Juan 15:24 - Tachi Ak'õre Pedea

²⁴ Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 15:24 ပူးပေါင်းရင်းမြစ်များ

Mateo 11:5

Tau p'ãrio beadapa unu p'aneesidama, bɨɨrɨ sorek'ea beada t'ɨa p'aneesidama; aidapa k'ɨdade bada jɨpa p'aneesidama; k'ɨɨrɨ k'ii beada ũri p'aneesidama; piudada pada chok'ae p'aneesidama. Mãɨ awara chupuria k'edea chi pedea pia Tachi Ak'õrepa ãchi k'aripai k'orea ũri p'anɨma.

Mateo 21:32

Juan chi Porochoaparipa jarateade che basima mãra jĩp'a nipadamẽrá, maamina ĩjãanaé pasima. Maamina Romanepema pae erreara jɨrɨp'epataɨrãpa mãɨnepa wẽra k'achia berã pida ĩjãasidama. Mãrapa mãɨ unusidamina, machia nemietá oopataɨ itu bɨdaé pasima ichia jarateada ĩjãanai k'orea.

Mateo 9:33

Jesupa mãɨ jaore mietá jeret'aak'ari ẽpẽra k'ĩrame t'urrá badapa pedeasima. Ẽpẽrarã mãma p'anɨpa k'awa k'ɨ̃risiadaé pasima. Nãɨya jarasidama: —Israel tuade waidi nãɨ jĩra ununak'a pasima.

Marco 2:12

Ara mãɨne ichi p'irabarik'ari, ichi ne ẽpẽra uapataɨ atak'ari ãareaɨrã k'ĩrari wãsima. Mãɨ k'orea ãareaɨrãpa k'awa k'ɨ̃risiadaé pasima mãɨnepa Tachi Ak'õrea pia pedea tuaneesidama. Nãɨya jarasidama: —¡Ewariaba pida nãɨ jĩra tachia ununak'a pasima!

Luca 24:19

Jesupa ãchiá idisima: —¿K'ãret'a jara p'anɨma? Ãchia p'anoosidama: —Jesú Nazaré k'orea jara p'anɨma. Ichia ooda mãɨnepa jarada k'awapisima ichi Tachi Ak'õre pari pedeaparipɨ. Tachi Ak'õrepa mãɨnepa p'uurudepemarãpa ichi pia unusidama.

Juan 10:32

Mãɨne Jesupa jarasima: —Mɨ Ak'õrenepa minachia nepia mãrá unupisima. ¿Chi sãkɨɨ nepia ooda k'orea mɨ mawarapa bat'a peadaima?

Juan 10:37

Mɨ Ak'õrepa oo bɨt'a mɨa oowẽa bɨpɨra, mɨ pedea ĩjãarãt'ɨ.

Juan 12:10

Lázaro chok'ae p'irabarida k'orea judiorã chok'araɨrãpa p'aarerã chi mãɨrã chaarearã itu bɨdak'ari Jesude ĩjãasidama. Mãɨpuru p'aarerã chi mãɨrã chaarearãpa pedea ausidama Lázaro sida peadai k'orea.

Juan 12:45

Chi mɨ unu bɨpa mɨ Peeda sida unu bɨma.

Juan 14:9

Mãɨpuru Jesupa jarasima: —P'elipe, mɨ minachia tãaraa mãra ome bɨma. Pɨa mɨ ¿waidi k'awawẽa bɨk'ãra? Chi mɨ unu bɨpa mɨ Ak'õre sida unu bɨma. Pɨa ¿sãmaasã́ “Tachi Ak'õre taiyá unupipade” a bɨma?

Juan 15:21

Mãra mɨ k'orea mãɨya oodaipɨ ãchia chi mɨ Peeda atua p'anɨ pẽra.

Juan 15:22

»Mɨa ãchiá jarateade chedawẽpara ãchia nemietá oodada k'orea nepɨrade p'aneenaiwẽ pasima. Maamina naapae mɨ pedea ũrinana pẽra p'ue jaradaiwẽma ãchia nemietá oodada k'orea “mãɨ atua p'anasiade” adait'a.

Juan 15:23

Abaɨpa mɨ unuemaa uru bɨpɨra, mɨ Ak'õre sida unuemaa uru bɨma.

Juan 16:9

Tachi Ak'õre Jaorepa ãchiá k'awapiipɨ chi mɨne ĩjãanak'apɨɨrãpa nemietá oopataɨt'a.

Juan 3:2

Teamasi Jesumá wãside, nãɨya jarasima: —Jarateaparí, taipa k'awa p'anɨma pɨ Tachi Ak'õrepa peedapɨ. Tachi Ak'õre pɨ ome badawẽpara, chi ẽpẽerãpa ne p'ue oodak'apɨ́ p'ue ooiwẽ pasima.

Juan 5:36

»Maamina Juanpa jarada k'aepẽra nãɨ mɨ k'orea pia pedea bɨma: Mɨ Ak'õrepa oopi bɨt'a mɨa ãarea oo bɨ pẽra k'awapi bɨma mɨ Ak'õrepa mɨ piarã peesit'a.

Juan 6:36

Maamina mɨa jarada jĩra, mɨa ẽpẽerãpa ne p'ue oodak'apɨ́ ooda mãrapa unusidamina ĩjãanawẽa p'anɨma.

Juan 7:31

Mãɨne ãareaɨrãpa ichide ĩjãasidama. Mãɨya jarasidama: —Tachi Ak'õrepa Tachi K'aripaparí teai jarada cherude ¿nãɨ ẽpẽrapa oo bɨ k'aepẽra ẽpẽerãpa ne p'ue oodak'apɨ́ atepe ooik'ãra?

Juan 9:32

Ewariaba pida tachia tau p'ãrio t'õna jɨpa beepisit'a ũrinak'ama.

Juan 9:41

Jesupa p'anoosima: —Mãra piarã tau p'ãrio p'ananapara, nemietá oopataɨ k'orea nepɨra pará p'anɨane adaiwẽ pasima. Maamina mãrapa unu p'anɨane a p'anɨ pẽra nemietaade p'anɨma.

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Romano 1:30

Waapẽarã k'orea k'achia pedeapatama, Tachi Ak'õre unuemaapatama mãɨnepa waapẽarã k'ĩrari piawẽa pedeapatama. Waapẽarã k'aepẽra atepe p'anɨane a k'ɨ̃risiapatama mãɨnepa mãɨya jarapatama. Waapẽarã piawẽa oodai k'orea jɨrɨpatama. Ãchi ak'õre mãɨnepa nae pedea ũrinak'ama.

2 Timoteo 3:4

Ãchi k'õp'ãero ichi nek'ĩramá juade bɨdaipɨ nemietá oomẽrá. Ne k'ɨ̃risiadawẽa ne paritua oo p'ananaipɨ. Jõmãɨrã k'aepẽra chi ne k'awa atepe beadayade adaipɨ. Ãchit'u arapá chi k'ɨ̃ria p'ananaipɨ Tachi Ak'õre k'ɨ̃ria p'anɨ k'aepẽra.

Santiago 4:4

K'ima awaraɨ ome k'ãiuta jĩra, mãrapa Tachi Ak'õre itu bɨ p'anɨma nãɨ ĩjũanepemarãpa oopata jĩra oodai k'orea. ¿Mãrapa waidi atua p'anɨk'ãra chi nãɨ ĩjũanepema k'ɨ̃ria bɨt'a Tachi Ak'õre ome chi k'ĩramá jĩra beeima? Piarã parituapa nãɨ ĩjũanepema k'ɨ̃ria bɨpɨra, Tachi Ak'õre ome chi k'ĩramá paipɨ.