Hecho 5:12 - Tachi Ak'õre Pedea

¹² Mãɨ ewaride Jesupa peedaɨrãpa ẽpẽerãpa ne p'ue oodak'apɨ́ minachia ook'oapachidama. Abarik'a k'ɨ̃risiadepa ũpẽarã ãarea Tachi Ak'õre te ãpɨtea p'ɨrrɨapataɨ Salomoné apachidaɨde ará posoa p'anapachidama.

Hecho 5:12 ပူးပေါင်းရင်းမြစ်များ

Marco 16:20

Maapae chi Jesú ome p'ɨrrɨapataɨrãpa ichi pedea ãchi wãutacha jarasidama. Tachi Chiparipa ãchi k'aripapachima. Ẽpẽerãpa ne p'ue oodak'apɨɨrã oopi bɨdepa k'awapipachima ãchia jara p'anɨ piarãt'a.

Juan 10:23

Tachi Ak'õre te ãpɨtea p'ɨrrɨapataɨde Jesú p'ɨrrɨa basima. Mãɨ p'ɨrrɨapataɨ Salomoneane apachidama.

Juan 4:48

Jesupa ichiá jarasima: —Mãrapa ẽpẽerãpa ne p'ue oodak'apɨ́ ununaepɨra mɨa jara bɨde ĩjãanaiwẽma.

Hecho 1:14

Ãchi ãarea, Jesú ũpẽarã ome, ichi nae María ome mãɨnepa waapẽarã wẽrarã ome pida abarik'a k'ɨ̃risia p'anɨnepa ará p'anasidama, Tachi Ak'õrea ɨt'aa chiididai k'orea.

Hecho 14:3

Maamina Pablo mãɨnepa Bernabé mãma tãaraa p'anasidama. Tachi Chiparipa k'aripa bɨ sõnepa ĩjãa p'anɨ pẽra ichi k'orea ne wap'eawẽa jarateapachidama. Mãɨne Tachi Chiparipa ãchiá jua chaarea teasima ẽpẽerãpa ne p'ue oodak'apɨ́ oodamẽrá. Mãɨya k'awapisima ichi sõpiadepema ãchia jaratea p'anɨ piarãt'a.

Hecho 16:18

Ichia ewari minachia mãɨya jĩk'ua jara nipada pẽra Pablo sẽsima. Ichimá ak'ɨk'ari chi jaore mietá uru bɨa jarasima: —Mɨa Jesucristo t'ɨ̃nepa pɨá jararuma: nãɨ ãwẽranepema ãyá wãse. Ara mãɨne chi jaore mietá wãsima.

Hecho 19:11

Tachi Ak'õrepa minachia ẽpẽerãpa ne p'ue oodak'apɨ́ waibɨa Pablodepa oopachima.

Hecho 2:46

Ewaricha Tachi Ak'õre te eda ará p'anapachidama mãɨnepa ũpẽarã techa sõpiadepa arapá nek'opachidama.

Hecho 28:9

Mãɨpuru waapẽarã k'ɨdade be chedak'ari Pablopa jɨpa beepisima.

Hecho 3:11

Ẽpẽra bɨɨrɨ sorek'ea badapa Pedro mãɨnepa Juan k'ẽet'awẽa ãchi ome basima. Ãchi Tachi Ak'õre te ãpɨtea p'ɨrrɨapataɨde p'anasidama. Mãɨ Salomoneane apatama. Ãareaɨrãpa k'awa k'ɨ̃risiadawẽa p'anɨ pẽra ãchimá p'ira wãsidama.

Hecho 4:30

Pɨ jua chaarea bɨdepa chi k'ɨdade berã jɨpa beepise mãɨnepa chi pɨ pae pari mimiaparí jĩp'a bɨ Jesú t'ɨ̃nepa ẽpẽerãpa ne p'ue oodak'apɨ́ ãarea oose».

Hecho 9:33

Mãma ẽpẽra Enea apataɨ unusima. Mãɨ ẽpẽra sorek'ea bɨ pẽra ocho ãyo k'ɨdade basima.

Hecho 9:40

Mãɨne Pedropa ãareaɨrã tajatá wãpisima. Sĩraporode k'obeek'ari Tachi Ak'õrea ɨt'aa chiidisima Dorca chok'ae p'irabaripimẽrá. Ɨt'aa chiidik'ari chi piudamá ak'ɨrude jarasima: —Tabita ¡p'irabarise! Ara mãɨne ichi tau uruasima. Pedro unuk'ari suak'abari beesima.

Romano 15:19

mãɨnepa ẽpẽerãpa ne p'ue oodak'apɨɨdepa mãɨya k'aripasima. Mɨa Tachi Ak'õre Jaore jua chaareadepa jõma mãɨ ãarea oosima. Jerusalenepa Ilírico tuadea chi pedea pia Cristo k'orea mɨa jõma jarateai badamá jarasima.

2 Corintio 12:12

Mɨ mãra t'ãena baside jõma oosima, Jesucristopa peedaɨrãpa oopata jĩra. Ãarea choa basima mãɨnepa ẽpẽerãpa ne p'ue oodak'apɨ́ waibɨa be oopachima.

Hebreo 2:4

Mãɨ awara Tachi Ak'õrepa ẽpẽerãpa ne p'ue oodak'apɨ́ minachia wawaria oopisima. Ichia k'ɨ̃ria bada jĩra ichi Jaorepa oopi bɨt'a ichidirãcha teasima. Jõma mãɨnepa mãɨ pedea piarãt'a k'awapisima.