Hecho 7:32 - Tachi Ak'õre Pedea

³² Tachi Ak'õrepa ichiá nãɨya jarasima: “Mɨ chi pɨ chõarãenapemarã Ak'õrepɨ, Abrahán Pajãnepema Ak'õrepɨ, Isá Pajãnepema Ak'õrepɨ mãɨnepa Jacobo Pajãnepema Ak'õrepɨ”. Mãɨ ũriside Moisé ne wap'eapa ore nɨbeesima. Mãɨpuru ará ak'ɨi wap'ea basima.

Hecho 7:32 ပူးပေါင်းရင်းမြစ်များ

Mateo 17:6

Mãɨ ũrisidaɨde ne wap'eapa jeeda barrobari p'aneesidama.

Mateo 22:32

Nãɨya jarasima: “Mɨ Abrahán Pajãnepema Ak'õrepɨ, Isá Pajãnepema Ak'õrepɨ mãɨnepa Jacobo Pajãnepema Ak'õrepɨ”. Ichi chi piudaadarã Ak'õrewẽma, mãɨpari chi chok'ae berã Pajãnepema Ak'õrepɨ.

Mateo 22:46

Mãɨne abaɨ pida Jesua p'ue p'anoonaé pasima. Ara mãmãɨpa abaɨ pida Jesua waa ne ididai k'ɨ̃rianaé pasima.

Luca 5:8

Simón Pedropa ichi ome p'anɨ pida beta chok'ará peadada unusidaɨde k'awa k'ɨ̃risiadaé pasima. Santiago mãɨnepa Juan ichi ome basima. Ãchi Zebedeo warrarã pasima. Mãɨne Simón Jesú taade wãk'ari sĩraporode k'obeek'ari jarasima: —Mɨ Chipari, pia bɨma pɨ mɨk'aapema ãyá wãit'a, mɨ nemietá oopari pẽra. Jesupa Simonoa jarasima: —P'erarãse, idiipa waa pɨ mɨ pae ẽpẽerã jɨrɨparí paipɨ.

Hecho 3:13

Chi Abrahán Pajãnepema Ak'õre, Isá Pajãnepema Ak'õre, Jacobo Pajãnepema Ak'õre mãɨnepa ãarea tachi chõarãenapemarã Pajãnepema Ak'õre, mãɨpa chi ichi pae pari mimiaparí Jesú chi atepe bɨ bɨsima. Ara mãɨ Jesut'a mãrapa Pilatoa teasidama, peamẽrá. Pilatopa mãɨ ãjã́ pari bɨ k'ɨ̃ria badamina mãrapa ichi taade ichi ietasidama.

Hecho 7:31

Moisepa mãɨ unuside k'awa k'ɨ̃risiaé pasima. Mãɨpuru ará orrobarisima pia ak'ɨi k'orea. Mãɨne Tachi Chipari pedea ũrisima.

Hebreo 11:16

Maamina tua piipará bɨ pajãne bɨt'a k'ɨ̃ria p'anasidama. Mãɨpuru Tachi Ak'õre p'erak'ama ichi ãchi Ak'õrene autade. Ichia p'uuru ãchi pae oo uru bɨma.

Apocalipsi 1:17

Ichi unuside ne wap'eapa mɨ ichi jĩru k'ait'a piuda jĩra jeeda baesima. Maamina ichi juaraara mɨ ɨ̃rɨ bɨk'ari jarasima: «Ne wap'earãse. Mɨ chi naapemapɨ mãɨnepa chi k'aadeapemapɨ.