Juan 19:26 - Tachi Ak'õre Pedea

²⁶ Jesupa chi nae mãɨnepa chi ichi ome p'ɨrrɨaparí chi «ichia minachia k'ɨ̃ria bɨ» apataɨ ichi bɨk'á unuside, chi naea jarasima: —Nae, cha bɨ pɨ warrapɨ.

Juan 19:26 ပူးပေါင်းရင်းမြစ်များ

Juan 13:23

Mãɨrãnepema aba, chi Jesupa minachia k'ɨ̃ria uru baparí, ichik'á suak'abari basima.

Juan 2:4

Mãɨne Jesupa jarasima: —Nae, ¿k'ãre k'orea pɨa mɨá mãɨya jara bɨma? Mɨ ewari waidi ará pawẽma.

Juan 20:2

Mãɨpuru p'ira wãsima Simón Pedromá. Chi Jesú ome p'ɨrrɨaparí chi «Jesupa minachia k'ɨ̃ria bɨade» apataɨ mãma basima. Chek'ari jarasima: —Tachi Chipari ichi t'ɨbaridaadamaapema ateewãsidama. Taipa atua p'anɨma sãmá ateewãsidat'a.

Juan 21:20

Pedropa jĩitea ak'ɨk'ari Jesú ome p'ɨrrɨaparí, chi Jesupa minachia k'ɨ̃ria uru baparí k'aadea cheru unusima. Mãɨ Jesú k'ait'a suak'abari basima Egitodepa wãnana k'ɨ̃risiapataɨ chik'o k'osidaɨde. Ichia idi basima: «Tai Chipari, ¿k'aipa pɨ jitapiima?»

Juan 21:24

Ara mãɨ Jesú ome p'ɨrrɨaparipa mãɨ k'orea jara bɨma mãɨnepa nãɨ k'art'ade nãɨya bɨruma. Tachia k'awa p'anɨma ichia jara bɨ piarãt'a.

Juan 21:7

Mãma basima Jesú ome p'ɨrrɨaparí chi “Jesupa minachia k'ɨ̃ria bɨ” apataɨ. Mãɨpa Pedroa jarasima: —¡Jãɨ Tachi Chiparipɨ! Simón Pedropa “Tachi Chipariade” a jarada ũriside ichi neet'á ɨ̃rɨpema jɨ̃sima, mãɨ neet'áwẽapachi pẽra mãɨ to bat'ai k'orea. Jɨ̃k'ari maapae toedá t'ĩu wãsima.