Juan 12:50 - Tachi Ak'õre Pedea

⁵⁰ Mɨa k'awa bɨma chi ichia mɨá pedeapit'a, ẽpẽerã ichi ome ewaricha chok'ae tuananamẽrá. Mãɨpuru mɨ Ak'õrepa mɨá jarada jĩra mɨa mãɨya pedea bɨma».

Juan 12:50 ပူးပေါင်းရင်းမြစ်များ

Juan 17:3

Ewaricha chok'ae bepa, ãchia k'awa p'anɨma pɨ piarã Tachi Ak'õre aba bɨt'a. Ichiaba k'awa p'anɨma chi pɨa peeda, Jesucristot'a.

Juan 20:31

Maamina ãarea nãɨ bɨsima mãrapa Jesú Tachi Ak'õrepa Tachi K'aripaparí teai jarada, Tachi Ak'õre Warrade ĩjãanamẽrá. Mãɨya ĩjãanaipɨra ichidepa chok'ae bai uru p'ananaipɨ.

Juan 5:19

Maapae Jesupa ãchiá jarasima: «Mɨa mãrá piarã jararuma: mɨ, Tachi Ak'õre Warrapa ara mɨchi tuaba p'ue ne ooiwẽma. Maamina mɨa unu bɨma mɨ Ak'õrepa oo bɨt'a. Mãɨ ãarea mɨ Ak'õrepa oo bɨt'a mɨa pida oo bɨma.

Juan 6:63

Tachi Ak'õre Jaorepuru tachi chok'ae bapiparima. Nãɨ k'ak'uapa mãɨya p'ue ook'ama. Mɨa mãrá Tachi Ak'õre Jaoredepa jaratea bɨma mãra piarã chok'ae p'ananamẽrá.

Juan 6:68

Simón Pedropa p'anoosima: —Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá.

Juan 8:28

Mãɨpuru ichia jarasima: —Mãrapa mɨ, chi Ẽpẽra Warra ɨt'ɨ barijira bɨutade k'awadaipɨ chi Mɨt'a. K'awadaipɨ mɨa mi ãpia pida ara mɨa k'ɨ̃ria bɨ jĩra ook'at'a. Mãɨnepa k'awadaipɨ mɨ Ak'õrepa jarateada jĩra mɨa pedea bɨt'a.

1 Timoteo 1:16

Maamina mãɨ k'orea Tachi Ak'õrepa mɨ k'ĩra chupuriasima. Mãɨya Jesucristopa mɨ, chi k'achia badadepema unupisima ichia ãarea pia choa bɨt'a. Mɨnepa chi wapida ĩjãanak'apɨɨrã́ k'awapisima sãmaasã́ ẽpẽra k'achia k'ĩra chupuriaparit'a ewaricha chok'ae p'aneenamẽrá.

1 Juan 2:25

Mãɨya ará p'anɨpɨra, Cristopa tachiá piarãpẽa jarasima ewaricha Tachi Ak'õre ome chok'ae p'ananait'a.

1 Juan 5:20

Tachia k'awa p'anɨma Tachi Ak'õre Warra chesit'a mãɨnepa k'ɨ̃risia k'awa bɨ tachiá teasit'a Tachi Ak'õre piarã k'awadamẽrá. Ichi Warra Jesucristo ome p'anɨ pẽra tachi piarã Tachi Ak'õre ome p'anɨma. Ichi piarã Tachi Ak'õrepɨ. Ichia ẽpẽrarã́ ichi ome ewaricha chok'ae p'anapiparima.