Juan 14:26 - Tachi Ak'õre Pedea

²⁶ Maamina mɨ Ak'õrepa mɨ t'ɨ̃nepa ichi Jaore peeipɨ mãra K'aripaparí bamẽrá. Tachi Ak'õre Jaorepa ne ãarea mãrá jarateaipɨ. Ichia mãrá ãarea mɨa jarada k'ɨ̃risiapiipɨ.

Juan 14:26 ပူးပေါင်းရင်းမြစ်များ

Mateo 1:18

Jesucristo nãɨya t'õ basima: chi nae María José ome p'anasima miak'ãinayá. Maamina miak'ãinai naena María Tachi Ak'õre Jaorepa biak'oapisima.

Mateo 1:20

Mãɨya k'ɨ̃risia bɨde Tachi Chiparipa ɨt'aripa peeda k'ãmok'araadepa Josemá chek'ari nãɨya jarasima: «José, Davidepa chedada, María atai wap'earãse, ichi Tachi Ak'õre Jaoredeepuru biak'oapida pẽra.

Mateo 28:19

Mãɨ k'orea ãarea p'uuru becha wãnak'ari jarateat'ɨ mɨ ome p'ɨrrɨadamẽrá. Ãchi chi Ak'õre t'ɨ̃nepa, chi Warra t'ɨ̃nepa, Tachi Ak'õre Jaore t'ɨ̃nepa porochoat'ɨ.

Mateo 3:11

»Mɨa mãra paniapa porochoaparima unupidamẽrá mãra nemietá oopataɨ itu bɨdaadat'a. Maamina chi mɨ k'aadea cherut'a mɨ k'aepẽra chi minachia atepe k'awa bɨma. Mãɨpuru ichia jĩrune jɨ̃ bɨ ẽrai k'orea mɨ mãɨ pae pida pia bɨwẽma. Ichiapuru Tachi Ak'õre Jaoredepa porochoaipɨ. Maamina ĩjãanaepɨra ɨtɨaipɨ.

Marco 12:36

Ara mãɨ Davipa Tachi Ak'õre Jaoredepa nãɨya jarasima: Tachi Chiparipa mɨ Chiparia nãɨya jarasima: mɨ juaraari suak'abari beese, aba mɨa pɨchi nek'ĩramá pɨchi juade bɨrudea.

Marco 13:11

Mãra jita enemeeutade k'ɨ̃risia paraarãt'ɨ k'ãret'a jaradai k'orea. Chi chaarearã k'ĩrari p'anɨne Tachi Ak'õrepa k'awapiipɨ k'ãre jaradai p'anɨ. Mãɨ pedeautade mãra k'ɨ̃risiadepa pedeadaiwẽma, mãɨpari Tachi Ak'õre Jaorepa mãra k'ak'uadepa pedeaipɨ.

Luca 1:35

Chi ɨt'aripema peedapa p'anoosima: —Tachi Ak'õrepa ichi Jaore pɨmá peek'ari, ichi jua chaareadepa pɨ ome baipɨ. Mãɨpuru ichia tearu warra pɨa t'õru, Tachi Ak'õrepa ichi Warraade aipɨ.

Luca 1:41

Elisabepa María pedea ũrirune ichi warra bide eda k'ɨrɨ totomĩasima. Ara mãɨne Elisabé Tachi Ak'õre Jaorede beesima.

Luca 1:67

Maapae chi Juan ak'õre Zak'ariapa Tachi Ak'õre Jaoredepa nãɨya pedeasima:

Luca 11:13

Mãra chi k'achia berãpa mãra warrarã́ nepia tea k'awa p'anɨpɨra, ¿mãra Ak'õre pajãne bɨpa chi idi p'anɨa ichi Jaore teaiwẽk'ãra?

Luca 2:25

Mãɨ ewaride ẽpẽra Simeón apataɨ Jerusalene basima. Mãɨ Simeón jĩp'a basima mãɨnepa Tachi Ak'õrepa jara bɨ jĩra pia oopachima. Ichia nɨ basima Tachi Ak'õrepa Israel p'uuru sõpiapii ewarit'a. Tachi Ak'õre Jaore ichi ome basima.

Luca 24:49

Piarã mɨa mãramá mɨ Ak'õrepa ichi Jaore teai jarada peeipɨ. Mãɨpuru mãra nãma Jerusalene nɨp'aneet'ɨ aba ichi pajãnepa jua chaarea bɨ jitautadea.

Luca 3:22

Ewa wãk'ari Tachi Ak'õre Jaore pajãnepa p'aloma jĩra ichi ɨ̃rɨ chesima. Mãɨne Tachi Ak'õrepa pajãnepa edá nãɨya pedeasima: «Pɨ mɨ Warra chi k'ɨ̃ria bɨpɨ. Pɨ k'orea mɨ minachia sõ arapá bɨma».

Juan 1:33

Mɨa ichi atua basima. Maamina mɨa panianepa porochoamẽrá Tachi Ak'õrepa peeside nãɨya jarasima: “Pɨa unuipɨ mɨ Jaore ẽpẽra ɨ̃rɨ chek'ari ichi ome beeit'a. Unurune pɨa k'awaipɨ mãɨpa ichi Jaoredepa porochoaipɨ”.

Juan 12:16

Jesú ome p'ɨrrɨapataɨrãpa mãɨ unu p'anɨmina k'awadawẽa p'anasidama. Maamina Jesú chok'ae p'irabarik'ari chi pajã k'ĩrawãrea bɨmá wãk'ari, k'awasidama Tachi Ak'õre pedeade chi ichi k'orea naena bɨda ãarea piarã mãɨyasit'a.

Juan 14:16

Mãɨpuru mɨ Ak'õrea ɨt'aa chiidiipɨ mãra K'aripaparí peemẽrá. Mãɨ mãra ome ewaricha baipɨ.

Juan 14:25

»Mãɨ mɨa mãrá jararuma wapida mãra ome bɨmisa.

Juan 15:26

»Tachi Ak'õre Jaore, chi mãra K'aripaparí cheipɨ. Ichia piarã pedea jaraparima. Mɨa ichi mɨ Ak'õremãɨpa peerude ichia mɨ k'orea mãrá pedeaipɨ.

Juan 16:7

Mɨa piarã jararuma: mãra pae pia bɨma mɨ wãit'a. Mɨ wãepɨra mãra K'aripaparí cheiwẽma. Maamina mɨ wãipɨra ichi peeipɨ.

Juan 2:22

Ichi chok'ae p'irabarik'ari ichi ome p'ɨrrɨapataɨrãpa ichia mãɨya jara badat'a k'ɨ̃risiasidama. Mãɨne ãchia Tachi Ak'õre pedeade bɨ bɨt'a mãɨnepa Jesupa jarada piarã ĩjãasidama.

Juan 20:22

Mãɨya jarak'ari ãchimá jãrap'uak'ari jarasima: —Tachi Ak'õre Jaore jitat'ɨ.

Juan 6:45

Tachi Ak'õre pari pedeapataɨrã k'art'ade nãɨya jara bɨma: “Tachi Ak'õrepa ãareaɨrã́ jarateaipɨ”. Mãɨya chi mɨ Ak'õre pedea ũrik'ari ichidepa k'awak'ari mɨne ĩjãane cheipɨ.

Juan 7:39

Jesupa makɨɨdepa k'awapisima chi ichide ĩjãautapa Tachi Ak'õre Jaore atadait'a. Mãɨ ewaride Tachi Ak'õre Jaore waidi chewẽa basima Jesú waidi pajãnea wãwẽa badadeepuru.

Hecho 1:2

Tachi Ak'õrepa mãɨ pajãnea ateewãrunea. Pajãnea wãi naena ichia peedaɨrã́ Tachi Ak'õre Jaoredepa jarateasima k'ãre oodai p'anɨt'a. Mãɨrã ichia jɨrɨ atada pasima.

Hecho 1:4

Ewariaba Jesú ãchi ome baside nãɨya jarasima: —Jerusalén p'uurudepema ãyá wãrãt'ɨ. Nãma nɨ p'aneet'ɨ aba Tachi Ak'õrepa ichi Jaore teai jarada mãɨ tearudea. Mãɨnepema mɨa mãrá naena jarasima.

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Hecho 11:16

Mãɨne Tachi Chiparipa jarada mɨa k'ɨ̃risiasima: “Piarã Juanpa ẽpẽerã paniapa porochoasima, maamina Tachi Ak'õrepa ichi Jaoredepa mãra porochoaipɨ”.

Hecho 13:2

Ewariaba ũpẽarãpa Tachi Ak'õrene k'ɨ̃risiadayá nek'odak'apɨ́ ewaride oo p'anɨne Tachi Chiparia pia pedea p'anasidama. Mãɨya p'anɨne Tachi Ak'õre Jaorepa ãchiá jarasima: «Bernabé mãɨnepa Saulo mɨa t'ɨ̃sima. Mãɨpuru ãchi awara bɨt'ɨ mɨa oopi bɨt'a oodamẽrá».

Hecho 13:4

Ãchi Tachi Ak'õre Jaorepa peeda pẽra Seleucia p'uurudea wãsidama. Mãmãɨpa p'ãp'orrode Chipre ĩjũa p'ɨrra bɨdea wãsidama.

Hecho 15:28

Tachi Ak'õre Jaoremá mãɨnepa taimá pia bɨma ne chi t'aju be mãrá oopidaiwẽt'a. Abapuru nãɨ oodai p'anɨma:

Hecho 15:8

Tachi Ak'õrepa ẽpẽerã ãarea sõ k'awa bɨma. Mãɨ judiorãwẽpa ĩjãasidaɨde Tachi Ak'õrepa k'awapisima ãchi pia jitasit'a. Ichi Jaore ãchiá teasima, tachiá naena teada jĩra.

Hecho 16:6

Pablo mãɨnepa chi ichi ome nipadada P'rigia tuade mãɨnepa Galacia tuade p'ɨrrɨa wãsidama Tachi Ak'õre Jaorepa chi pedea Jesú k'orea Asia tuade itu jarapidawẽ pẽra.

Hecho 2:33

Tachi Ak'õrepa ichi juaraari Jesú chi atepe bɨ bɨsima. Maapae ichi Jaore teai jarada Jesua teasima, ichiaba ichidirã́ teamẽrá. Jesupa mãɨ Jaore piarã taiyá teasima. Chi mãrapa unu p'anɨt'a mãɨnepa ũri p'anɨt'a ichi Jaorepa mãɨya oopi bɨma.

Hecho 2:4

Mãɨne Tachi Ak'õre Jaore jitadak'ari, pedea awara pedea para beesima, Tachi Ak'õre Jaorepa ãchi pedeapi badadepa.

Hecho 20:28

»Tachi Ak'õrepa ichi Warra oadepa ẽpẽerã ichi pae atasima. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ.

Hecho 20:35

Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».

Hecho 28:25

Mãɨpuru k'ĩruu pedeadak'ari wãnai k'orea k'ɨ̃risiasidama. Mãɨne Pablopa nãɨya jarasima: —Tachi Ak'õre Jaorepa mãra chõarãenapemarã́ piarã pedea Tachi Ak'õre pari pedeaparí Isaíadepa nãɨya jarasima:

Hecho 5:3

Mãɨne Pedropa jarasima: —Anania, pɨa ¿k'ãre k'orea tiore pɨ sõne itu wãpisima? Pɨa Tachi Ak'õre Jaore sea bɨma. Pɨ ĩjũa netodadepema erreara waapẽarã mẽra uru bɨma.

Hecho 7:51

»¡Mãra k'ɨɨrɨwẽa p'anɨma! ¡Sõnepa ĩjãanak'ama! Tachi Ak'õre pedea ũrii k'ɨ̃rianak'ama. Tachi Ak'õre Jaorepa jara bɨt'a mãrapa ewaricha itu bɨpatama. Ara machi chõarãenapemarã jĩra p'anɨma.

Hecho 7:55

Mãɨya p'anɨne Estebanpa Tachi Ak'õre Jaore ichide uru basima. Pajãnea ak'ɨrude Tachi Ak'õre k'ĩrawãrea achiterrea bɨt'a mãɨnepa Jesú Tachi Ak'õre juaraari bai nɨbɨt'a unusima.

Romano 14:17

Tachi Ak'õrepa ichi juade p'anɨrã́ jarak'ama k'ãre k'odai p'anɨt'a mãɨnepa k'ãre todai p'anɨt'a. Mãɨpari k'ɨ̃ria bɨma ãchia ichi Jaoredepa jĩp'a oo p'ananait'a, ne k'ɨ̃risiawẽa p'ananait'a mãɨnepa arapá p'ananait'a.

Romano 15:13

Nejõma pia tachia nɨ p'anɨt'a Tachi Ak'õrepa teaipɨ. Mãrapa ichide ĩjãa p'anɨ pẽra mɨa k'ɨ̃ria bɨma ichia mãra minachia arapaapiit'a mãɨnepa ne k'ɨ̃risiawẽa p'anapiit'a. Mãɨya Tachi Ak'õre Jaore jua chaareadepa mãrapa pia k'awadaipɨ nejõma pia tachia nɨ p'anɨt'a piarã atadaipɨ.

Romano 15:16

judiorãwẽ t'ãena Jesucristo pae pari mimiaparí bamẽrá. Mãɨpuru pedea pia Tachi Ak'õre k'orea ãchiá jaratea bɨma. Ĩjãasidara p'aare judiopa ãnimara paatearu jĩra mɨa ãchi Tachi Ak'õrea tearuma pia unumẽrá. Mãɨne Tachi Ak'õre Jaorepa ãchi Tachi Ak'õre pae pia bɨipɨ.

Romano 5:5

Mãɨ seawẽma, mãɨpari piarã jitadaipɨ. Mãɨya k'awa p'anɨma Tachi Ak'õrepa ichi Jaore tachiá teada pẽra. Ichi Jaoredepa tachi sõne k'awapi bɨma tachi piarã minachia k'ɨ̃ria bɨt'a.

1 Corintio 12:3

Mãɨ k'orea mɨa k'ɨ̃ria bɨma mãrapa nãɨ k'awadait'a: Chi Tachi Ak'õre Jaoredepa pedea bɨpa «Jesú k'achia bɨade» ak'ama. Mãɨnepa chi Tachi Ak'õre Jaoredepa pedeawẽa bɨpa «Jesú jõmãɨrã Chipariade» ak'ama.

1 Corintio 6:19

¿Mãrapa atua p'anɨk'ãra mãra k'ak'ua Tachi Ak'õre Jaore tet'a? Tachi Ak'õrepa ichi Jaore mãrá teasima. Ichi mãra sõne bɨma. Mãra k'ak'ua ara mãranewẽma mãɨpari Tachi Ak'õrenepɨ.

2 Corintio 13:14

Mɨa k'ɨ̃ria bɨma Tachi Chipari Jesucristopa ichi sõpiadepa mãra k'aripa bait'a, Tachi Ak'õrepa minachia k'ɨ̃ria bait'a mãɨnepa ewaricha Tachi Ak'õre Jaorepa ará pia uru bait'a.

2 Corintio 6:6

Tai jĩp'a nipadadepa, piarã k'ɨ̃risia k'awaadepa, jõma choa p'anɨnepa, sõpiadepa, Tachi Ak'õre Jaore tai sõne bɨdepa, piarã k'ɨ̃rianepa, chi piarã pedea jaratea p'anɨnepa, mãɨnepa Tachi Ak'õre jua chaareadepa mãɨya unupi p'anɨma. Tai jĩp'a p'anɨnepa nemietá p'uepatama mãɨnepa ara mãɨ jĩp'a p'anɨnepa taipa chi nemietá itu p'uepidakama.

Ep'esio 1:13

Mãɨ awara mãra judiorãwẽ pida chi piarã pedea ũrinak'ari Cristode ĩjãanak'ari, mãɨ tachi k'aripai pedea pia ĩjãasidama. Mãɨya Cristode ĩjãasidaɨde Tachi Ak'õrepa ichi Jaore mãrá teasima ichia jarada jĩra. Ne naa teapari jĩra, mãɨpa k'awapi bɨma mãra ichidirãt'a.

Ep'esio 1:17

Mɨa Tachi Chipari Jesucristo Ak'õrea, chi tachi Pajãnepema Ak'õre pia bɨa ɨt'aa chiidiparima ichi Jaoredepa mãrá pia k'ɨ̃risiapimẽrá mãɨnepa ichi k'orea k'awapimẽrá. Mãɨya mãrapa ichi minachia k'awadaipɨ.

Ep'esio 4:30

Nemietá oo p'anɨpa Tachi Ak'õre Jaore sõp'uapirãt'ɨ. Tachi Ak'õrepa ichi mãrá teasima ichidirã k'awadamẽrá. Ichi Jaore mãra ome baipɨ aba Tachi Ak'õrepa ichi ẽpẽrarã jõma pia bɨi ewaridea.

1 Tesalonicense 4:8

Chi mãɨ mɨa jarateada itu bɨrupa, ẽpẽrapa jarada itu bɨwẽma, mãɨpari Tachi Ak'õrepa jara bɨt'u itu bɨruma. Ara mãɨ Tachi Ak'õrepa ichi Jaore mãrá teasima nemietá newẽa p'ananamẽrá.

2 Timoteo 1:14

Tachi Ak'õre Jaore tachi sõne baparima. Mãɨneepuru, chi pedea piarã Tachi Ak'õrepa pɨá teada minachia ak'ɨ base.

Tito 3:5

Mãɨpa tachi k'aripasima. Tachia pia oodada k'orea k'aripaé pasima, mãɨpari ichi k'ĩra chupuria bɨdepa k'aripasima. Tachi nemietá k'ɨ̃risia atuasima neet'á t'õna jĩra p'aneenamẽrá mãɨnepa chiwidi jĩra p'aneenamẽrá. Ichiaba Tachi Ak'õre Jaorepa tachiá mãicha chok'ae p'anapisima.

Hebreo 10:15

Tachi Ak'õre Jaore pida abarik'a tachiá k'awapi bɨma. Nãɨya jarasima:

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.

Hebreo 3:7

Mãɨ k'orea Tachi Ak'õre Jaorepa nãɨya jara bɨma: «Idi Tachi Ak'õre pedea ũriutade mãra sõ chaarearãt'ɨ mãra chõarãenapemarã sõ chaareadada jĩra. Ãchi ĩjũa pania newẽa bɨde tuanasidaɨde Tachi Ak'õrepa jarada itu bɨsidama ichia k'ãre ooi k'awadayá.

Hebreo 9:8

Mãɨnepa Tachi Ak'õre Jaorepa k'awapi basima p'aarerãpa wapida Tachi Ak'õre te nãɨ ĩjũane bɨde ne oodai p'anɨmisa ẽpẽrarã wapida Tachi Ak'õre te pajãne bɨde p'ue eda wãnaiwẽa p'anasit'a.

1 Pedro 1:12

Maamina Tachi Ak'õrepa k'awapida ãchia pedeadada ãchi paewẽ pasima, mãɨpari mãra paepuru pasima. Ãchia pedeadada naapae chi pedea pia Cristo k'orea jarateapataɨrãpa tachiá pia k'awapi p'anɨma, Tachi Ak'õre Jaore pajãnepa peedadepa. Makɨɨ Tachi Ak'õrepa ɨt'aripa peedarã pida k'awa k'ɨ̃ria p'anɨma.

2 Pedro 1:21

Ãchia k'ɨ̃riauta jaradak'a pasima, mãɨpari Tachi Ak'õre pae p'anasida pẽra, ara Ichi Jaoredepa pedeasidama.

1 Juan 2:20

Mãɨpari mãrapa Tachi Ak'õre Jaore Cristopa teada uru p'anɨma. Ichidepa jõma chi piarã pedea k'awa p'anɨma.

1 Juan 2:27

Maamina mãrapa Tachi Ak'õre Jaore Cristopa teada uru p'anɨma. Mãɨpuru jɨrɨdaiwẽa p'anɨma waapẽarãpa mãrá jarateadamẽrá. Tachi Ak'õre Jaorepa mãrá nejõma jaratea bɨma. Ichia jaratea bɨt'a seawẽma, mãɨpari piarãpɨ. Mãɨ k'orea Cristo ome ará p'anat'ɨ ichi Jaorepa mãrá jarateada jĩra.

1 Juan 5:7

Mãɨnepa pajãne ũpea p'anɨpa mãɨ piarã abarik'a jara p'anɨma; Tachi Pajãnepema Ak'õrepa mãɨya jara bɨma, chi «Pedea» apataɨpa mãɨya jara bɨma mãɨnepa ichi Jaore pida mãɨya jara bɨma. Mãɨ ũpea p'anɨt'a ãchi aba bɨpɨ.

Juda 1:20

Maamina ũpẽarã, ara machi k'ak'awá k'aripat'ɨ Cristode ĩjãanamẽrá. Tachi Ak'õrea ichi Jaoredepa ɨt'aa chiidit'ɨ.

Apocalipsi 2:11

Chi k'ɨɨrɨ pará bɨpa ũrise Tachi Ak'õre Jaorepa ũpẽarã́ jara bɨt'a. Chi nemietá p'uedada ewaricha Tachi Ak'õrenepema awara p'ananaiwẽma.