Hecho 4:1 - Tachi Ak'õre Pedea

¹ Pedro mãɨnepa Juan ẽpẽerã ome mãɨ pedea p'anɨmisa, judiorã p'aarerã, Tachi Ak'õre te minachia bɨdepema ot'eapataɨrã chi chaarea bɨ mãɨnepa saduceorã ãchimá chesidama.

Hecho 4:1 ပူးပေါင်းရင်းမြစ်များ

Mateo 16:12

Maapaepuru k'awasidama Jesupa p'ana ooropiparí k'orea jarawẽa badat'a, mãɨpari jara k'ɨ̃ria basima p'ariseorãpa mãɨnepa saduceorãpa jarateapataɨ k'orea jĩrak'aua p'ananamẽrá.

Mateo 22:16

Mãɨ k'orea p'ariseorãpa ãchi ome p'ɨrrɨapataɨrã mãɨnepa Herode lawari p'anɨrã Jesumá peesidama. Mãɨrãpa Jesua jarasidama: —Jarateaparí, taipa k'awa p'anɨma pɨ ẽpẽra jĩp'a bɨt'a. Abaɨ pida pɨá awara k'ɨ̃risiapik'ama, pɨa ẽpẽrarã ãarea abarik'a unupariideepuru. Mãɨpari Tachi Ak'õre o k'orea piarã jarateaparima.

Mateo 27:20

Mãɨne p'aarerã chi mãɨrã chaarearãpa mãɨnepa judiorã chaarearãpa chi minachia cheepɨrɨ nɨbɨa idipade asidama Pilatoa Barrabá k'ẽet'aapii mãɨ pari Jesú peadamẽrá.

Mateo 27:41

Ara mãɨya p'aarerã chi mãɨrã chaarearãpa, Moisepa bɨda jarateapataɨrãpa mãɨnepa judiorã chaarearã pida Jesú oo uru p'anɨpa nãɨya jarapachidama:

Mateo 3:7

Mãɨya bɨde chi eda waapẽarã Moisepa bɨda jarateapataɨrã chesidama Juanpa porochoamẽrá. Chi eda waapẽarã p'ariseorã pasima; chi waapẽarã saduceorã pasima. Maamina Juanpa ãchi unurune jarasima: «Mãra taama jĩra berã, ¿K'aipa jarasima mãra Tachi Ak'õrepa tachi ɨtɨai ewaridepema p'ue mĩrunait'a?

Luca 20:1

Ewariaba Jesupa Tachi Ak'õre te eda ẽpẽrarã́ ichi k'orea pedea pia pedea basima. Mãɨne p'aarerã chi mãɨrã chaarearã, Moisepa bɨda jarateapataɨrã mãɨnepa judiorã chaarearã chesidama.

Luca 22:4

Juda p'aarerã chi mãɨrã chaarearãmá mãɨnepa chi Tachi Ak'õre te ot'eapataɨrã chaarearãmá wãsima. Ãchiá jarasima sãmaasã́ Jesú jitapii k'orea.

Juan 15:20

K'ɨ̃risiat'ɨ mɨa nãɨ jarada: “Abaɨ pida ichi chipari pae pari mimiaparí ichi chipari k'aepẽra atepe bɨwẽma”. Mãɨpa jara bɨma ẽpẽerãpa mɨ pedea oo p'anɨpɨra, mãra pedea sida oodaipɨ. Maamina ãchia mɨ ẽp'ẽ p'anɨpɨra, mãra sida ẽp'ẽnaipɨ.

Juan 18:3

Mãɨpuru Judapa chok'ará romanepema papaká berã mãɨnepa chi Tachi Ak'õre te ot'eapataɨrã mãɨ ne uu ĩjũanea ateewãsima. Ãchi chi p'aarerã chi mãɨrã chaarearãpa mãɨnepa p'ariseorã pida Juda ome peesidama. Ãchia ĩpira, laap'ara mãɨnepa jiorro uru p'anasidama.

Hecho 4:6

P'aarerã chi minachia k'awa bɨ Aná arí basima. Ichiaba chi ichidirã arí p'anasidama: Caip'á, Juan, Alejandro mãɨnepa waapẽarã sida arí p'anasidama.

Hecho 5:17

Chi p'aare minachia k'awa bɨ mãɨnepa saduceorã chi ichi paara p'anana sõk'achia p'aneesidama.

Hecho 5:24

Mãɨ pedea ũrisidaɨde Tachi Ak'õre te minachia bɨdepema ot'eapataɨrã chi atepe bɨpa mãɨnepa chi p'aarerã chi mãɨrã chaarearãpa k'awa k'ɨ̃risiadaé pasima mãɨnepa k'awadaé pasima mãmãɨpa naa sãmaasã́ beeit'a.

Hecho 5:26

Mãɨ ũrisidaɨde chi Tachi Ak'õre te minachia bɨdepema ot'eapataɨrã chi atepe bɨ mãɨnepa chi waapẽarã ot'eapataɨrã paara ãchi jitade wãnak'ari, wap'eapa ãchi k'ĩruupidawẽa enemeesidama, p'uurudepemarãpa ãchi mawarapa bat'adayade a k'ɨ̃risiasidada pẽra.

Hecho 6:12

Mãɨya ãchia chi p'uurudepemarã, judiorã chi chõarã mãɨnepa judiorã Moisepa bɨda jarateapataɨrã k'ĩruupik'apisidama. Mãɨpuru Esteban jitadak'ari judiorã chi chõarã posoa ará p'anɨmá ateewãsidama.

Hecho 6:7

Mãɨne ũpẽarãpa Tachi Ak'õre pedea minachia pedeapachidama. Mãɨya chi Jesude ĩjãapataɨrã Jerusalene atepe waripodosidama. Mãɨ awara minachia p'aarerã pida ĩjãasidama.