Juan 17:26 - Tachi Ak'õre Pedea

²⁶ Mɨa ãchiá pɨ k'awapisima. Mãɨ awara wapida atepe k'awapi baipɨ pɨa mɨ k'ɨ̃ria bɨ jĩra ãchi sida chi k'ɨ̃ria p'ananamẽrá mãɨnepa mɨ ãchi sõne uru p'ananamẽrá».

Juan 17:26 ပူးပေါင်းရင်းမြစ်များ

Juan 14:20

Mɨ chek'ari mãrapa k'awadaipɨ mɨ, mɨ Ak'õre ome bɨt'a, mãra mɨ ome p'anɨt'a, mãɨnepa mɨ mãra ome bɨt'a.

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

Juan 15:15

Mɨa mãra waa mɨ pae pari mimiapataɨrãane awẽma. Chi chipari pae pari mimiaparipa ichi chiparipa ooi k'ɨ̃risia bɨ atua bɨma. Naapae mãra mɨ chi k'õp'ãerorãpɨ. Mɨa mãrá k'awapisima ne ãarea mɨ Ak'õrenepa ũrinat'a.

Juan 15:4

Mɨ ome ará p'anat'ɨ mɨ mãra ome ará bɨ jĩra. Pak'uru jua chi bɨɨrɨ ome ará baepɨra, ara ichit'u p'ue chauk'ama. Ara mãɨ jĩra mãra ara mɨ ome p'ananaepɨra p'ue chaudaiwẽma.

Juan 15:9

Mɨa mãra k'ɨ̃ria bɨma mɨ Ak'õrepa mɨ k'ɨ̃ria bɨ jĩra. Mãɨpuru mɨa mãra k'ɨ̃rianepa p'anat'ɨ.

Juan 17:23

Mɨ ãchi ome bɨ pẽra mãɨnepa pɨ mɨ ome bɨ pẽra tachi ãarea ará k'ak'ua aba bɨ jĩra p'ananaipɨ. Mãɨya nãɨ ĩjũanepemarãpa k'awadaipɨ pɨa mɨ peesit'a mãɨnepa k'awadaipɨ pɨa ãchi k'ɨ̃ria bɨt'a ara mɨ k'ɨ̃ria bɨ jĩra.

Juan 17:6

»Pɨa mɨá ẽpẽerã nãɨ ĩjũanepemarã teasima. Mɨa mãɨrã́ pɨ k'awapisima. Ãchi poremina, pɨa mɨá ãchi teasima. Ãchia pɨ pedea ĩjãa p'anɨma.

Juan 17:8

Pɨa mɨá jarada mɨa ãchiá jarateasima. Ãchia mãɨ pedea ĩjãasidama. Mãɨpuru k'awa p'anɨma piarã mɨ pɨmãɨpa chesit'a. Piarã ĩjãa p'anɨma pɨa mɨ peesit'a.

Juan 6:56

Chi mɨ k'ak'ua k'o bɨ mãɨnepa mɨ oa to bɨ, mɨ ome bɨma mãɨnepa mɨ ichi ome bɨma.

Juan 8:50

Mɨa jɨrɨwẽma ẽpẽerãpa mɨ k'orea pia pedeadamẽrá. Maamina chi mãɨ jɨrɨi bɨt'a aba bɨma. Ichiapuru ẽpẽerã nepɨra ak'ɨparima.

Romano 8:10

Maamina Cristo mãra sõne bɨpɨra, mãra jaore chok'ae bɨma Tachi Ak'õrepa mãra nepɨra newẽa p'anɨane a bɨ pẽra. Mãrapa nãɨ k'ak'uade nemietá oo p'anana k'orea piudaipɨ.

1 Corintio 1:30

Mãawẽa Tachi Ak'õrepa mãra Jesucristo ome ará bɨsima. Mãɨya Cristodepa Tachi Ak'õrepa ichi k'ɨ̃risia tachiá k'awapisima. Ichia tachi jĩp'a bɨsima, ara ichi pae pia bɨsima, mãɨnepa nemietaadepema k'aripasima.

1 Corintio 12:12

Tachi k'ak'ua aba bɨmina tachi k'ak'uade nejõma uru p'anɨma. Chi Cristo ichide ĩjãapataɨrã ome ara mãɨ jĩra p'anɨma.

Gálata 2:20

Mɨ Cristo ome ará k'urusude barijira bɨsidama. Mãɨpuru ara mɨnepa bɨwẽma, mãɨpari Cristot'a mɨ sõne bɨma. Nãɨ k'ak'uade chok'ae bɨmisa, mɨ Tachi Ak'õre Warra Jesudepa baipɨ. Ara mãɨ Jesupa ichi Ak'õrepa oopi bɨt'a oopachi pẽra, mɨ k'ɨ̃riasima mãɨnepa mɨ k'orea ara ichi itu peapisima.

Ep'esio 1:6

Ichi minachia sõpia bɨdepa tachi k'aripasima ichia k'ɨ̃ria bɨ Warradepa. Mãɨ k'orea ichiá pia pedeadai p'anɨma.

Ep'esio 3:17

Mãɨnepa ɨt'aa chiidi bɨma ĩjãa p'anɨ pẽra Cristo mãra sõne bamẽrá. Ɨt'aa chiidi bɨma mãra ne ãareaɨne k'ɨ̃rianepa p'ananamẽrá. Mãɨya chaarea p'ananaipɨ minachia k'arra jãa p'anɨ jĩra.

Ep'esio 5:30

ichi k'ak'ua jĩra p'anɨ pẽra.

Ep'esio 5:32

Mãɨ pedeapa k'ɨ̃risia minachia bɨ k'awawẽa p'anana k'awapi bɨma. Mɨa jara bɨma Cristo ichi ẽpẽrarã ome ará p'anɨnepema.

Colosense 1:27

Mãɨ pedea pia bɨt'a k'awapiwẽa bada ichidirã́ k'awapisima. Mãɨ pedea pia chi judiorãwẽ pae pida bɨma. Ichia k'awapiwẽa bada nãɨ: Cristo mãra sõne bɨma. Ichidepa k'awa p'anɨma ichi pia bɨdepema jitadaipɨ.

Colosense 2:10

Mãra Cristo ẽpẽrarã pẽra ichidepa nejõma uru p'anɨma Tachi Ak'õre ome pia p'ananai k'orea. Ichi chi chaarea berã chi Poro Chaareapɨ.

Colosense 3:11

Tachi Ak'õrepa mãɨya ooda pẽra ichi k'ĩrari griego judio ome abarik'a p'anɨma. K'ak'ua tauchaa bɨ k'ak'ua tauchaawẽa bɨ ome abarik'a p'anɨma. Tua awaraɨdepema, ne atua bɨ ẽpẽra ome abarik'a p'anɨma. Chi chipari pae pari mimiaparí, mãɨ chi chipari pae pari mimiak'apɨ́ ome abarik'a p'anɨma. Cristo chi atepe piipará bɨma. Ichi jõmãɨrã sõne bɨma.

2 Tesalonicense 2:16

Tachi Ak'õrepa tachi k'ɨ̃riasima. Ichi sõpiadepa sõpiapisima ewaricha mãɨya p'ananamẽrá. Mãɨnepa k'awapisima piarã ichidepa nepia atadait'a. Taipa k'ɨ̃ria p'anɨma Tachi Chipari Jesucristopa mãɨnepa Tachi Pajãnepema Ak'õrepa mãra sõpiapidait'a mãɨnepa chaarea bɨdait'a. Mãɨya mãrapa pedea p'anɨ mãɨnepa oo p'anɨ ãarea pia baipɨ.

Hebreo 2:12

Tachi Ak'õre pedeade nãɨya bɨ bɨma: «Mɨa pɨ k'orea mɨ ũpẽarã́ pedeaipɨ. Ãareaɨrã ará p'anɨne mɨa pɨá pia pedeaipɨ».

1 Juan 3:24

Chi Tachi Ak'õrepa oopi bɨ pedeat'a Tachi Ak'õre ome bɨma, mãɨnepa Tachi Ak'õre ichi ome bɨma. Tachia k'awa p'anɨma Tachi Ak'õre tachi ome bɨt'a, ichi Jaore tachiá teada pẽra.