Juan 13:36 - Tachi Ak'õre Pedea

³⁶ Simón Pedropa Jesua idisima: —Tai Chipari, ¿pɨ sãmá wãima? Mãɨne Jesupa p'anoosima: —Mɨ wãrumá pɨ nãɨyana p'ue wãiwẽma, maamina mãɨya bak'ari mɨ k'aade wãipɨ.

Juan 13:36 ပူးပေါင်းရင်းမြစ်များ

Juan 13:33

Mãra mɨ warrarã pẽra mɨa jararuma: mɨ mãra ome tãaraa baiwẽma. Mɨa judiorã chi mãɨrã chaarearã́ jarada jĩra nãɨyana mãrá jararuma: mãrapa mɨ jɨrɨdaipɨ, maamina mɨ wãrumá p'ue wãnaiwẽma.

Juan 14:2

Mɨ Ak'õre baparimá k'ɨda minachia bɨma. Mɨ mãmá wãipɨ mãɨ k'ɨda ooi k'orea mãra pae. Mãɨyawẽpara mɨa jaraiwẽ pasima.

Juan 16:17

Mãɨne chi eda waapẽarã ichi ome p'ɨrrɨapataɨrãpa ara ãchi tuaba idi para beesima: —¿Mãɨ k'ãre jara bɨma: “Tãaraawẽa bɨde mãrapa mɨ ununaiwẽma. Maamina mãɨya nak'ari mãicha tãaraawẽa bɨde mɨ ununayade aipɨ mɨ Ak'õremá wãi pẽra?”

Juan 16:5

Maamina mɨ, mɨ Peedamá wãipɨ. Maamina abaɨ pida mãranepemapa mɨá mãɨ k'orea ididawẽa p'anɨma.

2 Pedro 1:14

Tachi Chipari Jesucristopa mɨá pia k'awapisima tãaraawẽa bɨde mɨ piuit'a.