Juan 1:29 - Tachi Ak'õre Pedea

²⁹ Mãɨ norema Juanpa Jesú ichimá cheru unuk'ari, ya jarasima: «¡Ak'ɨt'ɨ! Jãɨt'a Tachi Ak'õre oveja chak'epɨ. Ichidepa Tachi Ak'õrepa nãɨ ĩjũanepemarãpa nemietá oopataɨ k'ɨ̃risia atuaipɨ.

Juan 1:29 ပူးပေါင်းရင်းမြစ်များ

Mateo 1:21

Mariapa warra t'õipɨ. Mãɨ warrapa ichi p'uurudepemarã ãchi nemietaadepema k'aripaipɨ. Mãɨpuru ichi t'ɨ̃ bɨse Jesú».

Mateo 20:28

Mãɨ jĩra mɨ, chi Ẽpẽra Warra chewẽa bɨma ẽpẽerã chi mɨ pae pari mimiapataɨrã padamẽrá. Mãɨpari mɨ che bɨma ẽpẽerã pae pari mimiaparí bai k'orea. Mãɨya mɨ piuipɨ ẽpẽerã minachia k'aripai k'orea.

Juan 1:35

Mãɨ norema Juan chi Porochoaparí mãicha arí basima. Mãɨnepa chi ichi ome p'ɨrrɨapataɨrã ume p'anasidama.

Juan 1:36

Mãɨne Juanpa Jesú ichi k'ait'a wãru unuk'ari jarasima: —¡Ak'ɨt'ɨ! Jãɨ jãma bɨt'a Tachi Ak'õre Oveja Chak'epɨ.

Juan 1:43

Norema Jesú Galilea tuadea wãi k'ɨ̃risiasima. Mãɨpuru P'elipe unusima. Unuk'ari jarasima: —Mɨa k'ɨ̃ria bɨma pɨ mɨ ome p'ɨrrɨait'a.

Juan 2:1

Ewari ũpeaɨde arapá miak'ãipataɨ ewari oosidama Caná p'uurude, Galilea ĩjũane. Jesú nae ichiaba mãma basima.

Juan 3:16

»Tachi Ak'õrepa ẽpẽerã minachia k'ɨ̃ria bɨ pẽra ichi Warra aba bɨt'a nãɨ ĩjũanea peesima jõma ichide ĩjãauta atuapidaemaapa, mãɨpari ichi ome ewaricha chok'ae p'ananamẽrá.

Juan 4:42

Ãchia wẽrá jarasidama: —Taipa abapuru pɨa jarada k'orea ĩjãa p'anɨwẽma, mãɨpari ĩjãa p'anɨma ichia jaratea bɨ ũrinana pẽra. Taipa k'awasidama ichi piarã nãɨ ĩjũanepemarã k'aripaparit'a.

Juan 6:51

Mɨ chi p'ana chok'ae bapiparí p'anapɨ, chi mãɨ p'ana ɨt'aripa chedapɨ. Parituapa mãɨ p'ana k'oipɨra ewaricha chok'ae baipɨ. Chi mɨa tea bɨ p'ana mɨ k'ak'uapɨ. Mɨa mɨ k'ak'ua teaipɨ, mãɨpa ẽpẽerã chok'ae p'ananamẽrá.

Hecho 13:39

Moisepa bɨdade bɨ bɨma Tachi Ak'õrepa chi tachia nemietá tachi k'ɨ̃ría oopataɨ k'ɨ̃risia atuaiwẽma. Maamina ãarea chi Jesude ĩjãauta Tachi Ak'õrepa nepɨra newẽa p'anɨane aparima. Mãɨt'a mãrá jara p'anɨma.

Hecho 8:32

Ichia Tachi Ak'õre pedeade eda jara bada nãɨ pasima: «Oveja peapataɨmá ateewãpata jĩra ara mãɨya ichi peade ateewãsidama. Chi k'ara t'ɨɨrude oveja k'ĩup'ea bapari jĩra, ara mãɨya ichi k'ĩup'ea beesima.

1 Corintio 15:3

Mɨa chi atepe piipará bɨt'u mãrá jarateasima, ara mɨa k'awada jĩra. Mãɨ nãɨpɨ: Cristo tachi nemietá k'orea piusima Tachi Ak'õre pedeade bɨ bɨ jĩra.

2 Corintio 5:21

Cristopa nemietá ook'a pasima. Maamina tachi k'orea Tachi Ak'õrepa ichi nemietá ooparí jĩra unusima. Mãɨya Cristodepa Tachi Ak'õre jĩp'a bɨt'a waapẽarã́ p'ue unupipatama.

Gálata 1:4

Chi mãɨ Jesucristopa ara ichi tachi nemietá k'orea itu peapisima nãɨ ewari mietaadepema k'aripai k'orea. Mãɨya oosima Tachi Pajãnepema Ak'õrepa k'ɨ̃riana pẽra.

Gálata 3:13

Moisepa bɨ bada jĩra oo p'anɨwẽ pẽra, nepɨra pará p'anɨane aima. Mãɨnepema Jesucristopa tachi k'aripasima. Ichit'a Tachi Ak'õrepa tachi k'ak'ua k'orea nepɨra paraapisima. Moisepa bɨdade nãɨya bɨ bɨma: «Chi pak'urude jira bɨdada, Tachi Ak'õrepa mãɨ nepɨra pará bɨade aipɨ».

1 Timoteo 2:6

Ara ichi itu peapisima jõma ẽpẽrarã k'aripa bai k'orea. Tachi Ak'õrepa bɨda ewaride mãɨ k'awapisima.

Tito 2:14

Tachi k'orea Jesucristopa ara ichi itu peapisima ãarea nemietaadepema k'aripai k'orea. Tachi ara ichi pae pia bɨsima ichi p'uurude p'ananamẽrá mãɨnepa nejõma pia oo k'ɨ̃ria p'ananamẽrá.

Hebreo 1:3

Ichi Warrapa Tachi Ak'õre k'ĩrawãrea achiterrea unupiparima. Ichiapuru Tachi Ak'õre sãmaasã́ bɨt'a k'awapiparima. Ichi pedea jua chaarea bɨdepa ne ãarea ooda ichi juade ara mãɨya uru bɨma. Ichia tachi nemietá oodada sɨɨk'ari Tachi Ak'õre chi auk'ará bɨ juaraari pajãne suak'abari beesima.

Hebreo 2:17

Ichi cheside ne ãareaɨne tachi jĩra basima waapẽarã k'ĩra chupuriaparí p'aare minachia k'awa bɨ pai k'orea. Piarã Tachi Ak'õre k'ĩrari p'aare minachia k'awa bɨ jõma chi arí ooparí beesima. Mãɨpa ara ichi itu peapisima ẽpẽerãpa nemietá oopataɨ Tachi Ak'õrepa k'ɨ̃risia atuamẽrá.

Hebreo 9:28

Ara mãɨ jĩra Cristopa bari k'ak'o aba ara ichi itu peapisima chok'araɨrãpa nemietá oodada ãyá bɨi k'orea. Ichi mãicha cheipɨ, maamina mãɨne cheiwẽma tachia nemietá oopataɨt'a ãyá bɨi k'orea. Mãɨpari cheipɨ ichi nɨ p'anɨrã k'aripai k'orea.

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.

1 Pedro 3:18

Cristo jĩp'a bɨmina nemietá k'orea bari k'ak'o aba mĩasima. Mãɨpa tachi chi jĩp'a bewẽ Tachi Ak'õre ome pia bɨsima. Ichi nãɨ k'ak'ua piusima, maamina Tachi Ak'õre Jaoredepa chok'ae p'irabarisima.

1 Juan 2:2

Ichi piusima Tachi Ak'õrepa tachi nemietá k'ɨ̃risia atuamẽrá. Abapuru tachi nemietá k'orea piué pasima, mãɨpari piusima jõma nãɨ ĩjũane p'anɨrã nemietá k'orea pida.

1 Juan 3:5

Maamina mãrapa k'awa p'anɨma Jesucristo nãɨ ĩjũanea chesit'a tachi nemietá ãyá bɨi k'orea. Ichi mi ãpia pida nemietá newẽma.

1 Juan 4:10

Mãɨ k'ɨ̃ria bɨt'a nãɨya bɨma: k'ɨ̃rianepa Tachi Ak'õrepa ichi Warra peesima piumẽrá tachi nemietá k'ɨ̃risia atuai k'orea. Tachi Ak'õrepa mãɨya ooé pasima tachia ichi k'ɨ̃ria p'anana pẽra, mãɨpari mãɨya oosima ichia tachi k'ɨ̃riana pẽra.

Apocalipsi 1:5

Mãɨnepa k'ɨ̃ria bɨma Jesucristo pida mãɨya oo bait'a. Ichia Tachi Ak'õre k'orea piarã jaraparima. Piu bada naa chok'ae p'irabarisima, ãarea nãɨ ĩjũanepema chi poro jũra jɨ̃parí jɨ̃ p'anɨrã k'aepẽra chi atepe bai k'orea. Mãɨpa tachi k'ɨ̃ria bɨma mãɨnepa ichi oadepa nemietaadepema k'aripasima.

Apocalipsi 12:11

Tachi ũpẽarãpa p'uesidama chi Oveja Chak'e oa ãrinanepa mãɨnepa ichia pedeade piarã ĩjãa bɨade a bɨdepa. Ãchi piudai p'anɨne wap'eadaé pasima, maawẽapuru chi Cristo pari piudayá p'anasima.

Apocalipsi 13:8

Mãɨne chi nãɨ ĩjũane ãareaɨrãpa mãɨ ãnimara minachia k'ɨ̃riasidama. Nãɨ ĩjũa ooi naena ãchi t'ɨ̃ chi Oveja Chak'e k'art'ade eda bɨ baé pasima. Mãɨ chi ewaricha chok'ae p'ananai k'art'ade ãchi t'ɨ̃ ãarea eda bɨ bɨma.

Apocalipsi 14:1

Mãɨya nak'ari mɨa unusima chi Oveja Chak'e chi Sión p'uuru eya ɨ̃rɨ bai nɨbɨt'a. Ichi ome 144 mil p'anasima. Ãchi tau bɨɨrɨde chi Oveja Chak'e t'ɨ̃ mãɨnepa ãchi Ak'õre t'ɨ̃ bɨ uru p'anasima.

Apocalipsi 14:10

Tachi Ak'õrepa k'ĩruupidepa mãɨ ẽpẽra minachia piawẽa ooipɨ uvaba asia k'ĩruu bɨdepa tearu jĩra. Mãɨ ẽpẽerã jõma Tachi Ak'õrepa ɨt'aripa peedaɨrã k'ĩrari mãɨnepa chi Oveja Chak'e k'ĩrari azup're uruapa mãɨnepa t'ɨpɨ taudepa minachia mĩa baipɨ.

Apocalipsi 14:4

Mãɨrã ẽpẽerã waidi wẽra oodak'a pasima. Tachi Ak'õremá mãɨrã ãpia pida nemietá newẽa p'anasima. Ãchia chi Oveja Chak'e ichi wãrumá ichi ome wãpatama. Tachi Ak'õrepa ãchi nãɨ ĩjũanepema k'aripasima, ichi pae mãɨnepa chi Oveja Chak'e pae p'ananamẽrá mãɨ chi ne uuda naa chauda ichiá teapata jĩra.

Apocalipsi 15:3

Mãɨ arpa chaautade Moisé chi Tachi Ak'õre pae pari mimiaparí k'arit'a mãɨnepa chi Oveja Chak'e k'arit'a k'arimaa p'anasima. Nãɨya k'arisidama: «Tai Chipari, chi Ne Ãarea P'ue Bɨ Tachi Ak'õre, pɨa oo bɨ waibɨa bɨma. Pɨa oo bɨ k'orea ẽpẽerãpa k'awa k'ɨ̃risiadawẽa p'anapatama. Jõmãɨrã Poro Jũra Jɨ̃parí Jɨ̃ bɨ, pɨa oo bɨt'a jĩp'a bɨma mãɨnepa pɨ pedea aba piarã bɨma.

Apocalipsi 17:14

Mãɨne ãchi Oveja Chak'e ome k'ĩruunaipɨ. Maamina chi Oveja Chak'epa ãchi p'ueipɨ ichi jõmãɨrã poro jũra jɨ̃parí jɨ̃ p'anɨrã k'aepẽra chi Atepe Bɨ pẽra, mãɨnepa jõmãɨrã chiparirã k'aepẽra chi Atepe Bɨ pẽra. P'uerude chi ichide minachia ĩjãa p'anɨ ichi ome p'ananaipɨ. Ãchi t'ɨ̃k'ari maapae jɨrɨ atasima».

Apocalipsi 19:7

¡Arapaadaipɨ! ¡Arapaadaipɨ! Ichit'a chi Atepe bɨade adaipɨ, chi Oveja Chak'e miak'ãipataɨ ewari cheda pẽra. Ichi k'ima pai bɨ k'ak'apiasima.

Apocalipsi 19:9

Tachi Ak'õrepa ɨt'aripa peedapa mɨá jarasima: «K'art'ade nãɨya bɨse: “¡Oveja Chak'e miak'ãipataɨ ewari nek'opataɨmá chi t'ɨ̃naanãɨrã minachia pia p'anɨma!”» Mãɨnepa jarasima: «Mãɨ piarã pedea Tachi Ak'õrepa jaradapɨ».

Apocalipsi 21:14

Mãɨ p'uuru audu jũk'a bɨ doce mawara ɨ̃rɨ basima. Mawaracha chi Oveja Chak'epa doce peedaɨrã t'ɨ̃ aba bɨ basima.

Apocalipsi 21:27

Maamina ãarea chi Tachi Ak'õrepa pia unuk'apɨ́ chi p'uurude eda p'ue ateewãnaiwẽma. Chi nemietá oopataɨrã mãɨnepa chi seajarapataɨrã eda wãnaiwẽma. Abapuru chi ewaricha chok'ae p'ananai k'art'ade chi t'ɨ̃ bɨ berã mãɨrã p'ue eda wãnaipɨ. Mãɨ k'art'a chi Oveja Chak'epa uru bɨma.

Apocalipsi 21:9

Maapae Tachi Ak'õrepa ɨt'aripa peedaɨrã p'arat'u jãjoa be siete uru p'anananepema aba mɨmá chesima. Mãɨ Tachi Ak'õrepa ɨt'aripa peedaɨrãpa ãchi p'arat'u jãjoa bede ne siete uru p'ananapa nãɨ ĩjũane be k'aadea minachia mĩapisidama. Chi mɨmá chedapa nãɨya jarasima: «Wãnama. Mɨa chi Oveja Chak'epa k'ima atait'a unupiipɨ».

Apocalipsi 5:6

Mãɨne chi suak'a beeparí auk'ará bɨ taade, chi ẽpẽra jĩra k'ĩmari chok'ae p'anɨ mãɨnepa chi chõarã cuatro p'anɨ estarik'a mɨa Oveja Chak'e bai nɨbɨt'a unusima. Ichi chi peasida jĩra basima. K'achu siete uru basima. Mãɨnepa tau siete uru bɨma. Mãɨ tau siete p'anɨpa jara k'ɨ̃ria p'anɨma chi Tachi Ak'õre naa jaore k'ak'o siete p'anɨt'a. Tachi Ak'õrepa ãchi ãarea nãɨ ĩjũane p'ueparima.

Apocalipsi 5:8

Mãɨ k'art'a jitak'ari chi ẽpẽra jĩra k'ĩmari chok'ae berã mãɨnepa chi chõarã veinticuatro berã ichi naa sĩraporode bari k'op'aneesidama. Ãchi k'ak'awá arpa uru p'anasima mãɨnepa p'arat'u jãjoa bɨ nee ooda uru p'anasima. Chi p'arat'u jãjoa bɨ ãchia incienso k'era ipiru uru p'anasima. Chi incienso k'era jara k'ɨ̃ria bɨma chi ẽpẽerã Tachi Ak'õrenerãpa ichiá ɨt'aa chiidi p'anɨt'a.

Apocalipsi 6:1

Mãɨne mɨa unusima chi Oveja Chak'epa chi k'art'ade k'ara bada aba oet'asit'a. Mãɨnepa chi ẽpẽra jĩra chok'ae be k'ĩmari p'anɨnepema chi abaɨpa nãɨya jara bɨt'a ũrisima: «¡Chese!» Chi pedea pa pedea jĩra basima.

Apocalipsi 6:16

Nãɨya jarasidama: «Eya, mawara, tai ɨ̃rɨ baet'ɨ. Tai mẽrat'ɨ chi suak'a beeparí auk'ará bɨde suak'abari bɨa tai unupiemaapa, mãɨnepa chi Oveja Chak'ea ɨtɨapiemaapa.

Apocalipsi 7:14

Mɨa p'anoosima: “Pɨapuru k'awa bɨma”. Mãɨne ichia jarasima: —Nãɨ ẽpẽerã chi k'aadeapema ewari minachia nemietá bɨdepema k'aripasima. Chi Oveja Chak'e oadepa ãchi neet'á t'ot'oa sɨɨ p'anasidama.

Apocalipsi 7:17

Chi suak'a beeparí auk'ará bɨde Oveja Chak'epa ãchi ak'ɨ baipɨ. Ãchi ateewãipɨ chi pania tachi chok'ae bapiparí t'ɨ nɨbɨmá mãɨ todamẽrá. Mãɨ ewaride Tachi Ak'õrepa ãchi tauba ãarea p'oapiipɨ.