Juan 19:20 - Tachi Ak'õre Pedea

²⁰ Mãɨ pedea bɨsima hebreo pedeade, latin pedeade mãɨnepa griego pedeade. Chok'ará judiorãpa mãɨ pedea unusidama, Jesú k'urusude barijira bɨdada p'uuru k'ait'a bɨ pẽra.

Juan 19:20 ပူးပေါင်းရင်းမြစ်များ

Luca 23:38

Pak'uru p'ep'edeade nãɨ pedea bɨdak'ari, mãɨ barijira bɨsidama Jesú poro ɨ̃rɨ k'urusude, k'awapidai k'orea ichi k'ãre k'orea peautat'a: «Nãɨ judiorã poro jũra jɨ̃parí jɨ̃ bɨpɨ».

Juan 19:13

Pilatopa mãɨ ũrina pẽra Jesú tajatá ateewãpisima. Maapae ichi ãk'aude suak'abari beesima tejã Mawara K'ak'ayá Ooda apataɨmá. Hebreo pedeade Gabatá apatama.

Juan 19:42

Mãɨ uria k'ait'a bɨ pẽra mãɨnepa judiorã mimianak'apɨ́ ewari ará papodo pẽra, Jesú mãma t'ɨbarisidama.

Juan 5:2

Mãma k'uipataɨ yooro k'orodada basima. Hebreo pedeade Betzatá apatama. Mãɨ k'uipataɨ chi p'uuru eda wãpataɨ Oveja apataɨ k'ait'a bɨma. Chi pania k'ait'a te chak'e joesoma p'anasima.

Hecho 21:37

Papaká berãpa Pablo ãchi tuanapataɨ tede eda ateewãutade Pablopa chi poro chaarea bɨa griego pedeade nãɨya idisima: —¿Pia bɨk'ãra mɨ pɨ ome ne pedeait'a? Chi poro chaarea bɨpa p'anoosima: —¿Pɨa griego pedea k'awa bɨk'ãra?

Hecho 21:40

Chi poro chaarea bɨpa itu pedeapisima. Maapae Pablo tumene bai nɨbɨpa ichi juapa ẽpẽerã k'ĩup'eapisima. K'ĩup'easidaɨde hebreo pedeade pedeasima.

Hecho 22:2

Ichi hebreo pedeade pedea bɨ ũrisida pẽra ãchi k'ĩup'ea tuaneesidama. Mãɨne Pablopa jarasima:

Hecho 26:14

Ãarea tai jeeda baesidama. Mãɨne mɨa pedea ũrisima. Mãɨ pedeapa mɨá hebreo pedeade nãɨya jarasima: “Saulo, Saulo, ¿k'ãre k'orea mɨ ẽp'ẽ bɨma? Chi k'umia bɨmá t'ɨarude, ara pɨchi tuaba p'uaparima”.

Hebreo 13:12

Ara mãɨ jĩra Jesú p'uuru awara minachia mĩasima ichi oapa ẽpẽerã Tachi Ak'õre pae pia bɨi k'orea.

Apocalipsi 9:11

Mãɨ sisi poro jũra jɨ̃parí jɨ̃ bɨpa chi uria minachia bɨ ak'ɨparima. Ichi t'ɨ̃ hebreo pedeade Abadón apatama. Griego pedeade Apolión apatama.