Juan 18:38 - Tachi Ak'õre Pedea

³⁸ Mãɨne Pilatopa idisima: —¿K'ãrema mãɨ piarãt'a? Mãɨya jarak'ari Pilato mãicha tajatá judiorãmá wãk'ari jarasima: —Mɨa unuwẽma nãɨ ẽpẽra nepɨra pará bɨt'a.

Juan 18:38 ပူးပေါင်းရင်းမြစ်များ

Mateo 27:24

Mãɨya p'anɨne Pilatopa k'awasima ẽpẽrarãpa ichi pedea ĩjãanawẽa p'anasit'a. Mãɨ awara unusima ẽpẽrarã minachia piuk'a nɨbɨt'a. Maapae jõmãɨrã k'ĩrari paniapa ichi jua sɨɨk'ari jarasima: —Nãɨ ẽpẽra jĩp'a bɨ peauta k'orea mɨ nepɨra pará beeiwẽma. ¡Mãɨt'u machi nepɨrapɨ!

Marco 15:14

Pilatopa idisima: —¿K'ãre k'orea? ¿Ichia k'ãre nemietá oosima? Mãɨya pedea bɨde ãchia ara mãɨ wariara ɨbɨa bia para beesima: —¡K'urusude barijira bɨk'ari peapise!

Luca 23:4

Maapae Pilatopa p'aarerã chi mãɨrã chaarearã́ mãɨnepa ẽpẽrarã arí tuanarã́ jarasima: —Mɨa unuwẽa bɨma nãɨ ẽpẽra nepɨra pará bɨt'a.

Juan 18:33

Maapae Pilato mãicha tede eda wãsima. Jesú eda ateewãpik'ari idisima: —¿Pɨ piarã judiorã poro jũra jɨ̃parí jɨ̃ bɨk'ãra?

Juan 19:4

Maapae Pilato mãicha tajatá judiorãmá wãk'ari jarasima: —Ũrit'ɨ. Mɨa mãɨ mãra k'ĩrari enemeeruma, mɨmá ichia nemietá oo newẽa bɨt'a k'awadamẽrá.

Juan 19:6

Maamina Jesú unuutade p'aarerã chi mãɨrã chaarearãpa mãɨnepa Tachi Ak'õre te ot'eapataɨrãpa jĩk'ua jarasidama: —¡Ichi k'urusude barijira bɨk'ari peapise! ¡K'urusude barijira bɨk'ari peapise! Mãɨne Pilatopa jarasima: —¡Mãrapuru ateedak'ari k'urusude barijira bɨk'ari peapit'ɨ! Mɨmá ichi nemietá newẽa bɨma.

Hecho 17:32

Mãɨ piu bada chok'ae p'irabaripida k'orea ũrisidaɨde chi eda waapẽarã eesidama. Maamina waapẽarãpa jarasidama: —Mãicha ewariaba pɨa pedea bɨt'a mãicha ũrinaipɨ.