Juan 16:13 - Tachi Ak'õre Pedea

¹³ Maamina Tachi Ak'õre Jaorepa piarã pedea k'awapipari pẽra ichi cherude mãrá jarateaipɨ chi piarã pedea Tachi Ak'õrenepa che bɨt'a jõma k'awadamẽrá. Ichi ara ichi k'ɨ̃risiadepa pedeawẽma, mãɨpari ãarea mɨnepa ũri bɨt'a jaraipɨ. Ichia mãrá k'awapiipɨ mãɨ sãait'a.

Juan 16:13 ပူးပေါင်းရင်းမြစ်များ

Juan 12:49

Mɨ ara mɨchidepa pedeawẽma. Mɨ Ak'õre, chi mɨ nãmá peedapa mɨá jarasima k'ãre jarai bɨt'a mãɨnepa sãmaasã́ mãɨ pedea jarai bɨt'a.

Juan 14:17

Ichi Tachi Ak'õre Jaorepɨ. Ichia Tachi Ak'õre piarã k'awapiparima. Nãɨ ĩjũanepemarãpa ichi p'ue jitadaiwẽma, ununak'a pẽra mãɨnepa atua p'anɨ pẽra. Maamina mãrapuru ichi k'awa p'anɨma, mãra ome bɨ pẽra mãɨnepa mãra sõne bai pẽra.

Juan 14:26

Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Juan 16:12

»Mɨa wapida ne minachia mãrá jarai uru bɨma. Mãɨ mãrapa nãɨena ãarea p'ue k'awadaiwẽma.

Juan 3:32

Ichiapuru pedea bɨma pajãne ununa k'orea mãɨnepa ũrina k'orea. Maamina ichia pedea bɨt'a mi ãpia pida ĩjãanak'ama.

Juan 8:38

Mɨa jara bɨma jõma mɨ Ak'õrepa mɨá jarateadat'a. Mãɨne mãrapa ĩjãa p'anɨma mãra ak'õrepa ũripidat'a.

Hecho 11:28

Aba Agabo apataɨ bai nɨbeek'ari Tachi Ak'õre Jaoredepa jarasima jõma nãɨ ĩjũane jarra minachia cheit'a. Mãɨ jarra piarã chesima Claudio chi Romanepema chi atepe poro chaarea bɨ ewari paside.

Hecho 20:23

Abapuru k'awa bɨma Tachi Ak'õre Jaorepa mɨá k'awapi bɨma p'uurucha mɨ mĩa bait'a mãɨnepa mɨ jɨ̃a nɨbɨ bait'a.

Hecho 27:24

mɨá jarasima: “Ne wap'earãse, Pablo. Pɨ Romanepema chi atepe poro chaarea bɨ k'ĩrari pedeai bɨma. Pɨ k'orea Tachi Ak'õrepa ãareaɨrã nãɨ p'ãp'orrode wãutat'a itu piupiiwẽma”.

2 Tesalonicense 2:12

Mãɨ ẽpẽrarã chi piarã pedea ĩjãawẽa p'anɨrãpa nemietá oo k'ɨ̃ria p'anɨ pẽra Tachi Ak'õrepa nepɨra pará p'anɨane aipɨ.

2 Tesalonicense 2:3

Mi ãpia pida abaɨa itu seapirãt'ɨ. Tachi Chiparipa ɨtɨai ewari pai naena chok'araɨrãpa Tachi Ak'õre itu bɨdaipɨ. Mãɨne chi ẽpẽra k'achia bɨt'a unupiipɨ. Mãɨ ẽpẽra Tachi Ak'õrepa t'ɨpɨ uruadea jira peeipɨ.

Hebreo 1:1

Naenaena Tachi Ak'õrepa tachi chõarãenapemarã́ bari k'ak'o minachia wawariadepa pedeapachima. Chi ichi pari pedeapataɨrãnepa mãɨya oosima.

1 Juan 2:20

Mãɨpari mãrapa Tachi Ak'õre Jaore Cristopa teada uru p'anɨma. Ichidepa jõma chi piarã pedea k'awa p'anɨma.

1 Juan 2:27

Maamina mãrapa Tachi Ak'õre Jaore Cristopa teada uru p'anɨma. Mãɨpuru jɨrɨdaiwẽa p'anɨma waapẽarãpa mãrá jarateadamẽrá. Tachi Ak'õre Jaorepa mãrá nejõma jaratea bɨma. Ichia jaratea bɨt'a seawẽma, mãɨpari piarãpɨ. Mãɨ k'orea Cristo ome ará p'anat'ɨ ichi Jaorepa mãrá jarateada jĩra.

1 Juan 4:6

Maamina tachi Tachi Ak'õrenepɨ. Chi Tachi Ak'õre k'awa bɨpa tachia jaratea p'anɨt'a ĩjãaparima. Chi Tachi Ak'õre atua bɨpa tachia jaratea p'anɨt'a ĩjãak'ama. Mãɨnepa tachia k'awa p'anɨma k'aipa Tachi Ak'õre Jaoredepa piarã pedea jaratea bɨt'a mãɨnepa k'aipa awaraɨ jaoredepa sea jaratea bɨt'a.

1 Juan 5:6

Mãɨ Jesucristo, chi nãɨ ĩjũanea chek'ari paniane porochoadapɨ mãɨnepa ichi oa k'urusude ãrinapɨ. Nãɨ ĩjũanea chek'ari abapuru paniane porochoaé pasima, mãɨpari ichi oa sida k'urusude ãrisima. Tachi Ak'õre Jaorepa k'awapi bɨma mãɨ piarãt'a, ichia chi piarã pedea k'awapipari pẽra.

Apocalipsi 1:1

Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.

Apocalipsi 1:19

Pɨa unu bɨt'a k'art'ade bɨse. Idiapae sãmaasã́ nɨbɨ mãɨnepa k'aadea sãmaasã́ nɨbaidepema sida bɨse.