Hecho 5:42 - Tachi Ak'õre Pedea

⁴² Ewaricha jarapachidama chi pedea pia Jesú Tachi Ak'õrepa Tachi K'aripaparí teai jarada k'orea. Mãɨ jarateapachidama Tachi Ak'õre tede mãɨnepa techa.

Hecho 5:42 ပူးပေါင်းရင်းမြစ်များ

Luca 21:37

Jesupa Tachi Ak'õre te eda ãsã jaratea bak'ari teamasi Olivo eyadea wãpachima.

Luca 22:53

Ewaricha mɨ Tachi Ak'õre te eda mãra t'ãena badamina jitadak'a pasima. Maamina piarã nãɨena Tachi Ak'õrepa tiorea itu p'uepi bɨma. Mãɨya mãrapa oo k'ɨ̃ria p'anɨt'a oo p'anɨma.

Hecho 11:20

Mãɨya p'anɨne chi eda waapẽarã Jesude ĩjãapataɨrã Chipredepema mãɨnepa Cirene p'uurudepema Antioquiadea p'aneene wãsidama. Mãɨrãpa griegorã́ pida chi pedea pia Tachi Chipari Jesú k'orea jara p'aneesidama.

Hecho 13:32

»Ara mãɨ jĩra taipa nãɨ pedea pia bɨt'a jara p'anɨma: Tachi Ak'õre tachi chõarãenapemarã ome pedea ausima mãɨnepa tachi, chi ãchidepema ununaanarã mãɨ pedea auda ãarea oosima. Jesú chok'ae p'irabaripisima salmo umene bɨ bɨ jĩra. Nãɨya jara bɨma: “Pɨ mɨ Warrapɨ. Idi pɨ mɨ Warraade aruma”.

Hecho 17:18

Chi eda waapẽarã ẽpẽerã epicureorã k'ɨ̃risia ĩjãa berã mãɨnepa estoico k'ɨ̃risia ĩjãa berã mãma p'anasidama. Mãɨ ẽpẽerã Pablo ome pedea p'anɨne chi eda waapẽarãpa ara ãchi tuaba idi tuanasidama: «¿K'ãret'a jara bɨma nãɨ chi minachia pedeaparipa?» Awaraɨrãpa p'anoosidama: «Taimá, tua awaraɨdepema Tachi Ak'õre k'orea jaratea bɨma». Mãɨya jarasidama Pablopa chi pedea pia Jesú k'orea mãɨnepa tachi chok'ae p'irabaridai k'orea jaratea bada pẽra.

Hecho 17:3

Ichia pia jarateapachima Tachi Ak'õrepa Tachi K'aripaparí teai jarada mĩa bai basit'a mãɨnepa piuk'ari chok'ae p'irabarii basit'a. Mãɨ awara nãɨya jarapachima: «Mɨa mãrá jara bɨma Jesú piarã Tachi Ak'õrepa Tachi K'aripaparí teai jaradapɨ».

Hecho 2:46

Ewaricha Tachi Ak'õre te eda ará p'anapachidama mãɨnepa ũpẽarã techa sõpiadepa arapá nek'opachidama.

Hecho 20:20

Maamina mɨa ãareaɨrã k'ĩrari mãɨnepa mãra techa mãra k'aripai k'orea jaratea bapachima. Mi ãpia pida jarateai amaa bak'a pasima.

Hecho 4:20

Chi taipa ununana mãɨnepa ũrinana p'ue jaradaiwẽa p'anɨma.

Hecho 4:29

»Naapae Tai Chipari, chi jãɨrã judiorã chaarearãpa taiyá nemietá oopidayá p'anɨ k'orea k'ɨ̃risiak'ari, taiyá pɨ pedea ne wap'eawẽa jarapise. Mãɨ tai chi pɨ pae pari mimiapataɨrãpɨ.

Hecho 8:35

Ara mãɨne P'elipepa mãɨ pedeadepa chi pedea pia Jesú k'orea jaratea beesima.

Hecho 8:5

P'elipe Samaria tuade p'uuru aba bɨdea wãsima. Mãma jarateapachima Jesú Tachi Ak'õrepa Tachi K'aripaparí teai jaradat'a.

Hecho 9:20

Mãɨne judiorã ará pedeapataɨ te p'anɨrãmá wãrune ichia jaratea beesima Jesú piarã Tachi Ak'õre Warra k'orea.

1 Corintio 2:2

Mãra t'ãena baside mɨa abapuru Jesucristo k'orea mãɨnepa ichi k'urusude peadada k'awapi k'ɨ̃ria basima.

Gálata 1:16

ichi Warra mɨá k'awapisima judiorãwẽa ichi k'orea jaramẽrá. Mãɨne mɨa abaɨmá pida idié pasima sãmaasã́ ooi bɨ k'awai k'orea.

Gálata 6:14

Maamina mɨt'u mãɨya bɨwẽma. Mɨ k'orea mi ãpia pida pia pedeawẽma. Mãɨpari abapuru Tachi Chipari Jesucristo k'urusude piuda k'orea pia pedeaipɨ. Cristo k'urusude piuda pẽra chi nãɨ ĩjũanepemarãpa pia unupataɨ, mɨmá ãarea piusima. Mãɨnepa nãɨ ĩjũane berãmá mɨ piusit'a.

2 Timoteo 4:2

Tachi Ak'õre Pedea jaratea base. Ẽpẽrarãpa ũri k'ɨ̃ria p'anɨne mãɨnepa ũri k'ɨ̃riawẽa p'anɨne jarateai k'orea base. Piawẽa oo be jĩp'a oo k'awapise. Nemietá oo be ɨtɨase. Mãɨnepa ũpẽarã k'aripase pia ĩjãanamẽrá. Jõma choa bɨdepa, jĩrak'aua jaratea bɨdepa mãɨya oose.