Juan 10:31 - Tachi Ak'õre Pedea

³¹ Mãɨpuru judiorãpa mãicha mawara jitasidama ichi bat'a peadai k'orea.

Juan 10:31 ပူးပေါင်းရင်းမြစ်များ

Mateo 12:14

Ara mãɨne p'ariseorã tajatá wãnak'ari, pedea aumaa p'aneesidama Jesú peapidai k'orea.

Mateo 21:35

Mãɨne chi uva k'ãenane mimiapataɨrãpa chi ichi pae mimiapataɨrã jitadak'ari; aba jok'aesidama, aba peasidama mãɨnepa aba mawarapa bat'asidama.

Mateo 23:35

Mãɨpuru jõma chõarãenapemarã jĩp'a berã peadada k'orea, Tachi Ak'õrepa mãra ɨtɨaipɨ: Abel jĩp'a bɨ peadada k'orea, Berequía warra Zak'aria peadada k'orea mãɨnepa ãarea waapẽarã peadada k'orea pida. Zak'aria Tachi Ak'õre te tajataria chi ãnimara paapataɨ k'ait'a peasidama.

Juan 1:19

Nãɨ chi Juanpa ara ichi k'orea jaradapɨ. Judiorã chaarearãpa Jerusalenepa p'aarerã mãɨnepa Levidepemarã Juanmá peesidama ichiá nãɨya ididamẽrá: —¿Pɨ k'aima? ¿Pɨ Tachi Ak'õrepa Tachi K'aripaparí teai jaradak'ãra?

Juan 10:24

Mãɨya bɨde judiorãpa Jesú jũranak'ari idisidama: —Waa ¿sãapae pɨa taiyá pɨ k'orea k'ɨ̃risia k'awapiwẽa uru baima? Pɨ Tachi Ak'õrepa Tachi K'aripaparí teai jaradapɨra, taiyá jĩp'a jarase.

Juan 10:32

Mãɨne Jesupa jarasima: —Mɨ Ak'õrenepa minachia nepia mãrá unupisima. ¿Chi sãkɨɨ nepia ooda k'orea mɨ mawarapa bat'a peadaima?

Juan 11:8

Mãɨpuru ichi ome p'ɨrrɨapataɨrãpa jarasidama: —Jarateaparí, tãaraawẽa bɨma Judeadepemarãpa pɨ mawarapa bat'a peada k'ɨ̃ria p'ananat'a. ¿Pɨ mãicha jãmá wãik'ãra?

Juan 5:18

Mãɨ k'orea judiorã chi chaarearãpa ichi atepe peada k'ɨ̃ria p'aneesidama. Ichia mimianak'apɨ́ ewaride ne oodak'apɨ́ oodat'a k'ɨ̃rianaé pasima. Mãɨ awara mɨ Ak'õreane ada k'orea mãɨ atepe k'ɨ̃rianaé pasima mãɨpa ara ichi Tachi Ak'õreane ada pẽra.

Juan 8:59

Jesupa mãɨya jarada k'orea judiorãpa mawara atasidama ichi bat'a peadayá. Maamina Jesú mĩruk'ari Tachi Ak'õre te edapema ãyá wãsima.

Hecho 7:52

Ãchia Tachi Ak'õre pari pedeapataɨrã ãarea mĩapisidama. Chi Ẽpẽra Jĩp'a Bɨ chei k'orea jaradada sida peapachidama. Ara mãɨ jĩra mãrapa mãɨ Ẽpẽra Jĩp'a Bɨ jitadak'ari peasidama.