Hecho 6:9 - Tachi Ak'õre Pedea

⁹ Mãɨne waapẽarã judiorã Cirene tuadepema mãɨnepa Alejandría p'uurudepema p'anasidama. Chi judiorã ará pedeapataɨ te “Chi Ãjã́ Pari P'anɨrã” apachidama. Waapẽarã judiorã Cilicia ĩjũanepema mãɨnepa Asia ĩjũanepema p'anasidama. Ãarea mãɨ judiorã Esteban ome k'ĩruu pedea tuaneesidama.

Hecho 6:9 ပူးပေါင်းရင်းမြစ်များ

Mateo 10:17

Ẽpẽrarã t'ãena jĩrak'aua p'anat'ɨ. Ãchia mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ.

Mateo 23:34

Mɨa Tachi Ak'õre pari pedeapataɨrã, k'ɨ̃risia k'awa berã mãɨnepa Moisepa bɨda jarateapataɨrã mãramá peeipɨ. Maamina mãrapa chi eda waapẽarã peadaipɨ mãɨnepa chi eda waapẽarã k'urusude barijira bɨdaipɨ. Waapẽarã mãra judiorã ará pedeapataɨ tede soapa p'edaipɨ mãɨnepa p'uurucha ẽp'ẽnaipɨ.

Mateo 27:32

Mãmãɨpa wãsidaɨde papaká berãpa ẽpẽra Simón apataɨ unusidama. Ichi Cirene p'uurudepema pasima. Ãchia mãɨ Simonoa Jesú k'urusu uapisidama.

Marco 13:9

»Jĩrak'aua p'anat'ɨ. Mãra chi ak'ɨpataɨrãmá ateewãnak'ari maapae judiorã ará pedeapataɨ tede soapa p'edaipɨ. Mɨne ĩjãa p'anɨ k'orea ãchia mãra chi poro chaarearã k'ĩrari mãɨnepa chi poro jũra jɨ̃parí jɨ̃ p'anɨrã k'ĩrari ateewãnaipɨ. Mãɨne mãrapa mɨ k'orea ãchi k'ĩrari pedeadaipɨ.

Luca 21:12

»Maamina mãɨ naena mãra ẽp'ẽnaipɨ mĩapidai k'orea. Waapẽarã jitadak'ari judiorã ará pedeapataɨ tedea ateewãnaipɨ. Maapae ak'ɨdak'ari eda jɨ̃a nɨbɨpidaipɨ. Ichiaba mɨne ĩjãa p'anɨ k'orea mãra chi tua chaarearã k'ĩrari mãɨnepa chi minachia k'awa p'anɨrã k'ĩrari ateedaipɨ.

Hecho 11:20

Mãɨya p'anɨne chi eda waapẽarã Jesude ĩjãapataɨrã Chipredepema mãɨnepa Cirene p'uurudepema Antioquiadea p'aneene wãsidama. Mãɨrãpa griegorã́ pida chi pedea pia Tachi Chipari Jesú k'orea jara p'aneesidama.

Hecho 13:1

Ũpẽarã Antioquía p'uurudepema t'ãena Tachi Ak'õre pari pedeapataɨrã mãɨnepa jarateapataɨrã p'anasima. Bernabé, Saulo, Lucio Cirenenepema mãɨnepa Simón basima. Simón ɨ̃ana t'ɨ̃ «Chi P'aimá» apachidama. Manaén sida basima. Ichi Galilea tuadepema chi poro jũra jɨ̃parí jɨ̃ bɨ Herode ome tausia warisima.

Hecho 13:45

Maamina chi judiorã chaarearãpa ẽpẽerã minachia nɨbɨ ãchi tede unusidaɨde Pablo k'orea sõpiawẽa tuaneesidama. Pablopa jaratea bɨde ãchia seaade apachidama mãɨnepa Pablo k'orea piawẽa pedeapachidama.

Hecho 15:23

Ãchi ome k'art'a nãɨya bɨdak'ari tea peesidama: Jesupa peedaɨrãpa, ũpẽarã ak'ɨpataɨrãpa mãɨnepa ãarea ũpẽarã pida nãɨ k'art'a bɨutama ũpẽarã judiorãwẽ Antioquía p'uurudepema pae, Siria tuadepema pae mãɨnepa Cilicia tuadepema pae. Taipa k'ɨ̃ria p'anɨma mãra pia p'ananait'a.

Hecho 15:41

Maapaepuru wãsidama. Siria tuade mãɨnepa Cilicia tuade p'ɨrrɨautade p'uurucha ũpẽarã k'aripapachidama Tachi Chipari pia ĩjãanamẽrá.

Hecho 16:6

Pablo mãɨnepa chi ichi ome nipadada P'rigia tuade mãɨnepa Galacia tuade p'ɨrrɨa wãsidama Tachi Ak'õre Jaorepa chi pedea Jesú k'orea Asia tuade itu jarapidawẽ pẽra.

Hecho 18:24

Mãɨmisa judio Apolo apataɨ Ép'eso p'uurude chesima. Mãɨ Apolo Alejandría p'uurudepema pasima. Ichia nepia pedeapachima mãɨnepa Tachi Ak'õre k'art'a sida minachia k'awa basima.

Hecho 19:10

Ãyo k'ak'o ume mãɨya oosima. Mãɨya ãarea Asia tuadepema judiorãpa mãɨnepa judiorãwẽpa Tachi Chipari Jesú k'orea ũrisidama.

Hecho 19:26

Maamina mãrapa unu p'anɨma mãɨnepa ũri p'anɨma jãɨ Pablopa juapa oodada sãdo Tachi Ak'õre chi piarãwẽane a bɨt'a. Ichia nãɨ Ep'esode mãɨnepa perá ãarea Asia tuade ara mãɨya jara nipaparima. Mãɨpuru minachia ẽpẽerãpa Artemisa itu bɨutama.

Hecho 21:27

Maamina siete ewari pamaa bɨde chi eda waapẽarã judiorã Asia tuadepema Tachi Ak'õre te eda p'anasidama. Mãɨ judiorãpa Pablo unusidaɨde ẽpẽerã ãarea arí p'anɨ k'ĩruupik'adak'ari Pablo jitasidama.

Hecho 21:39

Mãɨne Pablopa jarasima: —Mãɨyawẽma, mɨ judiopɨ. Cilicia tuadepemapɨ. Tarso p'uuru atepe bɨde t'õsima. Mɨ chichupuria p'uuru k'ĩrari itu pedeapise.

Hecho 22:19

Mɨa nãɨya p'anoosima: “Maamina, mɨ Chipari, ãchia minachia k'awa p'anɨma naena mɨ judiorã ará pedeapataɨ techa wãk'ari chi pɨde ĩjãapataɨrã jitak'ari p'epachima mãɨnepa chi jɨ̃a nɨbɨpataɨ tede eda jɨ̃a nɨbɨpipachima.

Hecho 22:3

«Mɨ judiopɨ. Cilicia tuade Tarso p'uurude t'õsima. Maamina mɨ nãma Jerusalene warisima. Jarateaparí Gamalielpa mɨá ãarea tachi chõarãenapemarã Moisepa bɨdat'a minachia jarateasima. Mɨa Tachi Ak'õrene minachia ĩjãa bapachima mãrapa ĩjãapata jĩra.

Hecho 23:34

Mãɨ k'art'a ak'ɨk'ari chi atepe poro chaarea bɨpa Pabloa idisima sãmapema k'awayá. Pablo Cilicia ĩjũanepema k'awaside nãɨya jarasima: «Chi pɨ nepɨra pará bɨade apataɨrã chedak'ari mɨa pɨá ũriipɨ». Maapae ichia chi papaká berã́ jarasima Pablo chi Herodepa oopida te atepe bɨdea ateewãnak'ari, ãchia mãma ak'ɨdamẽrá.

Hecho 24:18

Mãɨya bɨde chi Tachi Ak'õre k'ĩrari pia bai k'orea mɨa jõma ooside, Tachi Ak'õre te minachia bɨde chi Asiadepema judiorãpa mɨ unusidama. Maamina ẽpẽra minachia cheepɨrɨdaé pasima mãɨnepa ẽpẽerã k'ĩruupik'adaé pasima.

Hecho 26:11

Judiorã ará pedeapataɨ techa mɨa ãchi ɨtɨapipachima. Bari k'ak'o minachia ãchiá Jesú k'orea k'achia pedeapisima. Mɨ ãchi ome minachia k'ĩruu bada pẽra tua awaraɨdepema p'uurude pida ẽp'ẽpachima.

Hecho 6:10

Maamina ãchia Esteban p'uedaé pasima, ichi Tachi Ak'õre Jaore k'ɨ̃risiadepa pedeapachi pẽra.

1 Corintio 1:20

Piarã Tachi Ak'õrepa nãɨ ĩjũanepema k'ɨ̃risia piawẽa bɨ k'awapisima. Mãɨpuru ¿chi minachia k'awa berã k'ãasãasidama? ¿Chi Moisepa bɨda jarateapataɨrã k'ãasãasidama? ¿Chi nãɨ ewaride k'ɨ̃risiadepa pedeapataɨrã k'ãasãasidama?

Gálata 1:21

Jerusalenea wãk'ari mɨ Siria tuadea mãɨnepa Cilicia tuadea wãsima.