Juan 12:40 - Tachi Ak'õre Pedea

⁴⁰ «Mɨa ãchi tau p'ãrio be jĩra bɨsima mãɨnepa sõ chaarea bɨsima ãchi taupa unu p'anɨmina k'awapidaemaapa mãɨnepa ũri p'anɨmina sõnepa k'awapidaemaapa. Mãɨya p'anɨ pẽra mɨmá chedak'ama mɨa jɨpa beepimẽrá».

Juan 12:40 ပူးပေါင်းရင်းမြစ်များ

Mateo 15:14

Mãɨpuru p'ariseorã k'orea k'ɨ̃risiarãt'ɨ. Ãchi tau p'ãrio be jĩra p'anɨma. Tau p'ãrio bɨpa abaɨ tau p'ãrio bɨa o jarateasira, umea uriade baewãnaipɨ.

Marco 4:12

“ãchia minachia ak'ɨ p'anɨmina mãɨ ununaemaapa, mãɨnepa minachia ũri p'anɨmina mãɨ k'awadaemaapa. Mãɨya p'ananaiwẽ pasira, Tachi Ak'õremá chedak'ari ãchia nemietá oopataɨ mãɨ ichia k'ɨ̃risia atuai pasima”».

Marco 6:52

ãchi sõ chaarea p'anana pẽra mãɨnepa chi Jesupa p'ana ãpia bɨdepa ẽpẽerã chok'ará nek'opida k'orea k'awadawẽa p'anasidama.

Luca 4:18

«Tachi Ak'õre Jaore mɨ ome bɨma. Ichia mɨ jɨrɨ atasima chi nenea k'edea jaramẽrá Tachi Ak'õrepa ãchi k'aripait'a. Ichia mɨ peesima chi k'ɨ̃risia pará, sõp'ua be sõpiapik'oamẽrá, chi jita uadaadaɨrã ãchi k'ẽet'aapii jaramẽrá, tau p'ãrio be unupimẽrá, chĩara jua chaareade mĩa be pia bɨk'oamẽrá mãɨnepa jaramẽrá nãɨ ewaride Tachi Chiparipa ẽpẽrarã pia ooit'a».

Luca 8:10

Jesupa p'anoosima: «Chi Tachi Ak'õrepa ichidirã ichi juade ua bɨ k'orea ãareaɨrã́ k'awapiwẽa bɨmina mãrá k'awapi bɨma. Maamina waapẽarã́ mɨa nepɨrɨ bɨdepa pedea bɨma “ãchia minachia ak'ɨ p'anɨmina mãɨ ununaemaapa, mãɨnepa minachia ũri p'anɨmina mãɨ k'awadaemaapa”.

Juan 12:39

Mãɨpuru ãchia p'ue ĩjãanaé pasima, Isaíapa jarada jĩra:

Juan 9:39

Mãɨne Jesupa jarasima: —Mɨ nãɨ ĩjũanea chesima ẽpẽerã nepɨra ak'ɨi k'orea. Mãɨya chi tau p'ãrio be jĩra bepa ununaipɨ mãɨnepa chi unu p'anɨane a p'anɨ tau p'ãrio be jĩra p'aneenaipɨ.

Hecho 15:3

Ũpẽarã Antioquiadepemarã peesidaɨde ãchi P'enicia tuade mãɨnepa Samaria tuade wãsidama. P'uurucha nepɨrɨsidama sãmaasã́ judiorãwẽpa ãchi naena k'ɨ̃risia p'ananat'a itu bɨdak'ari Jesude ĩjãasidama. Mãɨ pedea ũrisidaɨde ũpẽarã ãarea arapaasidama.

Hecho 28:26

“Nãɨ p'uurua nãɨya jarade wãse: Mãrapa ũri p'anɨmina k'awadaiwẽma. Minachia unu p'anɨmina k'awadaiwẽma.

Hecho 3:19

Chi mãrapa nemietá oodada itu bɨdak'ari Tachi Ak'õremá chet'ɨ. Mãɨya oosidara Tachi Chiparipa mãrapa nemietá oodaadat'a k'ɨ̃risia atuak'ari sõpiapiipɨ.

Romano 9:18

Mãɨpa k'awapi bɨma Tachi Ak'õrepa abaɨ k'ĩra chupuria k'ɨ̃ria bɨpɨra mãɨya ooparit'a mãɨnepa abaɨ k'ɨɨrɨwẽa beepii k'ɨ̃ria bɨpɨra mãɨya ooparit'a.