Juan 11:48 - Tachi Ak'õre Pedea

⁴⁸ Ichi itu bɨdaipɨra ãareaɨrãpa ichide ĩjãanaipɨ. Ichi k'aade wãnaipɨra Romanepemarã papaká berã chedak'ari ãchia Tachi Ak'õre te minachia bɨ ãrinaipɨ mãɨnepa tachi judiorã k'enanaipɨ.

Juan 11:48 ပူးပေါင်းရင်းမြစ်များ

Mateo 22:7

Mãɨ k'orea chi minachia k'awa bɨ minachia k'ĩruusima. Ichi papaká berã peek'ari mãɨ ẽpẽrarã mĩa peapataɨrã jitadak'ari, k'enanak'ari, maapae ãchi p'uuru paasidama.

Mateo 22:9

Mãɨ k'orea waapẽarã ẽpẽrarã o becha jɨrɨde wãpadade asima. Mãrapa unuutarã́ jarapadade asima mɨ warra miak'ãipataɨ arapaapataɨ tedea chedamẽrá”.

Mateo 24:15

»Tachi Ak'õre pari pedeaparí Danielpa k'art'ade bɨsima Tachi Ak'õre te minachia bɨde, eda chi pia bɨ tejãne, abaɨpa chi nemietá Tachi Ak'õrepa k'ɨ̃riak'aɨ bɨipɨ. (Chi k'art'a eda jara bɨpa k'ãre jara bɨt'a k'awai bɨma). Mãrapa mãɨ unuutade Judea tuade berã eyadea mĩruwãnai p'anɨma.

Mateo 27:25

Mãɨne ãareaɨrãpa p'anoosidama: —¡Mãɨyara tai mãɨnepa tai warrarã nepɨra pará p'ananaipɨ ichi piuda k'orea!

Luca 11:52

»¡Moisepa bɨda jarateapataɨrã, mãra chupuri p'anɨma Tachi Ak'õrepa ɨtɨai pẽra! Mãrapa ẽpẽrarã́ Tachi Ak'õre piarã itu k'awapidak'ama. Mãrapa atua p'anɨma Tachi Ak'õre piarã sãmaasã́ bɨ. Mãɨ awara waapẽarãpa k'awa k'ɨ̃ria p'anɨ sida mãrapa itu k'awapidak'ama.

Luca 8:12

Mãɨ chi net'a tau ode baedat'a nãɨ jara bɨma: waapẽarã ẽpẽrarãpa Tachi Ak'õre pedea ũrinak'ari tiorepa mãɨ pedea ãchi sõne cheda k'ɨ̃risia atuapiparima ĩjãapidaemaapa. Mãɨya ãchi nemietaadepema k'aripaiwẽma.

Juan 1:7

mãɨ ɨnaa bɨ jĩra bɨ k'orea jaramẽrá, ichidepa jõmãɨrãpa mãɨne ĩjãanamẽrá.

Hecho 5:28

—Naena taipa minachia jarasidama mãrapa jãɨ ẽpẽra t'ɨ̃nepa waa jarateapidaemaapa. Maamina mãrapa ãarea Jerusalenepemarã́ jaratea p'anɨma. Mãɨ awara jãɨ ẽpẽra peadada k'orea tai nepɨra pará p'anɨane a jara k'ɨ̃ria p'anɨma.