Juan 12:49 - Tachi Ak'õre Pedea

⁴⁹ Mɨ ara mɨchidepa pedeawẽma. Mɨ Ak'õre, chi mɨ nãmá peedapa mɨá jarasima k'ãre jarai bɨt'a mãɨnepa sãmaasã́ mãɨ pedea jarai bɨt'a.

Juan 12:49 ပူးပေါင်းရင်းမြစ်များ

Juan 14:10

¿Pɨa ĩjãawẽa bɨk'ãra mɨ, mɨ Ak'õre ome ará bɨt'a mãɨnepa mɨ Ak'õre mɨ ome ará bɨt'a? Mɨa pedea bɨ ara mɨchidepa pedeak'ama. Mãɨpari mɨ Ak'õre mɨ ome ará bɨpa mɨnepa pedea bɨma. Piarã mɨnepa ne ãarea ichia ooparima.

Juan 14:24

Chi mɨ k'ɨ̃riawẽa bɨpa mɨ pedea ook'ama. Chi mãrapa ũri p'anɨ pedea mõrewẽma, mãɨpari mɨ Ak'õrenepɨ, chi mɨ peedadepɨ.

Juan 14:31

Mãɨya mɨ Ak'õrepa oopi bɨt'a mɨa ooipɨ. Mãɨnepa nãɨ ĩjũanepemarãpa k'awadaipɨ mɨa mɨ Ak'õre minachia k'ɨ̃ria bɨt'a. »P'irabarit'ɨ. Wãtɨma.

Juan 15:15

Mɨa mãra waa mɨ pae pari mimiapataɨrãane awẽma. Chi chipari pae pari mimiaparipa ichi chiparipa ooi k'ɨ̃risia bɨ atua bɨma. Naapae mãra mɨ chi k'õp'ãerorãpɨ. Mɨa mãrá k'awapisima ne ãarea mɨ Ak'õrenepa ũrinat'a.

Juan 17:8

Pɨa mɨá jarada mɨa ãchiá jarateasima. Ãchia mãɨ pedea ĩjãasidama. Mãɨpuru k'awa p'anɨma piarã mɨ pɨmãɨpa chesit'a. Piarã ĩjãa p'anɨma pɨa mɨ peesit'a.

Juan 3:11

Piarã ara mɨa pɨá jararuma: taipa k'awa p'anɨnepa mãɨnepa unu p'anɨnepa pedea p'anɨma maamina taipa pedea p'anɨt'a mãrapa ĩjãanak'ama.

Juan 3:32

Ichiapuru pedea bɨma pajãne ununa k'orea mãɨnepa ũrina k'orea. Maamina ichia pedea bɨt'a mi ãpia pida ĩjãanak'ama.

Juan 5:19

Maapae Jesupa ãchiá jarasima: «Mɨa mãrá piarã jararuma: mɨ, Tachi Ak'õre Warrapa ara mɨchi tuaba p'ue ne ooiwẽma. Maamina mɨa unu bɨma mɨ Ak'õrepa oo bɨt'a. Mãɨ ãarea mɨ Ak'õrepa oo bɨt'a mɨa pida oo bɨma.

Juan 5:30

»Ara mɨchi tuaba ne p'ue ooiwẽma. Mɨa ẽpẽra ɨtɨaparima mɨ Ak'õrepa jararu jĩra. Mɨa jĩp'a ɨtɨaparima. Mɨa k'ɨ̃ria bɨ jĩra ook'ama mãɨpari mɨ Ak'õre, chi mɨ Peedapa k'ɨ̃ria bɨ jĩra ooparima.

Juan 6:68

Simón Pedropa p'anoosima: —Tai Chipari, tai ¿k'aimá wãnaima? Aba pɨapuru taiyá jarateaparima Tachi Ak'õre ome ewaricha chok'ae p'ananamẽrá.

Juan 7:16

Mãɨne Jesupa ãchiá jarasima: —Mɨa jaratea bɨ mõrewẽma, mãɨpari mɨ peedadepɨ.

Juan 8:26

Mɨa ne minachia mãra k'orea pedeai bɨma, mãra nepɨra pará p'anɨane ai k'orea. Maamina mãɨyaiwẽma. Chi mɨ peeda pedea piarãpɨ. Mɨa chi ichidepa ũri bɨt'a nãɨ ĩjũanepemarã́ jaraparima.

Juan 8:28

Mãɨpuru ichia jarasima: —Mãrapa mɨ, chi Ẽpẽra Warra ɨt'ɨ barijira bɨutade k'awadaipɨ chi Mɨt'a. K'awadaipɨ mɨa mi ãpia pida ara mɨa k'ɨ̃ria bɨ jĩra ook'at'a. Mãɨnepa k'awadaipɨ mɨ Ak'õrepa jarateada jĩra mɨa pedea bɨt'a.

Juan 8:42

Jesupa jarasima: —Tachi Ak'õre mãra Ak'õrepara, mãrapa mɨ piarã k'ɨ̃rianai pasima, Tachi Ak'õrenepa chek'ari nãma bɨ pẽra. Mɨ ara mɨnepa chewẽa pasima. Ichiapuru peesima.

Apocalipsi 1:1

Mɨ Jesucristo pae pari mimiaparí Juanpɨ. Nãɨ k'art'ade bɨ bɨma Jesucristopa pajãnepa mɨá k'awapida. Mãɨ Tachi Ak'õrepa Jesucristoa k'awapisima chi ichide ĩjãa berã́ k'awapimẽrá tãaraawẽa bɨde sãit'a. Jesucristopa ɨt'aripa peeda aba mɨmá peesima mãɨ k'awapimẽrá.