Hecho 3:8 - Tachi Ak'õre Pedea

⁸ Ara mãɨne ɨt'ɨ jĩitɨk'ari ya p'ɨrrɨa beesima. Jĩitɨ nineepa ya Tachi Ak'õrea pia pedea nineepa, ãchi ome Tachi Ak'õre te minachia bɨde eda wãsima.

Hecho 3:8 ပူးပေါင်းရင်းမြစ်များ

Luca 18:43

Ara mãɨne unu beek'ari Jesú k'aade wãsima. Ichia Tachi Ak'õrea minachia pia jara nipasima. Mãɨ ununaanarã pida Tachi Ak'õrea pia jara p'aneesidama.

Luca 6:23

Mãra piawẽa ooutade minachia sõ arapaat'ɨ, mãrapa nepia waibɨa pajãne uru p'ananai pẽra. Ãchi chõarãenapemarãpa Tachi Ak'õre pari pedeapataɨrã sida piarã ara mãɨ jĩra piawẽa oopachidama.

Juan 5:14

Mãɨya nak'ari Jesupa ichi Tachi Ak'õre te eda unuside jarasima: —Ũrise: pɨ jɨpa beeda pẽra waa nemietá oorãse pɨ piawẽa bada k'aepẽra atepe wariara piawẽa beepiemaapa.

Hecho 14:10

Mãɨpuru Pablopa ichiá jĩk'ua jarasima: —¡P'irabarise! ¡Bai nɨbeese! Ara mãɨne ichi ɨt'aa jĩitɨk'ari wãpodosima.

Hecho 19:16

Maapae chi ẽpẽra jaore mietá pará bɨpa ãchi ɨ̃rɨ jĩitɨk'ari ãarea p'uek'oasima. Minachia sĩk'oada pẽra ãchi k'ak'ua ãarea p'ua p'aneenak'ari, tedepa ãk'adá mĩruwãsidama.

Hecho 3:7

Mãɨne Pedropa chi ẽpẽra juaraari jitak'ari p'irabaripisima. Ara mãɨne chi ẽpẽra jĩru mãɨnepa jĩru k'ooro ɨbɨa beesima.