Hecho 8:5 - Tachi Ak'õre Pedea

⁵ P'elipe Samaria tuade p'uuru aba bɨdea wãsima. Mãma jarateapachima Jesú Tachi Ak'õrepa Tachi K'aripaparí teai jaradat'a.

Hecho 8:5 ပူးပေါင်းရင်းမြစ်များ

Hecho 1:8

Maamina Tachi Ak'õre Jaore mãra ome beede cherude, mãrapa ichi jua chaarea jitadaipɨ. Mãɨpa mãrapa Jerusalene, ãarea Judea mãɨnepa Samaria tuade mãɨnepa tua t'ɨmɨa bede mɨ k'orea pedeadaipɨ.

Hecho 21:8

Norema wãnak'ari Cesarea p'uurude chesidama. Mãma P'elipe tede p'aneesidama. Mãɨ P'elipe chi pedea pia Jesú k'orea jaraparí pasima. Ũpẽarã k'aripapataɨrã siete jɨrɨ atadaadadepema pasima.

Hecho 5:42

Ewaricha jarapachidama chi pedea pia Jesú Tachi Ak'õrepa Tachi K'aripaparí teai jarada k'orea. Mãɨ jarateapachidama Tachi Ak'õre tede mãɨnepa techa.

Hecho 6:5

Ãchia jaradada ãareaɨrãpa pia ũrisidama. Mãɨpuru Esteban jɨrɨ atasidama. Mãɨ Estebanpa Jesude minachia ĩjãa basima; Tachi Ak'õre Jaore minachia uru basima. Ichi awara P'elipe, Procoro, Nicanor, Timón, P'armena, mãɨnepa Nicolá Antioquía p'uurudepema jɨrɨ atasidama. Mãɨ Nicolá griego pasima maamina judio jĩra bapachima.

Hecho 8:1

Saulopa chi Esteban peadada k'orea pia unusima. Mãɨne waapẽarã Tachi Ak'õre wap'ea berãpa Esteban t'ɨbaridak'ari, ichi k'orea minachia jẽa p'aneesidama. Mãɨ ewaride ẽpẽerãpa Jerusalene Jesude ĩjãapataɨrã minachia mĩapi p'aneesidama. Mãɨpuru chi Jesude ĩjãapataɨrã ãarea Judea tuadea mãɨnepa Samaria tuadea mĩruwãsidama. Chi Jesupa peedaɨrã Jerusalene p'aneesidama.

Hecho 8:26

Mãɨya nak'ari Tachi Chipari ɨt'aripa peeda aba P'elipemá chek'ari nãɨya jarasima: «¡P'irabarise! Jerusalenepa Gaza p'uurudea wãpataɨ ode wãse». (Mãɨ o ĩjũa pania newẽa bɨde wã bɨma).

Hecho 8:30

Ara mãɨne ará p'ira wãk'ari ũrisima mãɨ Etiopiadepema ẽpẽrapa chi Tachi Ak'õre pari pedeaparí Isaía k'art'a eda jara bɨt'a. Mãɨne P'elipepa idisima: —¿Pɨa eda jara bɨt'a ũri bɨk'ãra?

Hecho 8:40

Mãɨne P'elipe Azoto p'uurude pasima. Maapae p'uurucha chi pedea pia Jesú k'orea jarade wãsima Cesarea p'uurude cherudea.

Hecho 8:6

P'elipepa jara bɨt'a ũrisidaɨde mãɨnepa ẽpẽerãpa ne p'ue oodak'apɨ́ oo bɨt'a unusidaɨde ãareaɨrãpa pia ũri tuanapachidama.

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

1 Corintio 1:23

Maamina taipa Cristo k'urusude piuda jaratea p'anɨma. Mãɨ pedea judiorãpa pia ũrinak'ama. Judiorãwẽpa mãɨ piawẽa bɨ k'ɨ̃risiapatama.

1 Corintio 2:2

Mãra t'ãena baside mɨa abapuru Jesucristo k'orea mãɨnepa ichi k'urusude peadada k'awapi k'ɨ̃ria basima.

1 Corintio 3:11

Jesucristo chi te tĩitaupẽra waa p'ue awara bɨdaiwẽa bɨma.