá jiradak'ari t'ɨbarisidama.