Hecho 7:8 - Tachi Ak'õre Pedea

⁸ »Maapae Tachi Ak'õrepa Abrahán ome pedea ausidama, chi ichidepa cheutarã k'ak'ua tauchaadamẽrá, Tachi Ak'õrené k'awapidai k'orea. Mãɨpuru ichi warra Isá t'õk'ari ewari k'ak'o ocho pa bɨde chi warra k'ak'ua tauchaasima. Mãɨya bak'ari, Isapa ichi warra Jacobo ara mãɨya abarik'a oosima. Mãɨya bak'ari Jacopa chi warrarã doce p'anɨrã sida ara mãɨya abarik'a oosima.

Hecho 7:8 ပူးပေါင်းရင်းမြစ်များ

Mateo 1:2

Abrahán Isá ak'õre pasima. Isá Jacó ak'õre pasima. Jacó Judá ak'õre pasima mãɨnepa ichi ũpẽarã sida.

Juan 7:22

Maamina mãra sida mimianak'apɨ́ ewaride ne oopatama. Ɨmɨk'ĩra k'ak'ua tauchaapatama Moisepa bɨda jĩra. (Piarã mãɨ oopataɨ Moisedepa cheé pasima, mãɨpari mãra chõarãenapemanepa chesima).

Hecho 2:29

»Mɨ ũpẽarã judiorã, mɨa piarã jararuma: tachi chõarãenapema Daví piuk'ari ichi t'ɨbarisidama mãɨnepa ichi jãɨrã te uria tachia wapida unupatama.

Romano 4:10

Maamina ¿Tachi Ak'õrepa ichi sãmaasã́ nepɨra newẽa bɨade a jarasima? ¿Nepɨrawẽa bɨade a jarasik'ãra ichi k'ak'ua tauchaak'ari wa tauchaai naena? Piarã ichi k'ak'ua tauchaai naena Tachi Ak'õrepa ichi nepɨra newẽa bɨade a jarasima.

Gálata 3:15

Ũpẽarã, mɨa ne jara bɨdepa pedearuma: ẽpẽrapa waapẽarã ome pedea auda k'art'ade bɨk'ari ichi t'ɨ̃ mãɨ k'art'ade bɨsira, mi ãpia pida mãɨ pedea bɨda p'ue ãyá bɨdaiwẽma, mãɨnepa k'ɨ̃risia awara p'ue eda bɨdaiwẽma.

Gálata 3:17

Mɨa nãɨya jara bɨma: Tachi Ak'õre Abrahán ome pedea ausima. 430 ãyo wãyá pak'ari Moisea ichia bɨda bɨpisima. Maamina chi ichi Abrahán ome naa pedea auda, mãɨ Moisepa bɨda ãyá bɨé pasima. Ãyá bɨdapara ichia k'aripayade ada ooiwẽ pasima.

Hebreo 7:4

¡Melkisedé k'orea minachia k'ɨ̃risiat'ɨ! Ichi piarã chi atepe basima. Tachi chõarãenapema chi atepe bɨ Abrahanpa k'ĩruu bak'ari chi ẽemarinanepema ichiá teasima. Diez joisiarucha aba teasima.