Hecho 5:30 - Tachi Ak'õre Pedea

³⁰ Mãrapa Jesú k'urusude barijira bɨk'ari peasidama. Maamina mãrapa peadada tachi chõarãenapemarã Ak'õrepa mãɨ chok'ae p'irabaripisima.

Hecho 5:30 ပူးပေါင်းရင်းမြစ်များ

Luca 1:72

Mãɨya ooipɨ tachi chõarãenapemarã́ k'ĩra chupuriayade ada pẽra ichiaba ãchi ome pedea bɨda jõma ooyade ada pẽra.

Hecho 10:39

Judiorã tuade mãɨnepa Jerusalén p'uurude Jesupa ooda taipa ãarea unusidama. Ichia nepia oodamina judiorãpa k'urusude barijira bɨk'ari peasidama.

Hecho 2:32

»Davipa jarada jĩra Tachi Ak'õrepa Jesú piu bada chok'ae p'irabaripisima. Taipa ãarea mãɨ unusidama.

Hecho 22:14

Maapae Ananiapa jarasima: “Tachi Ak'õre tachi chõarãenapema ome badapa pɨ jɨrɨ atasima ichia k'ɨ̃ria bɨt'a k'awamẽrá, chi Jĩp'a Bɨt'a unumẽrá mãɨnepa ichia pedearut'a ũrimẽrá.

Hecho 3:26

Tachi Ak'õrepa chi ichi pae pari mimiaparí Jesú chok'ae p'irabarik'ari naa mãramá peesima k'aripamẽrá. Machicha k'aripa bɨma mãrapa nemietá oopataɨ itu bɨdamẽrá».

Gálata 3:13

Moisepa bɨ bada jĩra oo p'anɨwẽ pẽra, nepɨra pará p'anɨane aima. Mãɨnepema Jesucristopa tachi k'aripasima. Ichit'a Tachi Ak'õrepa tachi k'ak'ua k'orea nepɨra paraapisima. Moisepa bɨdade nãɨya bɨ bɨma: «Chi pak'urude jira bɨdada, Tachi Ak'õrepa mãɨ nepɨra pará bɨade aipɨ».

1 Pedro 2:24

Cristopa tachi nemietá ichi ɨ̃rɨ k'urusude ateewãsima tachi nemietaadepema piudak'ari jĩp'a p'ananamẽrá. Ichi k'ak'ua p'uak'oa p'anasidaɨdepa mãra jɨpa p'aneesidama.