Juan 12:37 - Tachi Ak'õre Pedea

³⁷ Jesupa ẽpẽerãpa ne p'ue oodak'apɨ́ chok'ará ẽpẽerã k'ĩrari oodamina ãchia waidi ĩjãanawẽa p'anasidama.

Juan 12:37 ပူးပေါင်းရင်းမြစ်များ

Mateo 11:20

Maapae Jesupa waapẽarã p'uuru ɨtɨa beesima. Mãɨrã p'uurude ichia chi ẽpẽrarãpa ne p'ue oodak'apɨ́ mãma ãarea oodamina ãchia nemietá oopataɨ amaanaé pasima.

Luca 16:31

Maamina Abrahanpa jarasima: “Moisepa bɨda mãɨnepa Tachi Ak'õre pari pedeapataɨrãpa bɨdada ĩjãanaepɨra, piuda chok'ae p'irabaridapa mãɨ jararu sida ĩjãanaiwẽma”».

Juan 1:11

Pajãnepa ichi tuadepemarãmá chesima. Ya ãchia ichi jitadaé pasima.

Juan 11:42

Mɨa k'awa bɨma pɨa mɨ pedea ũri baparit'a, maamina mɨa mãɨ jarasima nãɨrã ẽpẽerãpa k'awadamẽrá pɨa mɨ peesit'a.

Juan 12:36

Chi ɨnaa bɨ mãra t'ãena uru p'anɨne mãɨ ɨnaa bɨde ĩjãat'ɨ, ɨnaa bɨdepema ẽpẽrarã padai k'orea. Mãɨ pedea jarak'ari Jesú mĩruwãsima.

Juan 12:38

Tachi Ak'õre pari pedeaparí Isaíapa jarada jĩra piarã mãɨyasima. Nãɨya jarasima: «Tai Chipari, ¿taipa jaradada k'aipa ĩjãasima? Pɨ jua chaarea bɨ ¿k'aiyá k'awapisima?»

Juan 15:24

Mɨa ãchi k'ĩrari ẽpẽerãpa ne p'ue oodak'apɨ́ oodaépara, ãchia nemietá oodada k'orea nepɨrade p'aneenaiwẽ pasima. Maamina mɨa ooda ãchia unusidamina mɨ, mɨ Ak'õre sida unuemaa uru p'anɨma.

Juan 2:11

Mãɨ ẽpẽerãpa ne p'ue oodak'apɨ́ naa ooda Jesupa Caná p'uurude Galilea ĩjũane oosima. Mãɨnepa chi ichi minachia atepe bɨt'a unupisima. Mãɨya ichi ome p'ɨrrɨapataɨrãpa ichide piarã ĩjãasidama.

Juan 6:2

Jesupa ẽpẽerãpa ne p'ue oodak'apɨ́ oo bɨdepa k'ɨdade berã jɨpa beepik'oasima. Chok'ará ẽpẽerãpa mãɨ unu p'anana pẽra ichi k'aade wãsidama.