Juan 14:13 - Tachi Ak'õre Pedea

¹³ Mãɨya mãrapa mɨne ĩjãa p'anɨ pẽra mɨ t'ɨ̃nepa ɨt'aa chiidiuta mɨa jõma ooipɨ. Mãɨya mɨnepa mɨ Ak'õre chi choma bɨt'a unupiipɨ.

Juan 14:13 ပူးပေါင်းရင်းမြစ်များ

Mateo 21:22

Mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

Mateo 7:7

»Mãra newẽa p'anɨ Tachi Ak'õrea ɨt'aa chiidi p'anat'ɨ; mãɨne ichia mãrá teaipɨ. Jɨrɨ p'anat'ɨ; ichia unupiipɨ. Tede eda wãpataɨde t'ɨ̃t'ɨ; mãɨne chi eda wãpataɨ ewai jĩra, ichia teaipɨ.

Marco 11:24

Mãɨpuru mɨa mãrá jararuma: mãrapa Tachi Ak'õrea ne ɨt'aa chiididak'ari, mãɨnepa ichia mãɨ piarã teait'a a k'ɨ̃risia p'anɨpɨra, mãɨ ne ãarea jitadaipɨ.

Luca 11:9

»Mɨa jararuma: Ara mãɨ jĩra mãra newẽa p'anɨ Tachi Ak'õrea ɨt'aa chiidi p'anat'ɨ; mãɨne ichia mãrá teaipɨ. Jɨrɨ p'anat'ɨ; ichia unupiipɨ. Tede eda wãpataɨde t'ɨ̃t'ɨ; mãɨne chi eda wãpataɨ ewai jĩra, ichia teaipɨ.

Juan 10:30

Mɨ, mɨ Ak'õre ome aba p'anɨma.

Juan 12:44

Maapae Jesupa jĩk'ua jarasima: «Chi mɨne ĩjãa bɨpa mɨ Peedade pida ĩjãa bɨma.

Juan 13:31

Juda wãk'ari Jesupa jarasima: —Naapae Tachi Ak'õrepa unupiipɨ mɨ, chi Ẽpẽra Warra chi choma bɨt'a. Mãɨ awara mɨnepa Tachi Ak'õrepa unupiipɨ ara ichi chi choma bɨt'a.

Juan 14:14

Piarã mãrapa mɨne ĩjãa p'anɨ pẽra jõma mɨ t'ɨ̃nepa ɨt'aa chiidiuta mɨa ooipɨ.

Juan 14:6

Mãɨne Jesupa jarasima: —Mãɨ o mɨpɨ. Mɨnepa Tachi Ak'õre piarã k'awa p'anɨma mãɨnepa chok'ae bai uru p'anɨma. Mɨnepa wãnaepɨra aba pida mɨ Ak'õremá p'ue chedaiwẽma.

Juan 15:16

Mãrapa mɨ jɨrɨ atadaé pasima. Mɨapuru mãra jɨrɨ atasima. Pak'uru bɨɨrɨ nejõ beraak'aɨ chaupari jĩra, mɨa mãra bɨsima wãnak'ari nepia chaudamẽrá. Mɨa mãra jɨrɨ atada pẽra mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 15:7

»Mãra mɨ ome ará p'ananaipɨra, mɨ pedea oo p'ananaipɨra, ɨt'aa chiidit'ɨ jõma mãrapa k'ɨ̃riautat'a. Mãɨ mɨa teaipɨ.

Juan 16:23

Mãɨ ewaride mãrapa mi ãpia pida mɨá waa ne ididaiwẽma. Mɨa piarã jararuma: mãrapa mɨ Ak'õrea mɨ t'ɨ̃nepa ne idiutat'a ichia teaipɨ.

Juan 16:26

Mãɨ ewaride mãrapa mɨ t'ɨ̃nepa Tachi Ak'õrea ne ididaipɨ. Mɨa mãra pae Tachi Ak'õrea idiiwẽma,

Juan 16:7

Mɨa piarã jararuma: mãra pae pia bɨma mɨ wãit'a. Mɨ wãepɨra mãra K'aripaparí cheiwẽma. Maamina mɨ wãipɨra ichi peeipɨ.

Juan 4:10

Jesupa p'anoosima: —Tachi Ak'õrepa teai bɨt'a pɨa k'awarupara mãɨnepa k'aipa jãɨ pania idi bɨt'a k'awarupara, pɨa mɨá pania idii pasima. Maapae mɨa chi chok'ae bapiparí pania teai pasima.

Juan 4:14

Maamina chi mɨa tea bɨ pania torut'a waa opisia baiwẽma. Chi mɨa tea bɨ pania ichide ewaricha wea baipɨ mãɨnepa Tachi Ak'õre ome ewaricha ichi chok'ae baipɨ.

Juan 5:19

Maapae Jesupa ãchiá jarasima: «Mɨa mãrá piarã jararuma: mɨ, Tachi Ak'õre Warrapa ara mɨchi tuaba p'ue ne ooiwẽma. Maamina mɨa unu bɨma mɨ Ak'õrepa oo bɨt'a. Mãɨ ãarea mɨ Ak'õrepa oo bɨt'a mɨa pida oo bɨma.

Juan 7:37

Mãɨ arapaapataɨ ewari oo p'anɨne chi k'aadeapema ewari chi choma bɨt'a basima. Mãɨ ewaride Jesú bai nɨbeek'ari jĩk'ua pedeasima: —Chi abaɨ opisia bɨpɨra mɨmá chese, maapae pania chok'ae bapiparidepema tose.

1 Corintio 14:13

Mãɨ k'orea chi tachia ũrinak'apɨ́ pedeade pedea bɨpa Tachi Ak'õrea ɨt'aa chiidi bɨma ara ichia jarada p'ue k'awa jarai k'orea.

Ep'esio 2:18

Cristodepa tachi umeepa abarik'a tachi Pajãnepema Ak'õremá naa p'ue chedaipɨ, ichi Jaore aba bɨdepa.

Ep'esio 3:12

Tachia ara mãɨ Jesucristode ĩjãa p'anɨ pẽra mãɨnepa ichi ome ará p'anɨ pẽra Tachi Ak'õrea ne wap'eawẽa ɨt'aa chiididai p'anɨma.

Ep'esio 3:14

Mãɨ k'orea mɨ Tachi Pajãnepema Ak'õre k'ĩrari sĩraporode k'obeeparima.

P'ilipense 4:13

Cristodepa jõma p'ue ooipɨ ichia mɨ chaareapii bɨ pẽra.

Colosense 3:17

Mãra pedeautade mãɨnepa ne ooutade jõma oot'ɨ Tachi Chipari Jesupa k'ɨ̃ria bɨ jĩra. Ichidepa Tachi Pajãnepema Ak'õrea sõpia bɨade at'ɨ.

Hebreo 13:15

Mãɨ k'orea Jesucristodepa tachia, chi Tachi Ak'õrene ĩjãa p'anɨane a p'anɨrãpa, ewaricha ichiá pia pedeadai p'anɨma ãnimara paateauta jĩra.

Hebreo 4:15

Jesú tachi P'aare minachia k'awa bɨpa k'awa bɨma tachi jua ɨbɨwẽa p'anɨt'a. Tiorepa ichiá waa mĩesa jarasima ara mãɨya tachiá waa mĩesa jarapari jĩra. Maamina Jesupa nemietá ooé pasima.

Hebreo 7:25

Mãɨpuru ichidepa Tachi Ak'õremá cheutarã ãarea p'ue k'aripaipɨ ewaricha chok'ae p'ananamẽrá. Piuk'a pẽra ewaricha tachi k'orea Tachi Ak'õrea chichupuria idiparima.

Santiago 1:5

Mãranepemapa k'ɨ̃risia newẽa bɨpɨra, Tachi Ak'õrea ɨt'aa chiidii bɨma. Mãɨne Tachi Ak'õrepa teaipɨ. Ichiá ɨt'aa chiidisidara ɨtɨawẽa jõmãɨrã́ sõpia, wãak'awẽa teaparima.

Santiago 5:16

Mãɨ k'orea mãrapa nemietá oodada abaɨa jaradak'ari, jõrea jarat'ɨ. Mãɨnepa tausia Tachi Ak'õrea ɨt'aa chiidit'ɨ pia tuananai k'orea. Ẽpẽra jĩp'a bɨpa Tachi Ak'õrea ɨt'aa chiidisira Tachi Ak'õre jua chaareadepa ne waibɨa ooparima.

1 Pedro 2:5

Mãra ichidepa chok'ae p'anɨ pẽra mawara te oopataɨ jĩra p'anɨma. Mãranepa Tachi Ak'õrepa ichi te ooruma. Mãɨnepa mãra p'aarerã ichi pae papi bɨma. Mãrapa Jesucristodepa Tachi Ak'õre pae ne oo p'anɨne, ichiá ãnimara paateauta jĩra oo p'anɨma. Mãɨya oo p'anɨt'a ichia pia unu bɨma.

1 Juan 3:22

Mãɨne chi tachia idiuta Tachi Ak'õrepa teaipɨ, ichia oopi bɨ pedea mãɨnepa pia unu bɨt'a oo p'anɨ pẽra.

1 Juan 5:14

Tachi Ak'õrepa k'ɨ̃ria bɨ jĩra tachia ididaipɨra, k'awa p'anɨma ichia ũriparit'a. Mãɨpuru ne wap'eawẽa ichiá ididai p'anɨma.