Juan 14:24 - Tachi Ak'õre Pedea

²⁴ Chi mɨ k'ɨ̃riawẽa bɨpa mɨ pedea ook'ama. Chi mãrapa ũri p'anɨ pedea mõrewẽma, mãɨpari mɨ Ak'õrenepɨ, chi mɨ peedadepɨ.

Juan 14:24 ပူးပေါင်းရင်းမြစ်များ

Mateo 19:21

Mãɨne Jesupa ichiá jarasima: —Pɨ piarã jĩp'a ba k'ɨ̃ria bɨpɨra, pɨa uru bɨ ãarea netode wãk'ari erreara chi nenea k'edea tease. Mãɨya nepia pajãne uru baipɨ. Maapae mɨ ome p'ɨrrɨade chese.

Juan 14:10

¿Pɨa ĩjãawẽa bɨk'ãra mɨ, mɨ Ak'õre ome ará bɨt'a mãɨnepa mɨ Ak'õre mɨ ome ará bɨt'a? Mɨa pedea bɨ ara mɨchidepa pedeak'ama. Mãɨpari mɨ Ak'õre mɨ ome ará bɨpa mɨnepa pedea bɨma. Piarã mɨnepa ne ãarea ichia ooparima.

Juan 14:15

»Mãrapa mɨ piarã k'ɨ̃ria p'anɨpɨra, mɨ pedea oo p'ananaipɨ.

Juan 14:25

»Mãɨ mɨa mãrá jararuma wapida mãra ome bɨmisa.

Juan 3:11

Piarã ara mɨa pɨá jararuma: taipa k'awa p'anɨnepa mãɨnepa unu p'anɨnepa pedea p'anɨma maamina taipa pedea p'anɨt'a mãrapa ĩjãanak'ama.

Juan 3:34

Tachi Ak'õrepa peedapa Tachi Ak'õre pedea pedeaparima, Tachi Ak'õrepa ichi Jaore wãak'awẽa teada pẽra.

Juan 5:19

Maapae Jesupa ãchiá jarasima: «Mɨa mãrá piarã jararuma: mɨ, Tachi Ak'õre Warrapa ara mɨchi tuaba p'ue ne ooiwẽma. Maamina mɨa unu bɨma mɨ Ak'õrepa oo bɨt'a. Mãɨ ãarea mɨ Ak'õrepa oo bɨt'a mɨa pida oo bɨma.

Juan 5:38

Mãɨnepa ichi pedea mãra sõne newẽma, mɨ, chi ichia Peedade ĩjãanak'a pẽra.

Juan 7:16

Mãɨne Jesupa ãchiá jarasima: —Mɨa jaratea bɨ mõrewẽma, mãɨpari mɨ peedadepɨ.

Juan 7:28

Mãɨne Jesupa Tachi Ak'õre te tuda jaratea bɨde jĩk'ua jarasima: —Piarã mãrapa mɨ unupatama mãɨnepa sãmapemat'a k'awa p'anɨma. Maamina mɨ ara mɨchidepa chewẽa bɨma, mãɨpari mɨ chi piarã jaraparipa mɨ peesima. Mãrapa ichi k'awadawẽa p'anɨma.

Juan 8:26

Mɨa ne minachia mãra k'orea pedeai bɨma, mãra nepɨra pará p'anɨane ai k'orea. Maamina mãɨyaiwẽma. Chi mɨ peeda pedea piarãpɨ. Mɨa chi ichidepa ũri bɨt'a nãɨ ĩjũanepemarã́ jaraparima.

Juan 8:28

Mãɨpuru ichia jarasima: —Mãrapa mɨ, chi Ẽpẽra Warra ɨt'ɨ barijira bɨutade k'awadaipɨ chi Mɨt'a. K'awadaipɨ mɨa mi ãpia pida ara mɨa k'ɨ̃ria bɨ jĩra ook'at'a. Mãɨnepa k'awadaipɨ mɨ Ak'õrepa jarateada jĩra mɨa pedea bɨt'a.

Juan 8:38

Mɨa jara bɨma jõma mɨ Ak'õrepa mɨá jarateadat'a. Mãɨne mãrapa ĩjãa p'anɨma mãra ak'õrepa ũripidat'a.

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.