Juan 18:20 - Tachi Ak'õre Pedea

²⁰ Mãɨne Jesupa p'anoosima: —Mɨ ãareaɨrã k'ĩrari jĩp'a pedea basima. Mɨa jaratea basima tachi ará pedeapataɨ techa mãɨnepa Tachi Ak'õre te eda, tachi judiorã ãarea ará chedak'ari pedeapatamá. Mi ãpia pida mẽra jaraé pasima.

Juan 18:20 ပူးပေါင်းရင်းမြစ်များ

Mateo 24:26

»Mãɨpuru abaɨ pida mãrá jaraipɨra: “Ũrit'ɨ, Tachi Ak'õrepa Tachi K'aripaparí teai jarada ĩjũa pania newẽa bɨde bɨma”, jãmá wãrãt'ɨ. Waapẽarãpa jaraipɨra: “Ak'ɨt'ɨ, ichi nãma tede eda bɨma”, mãɨ ĩjãarãt'ɨ.

Mateo 26:55

Maapae Jesupa ãchiá jarasima: —Mãrapa ¿k'ãre k'orea k'ĩruuparí nek'o mãɨnepa pak'uru paara mɨ jãɨya jitade chesidama? ¿Mãramá, mɨ chi nechɨaparí mietá bɨk'ãra? Mɨa ewaricha Tachi Ak'õre te eda mãrá jaratea suak'abari bapachima. ¿K'ãre k'orea mɨ mãma jõmãɨrã taade jitadaé pasima?

Mateo 26:65

Mãɨne chi p'aare minachia k'awa bɨpa k'ĩruurupa ichia neet'á jɨ̃ bada ãrik'ari jarasima: —¡Jãɨya ichia Tachi Ak'õre k'orea k'achia pedea bɨma! ¿K'ãre k'orea ẽpẽerã waa k'ɨ̃ria p'anɨma, ichi k'orea pedeadamẽrá? Mãrapa ũrisidama chi ichia Tachi Ak'õre k'orea k'achia pedea bɨt'a.

Mateo 4:23

Jesú Galilea tuade ãarea p'ɨrrɨasima. Judiorã ará pedeapataɨ techa jarateapachima Tachi Ak'õrepa ichidirã ichi juade ua bai k'orea. Mãɨ pedea pia jarateade wãrucha ãarea ẽpẽrarã k'ak'ua piawẽa be jɨpa beepik'oapachima.

Mateo 9:35

Mãɨya bak'ari Jesú p'uuru waibɨa becha mãɨnepa p'uuru chak'e bemá p'ɨrrɨa wãsima. Judiorã ará pedeapataɨ techa jarapachima Tachi Ak'õrepa ichidirã ichi juade ua bɨ k'orea. Ichiaba mãɨ pedea pia jaratea nipasima jõma k'ak'ua piawẽa berã mãɨnepa k'ak'ua p'ua be jɨpa beepik'oasima.

Marco 8:32

Jesupa mãɨ ãarea jarak'ari, Pedropa ichi awara ateewãk'ari ɨtɨasima.

Luca 21:37

Jesupa Tachi Ak'õre te eda ãsã jaratea bak'ari teamasi Olivo eyadea wãpachima.

Luca 4:15

Judiorã ará pedeapataɨ techa ichia Tachi Ak'õre pedea jaratea bapachima. Mãɨpuru jõmãɨrãpa ichi k'orea pia jarapachidama.

Juan 18:21

¿K'ãre k'orea mɨá mãɨ idi bɨma? Mãɨpari mɨ pedea ũrinaanarã́ idise, ãchia mɨa jarateadat'a k'awa p'anɨẽra.

Juan 6:59

Jesupa jõma mãɨ Capernaune jarateasima judiorã ará pedeapataɨ tede.

Juan 7:14

Mãɨ arapaapataɨ ewari estarik'a pak'ari mãɨ ooutade Jesú Tachi Ak'õre te minachia bɨdea wãk'ari tajataria jaratea beesima.

Juan 7:26

Ak'ɨt'ɨ, ichi nãma ãareaɨrã taade pedea bɨma. Maamina mi ãpia pida ichiá ne jaradawẽa p'anɨma. ¿Chi minachia k'awa p'anɨrãpa k'ɨ̃risia p'anɨk'ãra ichi chi Tachi Ak'õrepa Tachi K'aripaparí teai jaradat'a?

Juan 7:28

Mãɨne Jesupa Tachi Ak'õre te tuda jaratea bɨde jĩk'ua jarasima: —Piarã mãrapa mɨ unupatama mãɨnepa sãmapemat'a k'awa p'anɨma. Maamina mɨ ara mɨchidepa chewẽa bɨma, mãɨpari mɨ chi piarã jaraparipa mɨ peesima. Mãrapa ichi k'awadawẽa p'anɨma.

Juan 7:4

Chi ẽpẽerãpa ichi k'awapii k'ɨ̃ria bɨpɨra ne mẽra ooiwẽa bɨma. Pɨa ẽpẽerãpa ne p'ue oodak'apɨ́ oo bɨt'a ãareaɨrã taade oose, ãchia pɨ k'awadamẽrá.

Juan 8:2

Norema tap'ede mãicha Tachi Ak'õre tede eda wãsima. Mãma bɨde ẽpẽerã minachia ichimá cheepɨrɨsidama. Jeeda suak'abari beek'ari ãchiá jaratea beesima.

Juan 8:26

Mɨa ne minachia mãra k'orea pedeai bɨma, mãra nepɨra pará p'anɨane ai k'orea. Maamina mãɨyaiwẽma. Chi mɨ peeda pedea piarãpɨ. Mɨa chi ichidepa ũri bɨt'a nãɨ ĩjũanepemarã́ jaraparima.

Hecho 26:26

Chi poro jũra jɨ̃parí jɨ̃ bɨ Agripapa mãɨ k'awa bɨma. Mãɨpuru mɨ ichi k'ĩrari ne wap'eawẽa pedea bɨma. Mɨmá ichia Jesú k'orea ãarea k'awa bɨma ãareaɨrãpa minachia nepɨrɨpata pẽra.