Juan 11:55 - Tachi Ak'õre Pedea

⁵⁵ Judiorã Egitodepa wãnana k'ɨ̃risiapataɨ ewari k'ait'a basima. Mãɨ arapaapataɨ ewari pẽra p'uuruchadepemarã Jerusalenea wãsidama ãchia ne oopataɨ oo p'anɨnepa Tachi Ak'õre k'ĩrari pia p'ananai k'orea.

Juan 11:55 ပူးပေါင်းရင်းမြစ်များ

Mateo 26:1

Jõma mãɨ jarateak'ari Jesupa ichi ome p'ɨrrɨapataɨrã́ jarasima:

Mateo 26:2

—Mãrapa k'awa p'anɨma ewari ume parude, Egitodepa wãnana k'ɨ̃risiapataɨ ewari oodaipɨ. Mãɨne abaɨpa mɨ, chi Ẽpẽra Warra jitapiipɨ k'urusude barijira bɨk'ari, peadamẽrá.

Marco 14:1

Ewari ume parude judiorãpa Egitodepa wãnana k'ɨ̃risiapataɨ ewari oodai pasima. Mãɨ arapaapataɨ ewaride p'ana ooropiparí newẽa k'opatama. Mãɨne p'aarerã chi mãɨrã chaarearãpa mãɨnepa Moisepa bɨda jarateapataɨrã ome k'ɨ̃risia jɨrɨ p'anasidama Jesú k'ĩup'ea jitadak'ari peapidai k'orea.

Luca 22:1

P'ana ooropiparí newẽa k'opataɨ ewari ara k'ait'a pasima. Mãɨ ewari Pascua ewari apatama.

Juan 12:1

Egitodepa wãnana k'ɨ̃risiapataɨ ewari pai k'orea ewari k'ak'o seiwẽa baside, Jesú Betania p'uurudea wãsima Lázaro bapachimá. Mãɨ Lázaro Jesupa chok'ae p'irabaripida pasima.

Juan 13:1

Egitodepa wãnana k'ɨ̃risiapataɨ ewari pai naena Jesupa k'awa basima ichi ewari pasit'a, nãɨ ĩjũa ameek'ari ichi Ak'õremá wãi k'orea. Jesupa jõma ichidirã nãɨ ĩjũane be minachia k'ɨ̃ria bada pẽra ichia mãɨrã k'ɨ̃ria basima ichi piui ewaridea.

Juan 18:28

Maapae tap'ededa Jesú Caip'á tedepa romanepema chi poro chaarea bɨ chi te minachia bɨdea ateewãsidama. Chi Jesú ateewãnana judiorã mãɨ te Pretorio apataɨde eda wãnaé pasima ãchi eda wãsidara Tachi Ak'õre k'ĩrari piawẽa p'aneenai pẽra. Ichi k'ĩrari pia p'anana k'ɨ̃ria p'anasidama Egitodepa wãnana k'ɨ̃risiapataɨ ewari chik'o k'odai k'orea.

Juan 2:13

Judiorã Egitodepa wãnana k'ɨ̃risiapataɨ ewari k'ait'a pa bada pẽra Jesú Jerusalenea wãsima.

Juan 2:6

Mãɨne chok'o mawara ooda sei arí p'anasidama. Judiorãpa mãɨ chok'o mawara ooda mãɨya oopatama, Tachi Ak'õre pae pia awara bɨdamẽrá. Chok'ocha cincuenta wa setenta pot'eya wãpatama.

Juan 5:1

Mãɨya nak'ari Jesú Jerusalenea wãsima, judiorãpa mãma arapaapataɨ ewaride ne oopataɨ oomaa p'anana pẽra.

Juan 6:4

Judiorã Egitodepa wãnana k'ɨ̃risiapataɨ ewari k'ait'a pa basima.

Hecho 21:24

Mãɨ ũpẽarã Tachi Ak'õre te minachia bɨdea ateewãse. Mãma chi Tachi Ak'õre k'ĩrari pia p'ananai k'orea oot'ɨ. Ãchia Tachi Ak'õrea teadai p'anɨt'a mãɨ pɨapuru tease. Mãɨyara ãchi p'ue poro u'urua wẽpidaipɨ k'awapidai k'orea ãchia ne ooi jaradaadat'a jõma oosidama. Mãɨpa ãareaɨrãpa k'awadaipɨ chi pɨ k'orea jara p'anɨt'a mãɨ seat'a, mãɨnepa k'awadaipɨ pɨ piarã jĩp'a baparit'a Moisepa bɨdade jara bɨ jĩra.

Hecho 21:26

Norema Pablopa mãɨ ẽpẽerã ichi ome ateewãnak'ari, ne oosidama Tachi Ak'õre k'ĩrari pia p'ananai k'orea. Mãɨne Tachi Ak'õre te minachia bɨdea wãnak'ari jarasidama sãɨ ewaride Tachi Ak'õre k'ĩrari pia p'ananait'a. Mãɨ ewaride ãchicha Tachi Ak'õrea ãnimara paateadai p'anasidama.

Hecho 24:18

Mãɨya bɨde chi Tachi Ak'õre k'ĩrari pia bai k'orea mɨa jõma ooside, Tachi Ak'õre te minachia bɨde chi Asiadepema judiorãpa mɨ unusidama. Maamina ẽpẽra minachia cheepɨrɨdaé pasima mãɨnepa ẽpẽerã k'ĩruupik'adaé pasima.

1 Corintio 11:28

Mãɨ p'ana k'oi naena, mãɨ pasude eda bɨ toi naena tachicha minachia ak'ɨi bɨma piarã Tachi Chipari wap'ea bɨ k'awai k'orea.

Santiago 4:8

Tachi Ak'õre k'ait'a chet'ɨ, mãɨyara ichi mãra k'ait'a cheipɨ. Mãra chi nemietá oopataɨrã, ¡machi jua sɨɨuta jĩra waa nemietá oorãt'ɨ! Mãra chi k'ɨ̃risia ume uru be, ¡k'ɨ̃risia mietá itu bɨdak'ari aba Tachi Ak'õret'u k'ɨ̃risiat'ɨ!