Juan 16:27 - Tachi Ak'õre Pedea

²⁷ mɨ Ak'õrepa mãra k'ɨ̃ria bɨ pẽra. Ichia mãra k'ɨ̃ria bɨma, mɨ k'ɨ̃ria p'anɨ pẽra mãɨnepa mɨ Tachi Ak'õrenepa cheda ĩjãa p'anɨ pẽra.

Juan 16:27 ပူးပေါင်းရင်းမြစ်များ

Mateo 10:37

Abaɨpa chi ak'õre wa chi nae mɨ k'aepẽra atepe k'ɨ̃ria bɨpɨra, mãɨ mɨ ome p'ue nipaiwẽma. Abaɨ pida chi warra wa chi k'au mɨ k'aepẽra atepe k'ɨ̃ria bɨpɨra, mãɨ mɨ ome p'ue nipaiwẽma.

Juan 14:21

Chi mɨ pedea ũrik'ari oo bɨpa mɨ k'ɨ̃ria bɨma. Abaɨpa mɨ k'ɨ̃ria bɨpɨra, mɨ Ak'õrepa ichi k'ɨ̃ria baipɨ. Mɨa pida ichi k'ɨ̃ria baipɨ, mãɨnepa ara mɨ ichiá unupiipɨ.

Juan 14:23

Jesupa p'anoosima: —Chi mɨ k'ɨ̃ria bɨpa mɨ pedea oo baipɨ. Mɨ Ak'õrepa ichi k'ɨ̃ria baipɨ. Maapae mɨ, mɨ Ak'õre ome ichimá chedaipɨ ichi ome ará p'ananai k'orea.

Juan 16:30

Naapae taipa k'awautama pɨa ne ãarea k'awa bɨt'a. Taipa ne ididai naena pɨa sãmaasã́ p'anooi k'awa bɨma. Mãɨnepa k'awa p'anɨma pɨ Tachi Ak'õrenepa chesit'a.

Juan 17:23

Mɨ ãchi ome bɨ pẽra mãɨnepa pɨ mɨ ome bɨ pẽra tachi ãarea ará k'ak'ua aba bɨ jĩra p'ananaipɨ. Mãɨya nãɨ ĩjũanepemarãpa k'awadaipɨ pɨa mɨ peesit'a mãɨnepa k'awadaipɨ pɨa ãchi k'ɨ̃ria bɨt'a ara mɨ k'ɨ̃ria bɨ jĩra.

Juan 2:11

Mãɨ ẽpẽerãpa ne p'ue oodak'apɨ́ naa ooda Jesupa Caná p'uurude Galilea ĩjũane oosima. Mãɨnepa chi ichi minachia atepe bɨt'a unupisima. Mãɨya ichi ome p'ɨrrɨapataɨrãpa ichide piarã ĩjãasidama.

Juan 3:13

»Aba pida pajãnea wãk'ama mãɨ k'awai k'orea. Abapuru mɨ, chi Ẽpẽra Warrapa mãɨ k'awa bɨma, pajãnepa cheda pẽra.

Juan 7:29

Mɨa ichi k'awa bɨma, ichidepa cheda pẽra. Ara ichiapuru mɨ peesima.

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

Romano 8:3

Moisepa bɨdapa tachi nemietaadepema p'ue pari ãjã́ bɨé pasima. Nãɨ k'ak'uapa oo k'ɨ̃ria bɨdepa nipapataɨrãpa mãɨ Moisepa bɨda oodai k'aepẽra nemietá oopatama. Maamina Tachi Ak'õrepa ichi Warra peesima tachi chi nemietá oopataɨrã jĩra bamẽrá. Mãɨne tachi nemietá pari piusima. Mãɨya Tachi Ak'õrepa nemietá tachi k'ak'uadepa oodada ɨtɨasima.

1 Corintio 15:47

Chi naapema ẽpẽra Adán apataɨ yooro ooda pẽra, nãɨ ĩjũanepema pasima. Chi k'aadeapema ẽpẽra Jesucristo apataɨ pajãnepemapɨ.

1 Corintio 16:22

Parituapa Tachi Chipari Jesucristo k'ɨ̃riawẽpɨra, Tachi Ak'õrepa mãɨ ẽpẽra nepɨra paraayade aipɨ. ¡Chese, Tachi Chipari!

2 Corintio 5:14

Cristopa tai k'ɨ̃ria bɨ pẽra ichia k'ɨ̃ria bɨt'a oo p'anɨma. Mãɨ k'ɨ̃risiadak'ari, piarã k'awa p'anɨma Ẽpẽra Aba piusit'a jõmãɨrã k'orea. Mãɨpuru Tachi Ak'õre k'ĩrari jõmãɨrã piusidama.

Gálata 4:4

Maamina Tachi Ak'õrepa jarada ewari paside ichi Warra nãɨ ĩjũanea peesima. Mãɨ Warra wẽrapa t'õsima, ichiaba Moisepa bɨda ooi basima.

Ep'esio 6:24

Mɨa k'ɨ̃ria bɨma Tachi Ak'õrepa ichi sõpiadepa jõma Tachi Chipari Jesucristo piarã minachia k'ɨ̃ria berã k'aripa bait'a. Mãɨya beese.

1 Timoteo 1:15

Nãɨ pedea piarã arí bɨ pẽra jõmãɨrãpa ĩjãanai p'anɨma: Jesucristo nãɨ ĩjũanea chesima nemietá oopataɨrã k'aripai k'orea. Mãɨrãnepema, mɨt'u chi atepe k'achia pará basima.

Hebreo 12:6

Chi Tachi Chiparipa k'ɨ̃ria bɨ ẽpẽerã ɨtɨaparima. Chi ichi warrarã jĩra uru bɨrãpa nemietá oosidara mãɨrã ɨtɨaparima».

1 Pedro 1:8

Mãrapa ununak'amina Jesucristo k'ɨ̃ria p'anɨma. Nãɨena ununawẽa p'anɨmina ichide ĩjãa p'anɨma. Ichi k'orea minachia arapá p'anɨma. Jãɨya arapá p'anɨ pẽra mãɨ arapá sãmaasã́ bɨ k'orea p'ue k'awa jaradawẽma.

1 Juan 4:19

Tachia Tachi Ak'õre k'ɨ̃ria p'anɨma ichia tachi naa k'ɨ̃riana pẽra.

Apocalipsi 3:19

Chi mɨa k'ɨ̃ria bɨ ẽpẽerã ɨtɨak'ari ũraaparima, mɨ pedea oodamẽrá. Mãɨpuru ya mɨmá chedak'ari machi sõnepa piarã mɨ ome nipat'ɨ.

Apocalipsi 3:9

¡Ũrit'ɨ! Mãra jĩru k'ait'a mɨa tioredé ẽpẽerã sĩraporode k'op'aneepiipɨ. Ãchi Tachi Ak'õrené ẽpẽerãane apatamina mãɨyawẽma. Ãchi chi sea p'anɨma. K'awadaipɨ mɨa mãra k'ɨ̃ria bɨt'a.