Juan 14:19 - Tachi Ak'õre Pedea

¹⁹ Tãaraawẽa bɨde nãɨ ĩjũanepemarãpa mɨ waa ununaiwẽma maamina mãrapa mɨ ununaipɨ. Mɨ chok'ae bɨẽra, mãra sida chok'ae p'ananaipɨ.

Juan 14:19 ပူးပေါင်းရင်းမြစ်များ

Juan 11:25

Jesupa jarasima: —Mɨa chi piudaadarã chok'ae p'irabaripiparima mãɨnepa chok'ae bapiparima. Parituapa mɨne ĩjãaipɨra, piurumina ewaricha Tachi Ak'õre ome chok'ae baipɨ.

Juan 12:35

Jesupa p'anoosima: —Nãɨ ɨnaa bɨ mãra ome tãaraa baiwẽma. Mãɨpuru ɨnaa bɨde nipat'ɨ ichi mãra ome bɨmisa mãɨ paritua p'ãrione baedaemaapa. Chi p'ãrione ni, mãɨpa sãmá wãrut'a k'awawẽma.

Juan 13:33

Mãra mɨ warrarã pẽra mɨa jararuma: mɨ mãra ome tãaraa baiwẽma. Mɨa judiorã chi mãɨrã chaarearã́ jarada jĩra nãɨyana mãrá jararuma: mãrapa mɨ jɨrɨdaipɨ, maamina mɨ wãrumá p'ue wãnaiwẽma.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 16:16

»Tãaraawẽa bɨde mãrapa mɨ ununaiwẽma, maamina mãɨya nak'ari mãicha tãaraawẽa bɨde mɨ ununaipɨ.

Juan 16:22

Ara mãɨ jĩra mãra ara nãɨena k'ĩra piawẽa p'anɨma, maamina mɨ mãicha mãra ak'ɨde cheipɨ. Maapae mãra arapá p'ananaipɨ. Abaɨ pida mãɨ arapá p'ue wẽpapiiwẽma.

Juan 6:40

Mɨ Ak'õrepa piarã k'ɨ̃ria bɨma ẽpẽerãpa mɨ ichi Warra k'awadak'ari, mɨne ĩjãanak'ari ichi ome ewaricha chok'ae p'ananamẽrá. Mãɨya mɨa ãchi nãɨ jõru ewaride chok'ae p'irabaripiipɨ.

Juan 7:33

Mãɨya p'anɨne Jesupa ẽpẽerã́ jarasima: —Mɨ mãra ome tãaraa baiwẽma. Mãɨya bak'ari mɨ peedamá wãipɨ.

Juan 8:21

Maapae Jesupa jarasima: —Mɨ wãipɨ. Wãk'ari mãrapa mɨ jɨrɨdaipɨ maamina waa ununaiwẽma. Mãrapa mɨne ĩjãanawẽ pẽra nemietaade piudaipɨ. Piarã mɨ wãrumá mãra p'ue wãnaiwẽma.

Hecho 10:41

Tachi Ak'õrepa ãareaɨrã́ unupié pasima maamina taiyá unupisima mãɨ k'orea ateeda pẽra. Ichi chok'ae p'irabarik'ari tai ichi ome nek'osidama mãɨnepa netosidama.

Romano 5:10

Tachi wapida Tachi Ak'õre ome chi nek'ĩramá p'anasidaɨde ichi Warra piudadepa tachi ichi ome sõpia bɨsima. Mãɨya tachi piarã k'aripaipɨ Cristo chok'ae bɨ pẽra.

Romano 8:34

¿K'aipa tachi nepɨra pará p'anɨane aima? Abaɨ pida mãɨya jaraiwẽma Jesucristo tachi k'orea piuda pẽra. Ichi piu bada chok'ae p'irabarisima. Naapae Tachi Ak'õre juaraari bɨma. Mãma tachi k'orea Tachi Ak'õrea chichupuria idi bɨma.

1 Corintio 15:20

Maamina Tachi Ak'õrepa piarã Cristo piu bada chok'ae p'irabaripisima. Piudaadadepema ichit'a chi naa chok'ae p'irabaridapɨ. Mãɨya Tachi Ak'õrepa unupisima jõma ichidirã sida piarã chok'ae p'irabaridait'a.

1 Corintio 15:45

Tachi Ak'õre pedeade bɨ bɨma: «Chi naapema ẽpẽra Adán apataɨ Tachi Ak'õrepa chok'ae bapisima». Maamina Cristo chi k'aadeapema Adán apataɨ bɨsima ichi jaoredepa chok'ae bapimẽrá.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Apocalipsi 20:4

Maapae mɨa chi suak'a beeparí auk'ará p'anɨ chok'ará unusima. Chi mãɨ ɨ̃rɨ suak'abari berã Cristo ome Tachi Ak'õrepa bɨsima chi minachia k'awa p'anɨrãt'a, mãɨrãpa ẽpẽerã nepɨra ak'ɨdai k'orea. Mãɨnepa mɨa ẽpẽerã poro t'ɨat'udada jaore unusima. Mãɨya poro t'ɨat'usidama Jesupa jarateada ĩjãa p'anɨ k'orea mãɨnepa Tachi Ak'õre pedea jaratea p'anɨ k'orea. Ãchia chi ãnimara mietá bɨt'a mãɨnepa chi ichi jĩra bɨ juapa oodada sãdo k'ɨ̃rianaé pasima. Ichi tauchaada ãchi tau bɨɨrɨde mãɨnepa juade pida itu bɨpidaé pasima. Ãchi chok'ae p'irabaridak'ari mil ãyo Cristo ome poro jũra jɨ̃parí jɨ̃ p'anɨrã jĩra p'aneesidama.