Juan 14:30 - Tachi Ak'õre Pedea

³⁰ »Mɨ mãra ome minachia pedeawẽma, chi nãɨ ĩjũanepema chaarea bɨ cheru pẽra. Ichia mɨ p'uek'ama.

Juan 14:30 ပူးပေါင်းရင်းမြစ်များ

Luca 1:35

Chi ɨt'aripema peedapa p'anoosima: —Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ.

Luca 22:53

Ewaricha mɨ Tachi Ak'õre te eda mãra t'ãena badamina jitadak'a pasima. Maamina piarã nãɨena Tachi Ak'õrepa tiorea itu p'uepi bɨma. Mãɨya mãrapa oo k'ɨ̃ria p'anɨt'a oo p'anɨma.

Juan 12:31

Naapae Tachi Ak'õrepa nãɨ ĩjũanepemarãpa nemietá oopataɨ ak'ɨk'ari ɨtɨaipɨ. Naapae, chi nãɨ ĩjũanepema chipari Tachi Ak'õrepa p'ueipɨ.

Hecho 1:3

Jesú piuk'ari ara ichi ãchiá bari k'ak'o minachia unupipachima k'awadamẽrá ichi piarã chok'ae p'irabarisit'a. Mãɨne ãchiá jarateapachima ichidepa Tachi Ak'õrepa ichidirã ichi juade ua bɨ k'orea. Ewari k'ak'o cuarenta mãɨya oosima.

2 Corintio 4:4

Tachi Ak'õrene ĩjãanak'apɨɨrãmá chi mãɨ pia ũrinak'ama. Nãɨ ĩjũane tiore ãchi chiparipɨ. Ãchirã́ chi piarã pedea pia Cristo k'orea itu k'awapiwẽa bɨma tau p'ãrio oo bɨ jĩra. Mãɨya ãchia Cristo pia bɨ k'orea p'ue k'awadaiwẽma. Cristo Tachi Ak'õre pẽra mãɨya pia bɨma.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Ep'esio 2:2

Mãɨya p'ɨrrɨasidama chi nãɨ ĩjũanepema k'ɨ̃risiat'a ĩjãa p'anana pẽra mãɨnepa jaore mietaarã chi minachia k'awa bɨde ĩjãa p'anana pẽra. Nãɨ ewaride ichia chi Tachi Ak'õre pedea ĩjãanak'apɨɨrã ichi juade uru bɨma.

Ep'esio 6:12

Tachi ẽpẽrarã paara chõo p'anɨwẽma. Mãɨ k'aepẽra jaore mietaarã nãɨ ĩjũa p'ãrionepemarã paara chõo p'anɨma. Ãchi chi tachia ununak'apɨ́ chi jua chaarea berãpɨ, chi ɨt'aripema jaore mietaarãnepema poro chaarearãpɨ.

Colosense 1:13

Tachi Ak'õrepa chi p'ãrionepema tiore juadepema tachi k'aripak'ari bɨsima ichi Warra k'ɨ̃ria bɨ juade ichidirã paara ua bamẽrá.

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.

Hebreo 7:26

Tachi P'aare minachia k'awa bɨ Jesupa ne ãareaɨne tachi p'ue k'aripaipɨ. Nemietá ook'ama, ne ãareaɨne jĩp'a bɨma. Tachi Ak'õrepa ichi pia unu bɨma. Chi nemietá oopataɨrã t'ãenapema ãyá bɨk'ari pajãne chi atepe bɨsima.

1 Pedro 2:22

Cristopa nemietá ook'a pasima mãɨnepa sea jarak'a pasima.

1 Juan 4:4

Mɨ warrarã, mãra Tachi Ak'õrenepɨ. Mãrapa mãɨrã́ itu seapidaé pasima, chi mãra sõne bɨ chi nãɨ ĩjũane be k'aepẽra jua chaarea bɨ pẽra.

1 Juan 5:18

Tachia k'awa p'anɨma chi Tachi Ak'õrenepa t'õnapa nemietá ook'at'a, Tachi Ak'õre Warra Jesucristopa ãchi ak'ɨ bɨ pẽra. Mãɨpuru tiorepa ãchi p'ue piawẽa ooiwẽma.

1 Juan 5:19

Tachia k'awa p'anɨma tachi Tachi Ak'õrené. Mãɨnepa k'awa p'anɨma jõma chi nãɨ ĩjũane Tachi Ak'õre atua be tiore juade p'anɨrãt'a.

Apocalipsi 12:9

Mãɨne chi je waibɨa bɨ mãɨnepa chi ichi lawari p'anana ãarea nãɨ ĩjũanea bat'a peesidama. Mãɨ je waibɨa bɨ mãɨt'u chi chõarãenapema taamapɨ. Chi t'ɨ̃ Tiore mãɨnepa Ãnimara apatama. Ichia chi nãɨ ĩjũane be ãarea sea uru baparima.