Hecho 3:6 - Tachi Ak'õre Pedea

⁶ Maamina Pedropa jarasima: —Mɨa erreara wa nee newẽma, maamina chi mɨa uru bɨt'a pɨá teaipɨ: ¡Jesucristo Nazaredepema t'ɨ̃nepa p'irabarik'ari pɨ nipade wãse!

Hecho 3:6 ပူးပေါင်းရင်းမြစ်များ

Mateo 10:9

Mãrapa oo p'anɨpari Tachi Ak'õrepa ne teaipɨ. Mãɨ k'orea erreara mi ãpia pida ateewãrãt'ɨ, chi mimiaparipa ichi erreara jitai pia bɨẽra. Mãra wãutade neet'á yaaparí ateewãrãt'ɨ. Ichiaba neet'á ume, jĩrune jɨ̃pataɨ mãɨnepa tuma ateewãrãt'ɨ.

Mateo 7:22

Ichia ɨtɨai ewaride chok'araɨrãpa mɨá jaradaipɨ: “Tai Chipari, tai Chipari, tai pɨ t'ɨ̃ k'orea pedeasidama, pɨ t'ɨ̃ne jaore mietaarã ãyá jeret'aasidama mãɨnepa pɨ t'ɨ̃ne ẽpẽrarãpa ne oodak'apɨ́ oosidama”.

Marco 14:8

Nãɨ wẽrapa ara ichi p'ue oosima. Tãaraawẽa bɨde mɨ piuk'ari t'ɨbaridaipɨ. Ichia mɨ mãɨ k'orea k'erapa p'ɨrɨsima.

Marco 16:17

Chi mɨne ĩjãa p'anɨrãpa nãɨ ẽpẽerãpa ne p'ue oodak'apɨ́ oodaipɨ: mɨ t'ɨ̃nepa jaore mietaarã ãyá jeret'aadaipɨ mãɨnepa pedea chiwidi pedeadaipɨ.

Juan 19:19

Mãɨ awara Pilatopa pak'uru p'ep'edea Jesú poro nok'oari bɨpisima. Mãɨne nãɨya bɨpisima: «Jesú Nazaredepema, judiorã Poro Jũra Jɨ̃parí Jɨ̃ Bɨpɨ».

Hecho 10:38

Mãɨ ewaride Tachi Ak'õrepa ichi Jaore mãɨnepa ichi jua chaarea Jesú Nazaredepemá teasima. Tachi Ak'õre ichi ome bada pẽra Jesupa nepia oo p'ɨrrɨa bapachima mãɨnepa chi ẽpẽerã tiorepa piawẽa uru beadat'a ãarea jɨpa beepipachima.

Hecho 16:18

Ichia ewari minachia mãɨya jĩk'ua jara nipada pẽra Pablo sẽsima. Ichimá ak'ɨk'ari chi jaore mietá uru bɨa jarasima: —Mɨa Jesucristo t'ɨ̃nepa pɨá jararuma: nãɨ ãwẽranepema ãyá wãse. Ara mãɨne chi jaore mietá wãsima.

Hecho 2:22

»Israeldepemarã, nãɨ pedea ũrit'ɨ: Tachi Ak'õrepa Jesú Nazaredepemá ẽpẽerãpa ne p'ue oodak'apɨɨrã mãra t'ãena oopik'oasima. Mãɨya oo bɨdepa Jesupa k'awapisima Tachi Ak'õre ichi ome bɨt'a, ara mãrapa pia k'awa p'anɨ jĩra.

Hecho 2:36

»Mãɨ k'orea ãarea israel ĩjũanepemarã, piarã k'awat'ɨ: Jesú, chi mãrapa k'urusude barijira bɨpidada, Tachi Ak'õrepa mãɨ chi ãareaɨrã Chipari mãɨnepa Tachi K'aripaparí teai jarada bɨsima».

Hecho 3:16

Ara mãɨ Jesú jua chaareadepa nãɨ ẽpẽra, chi mãrapa unu p'anɨt'a, nãɨ jɨpa beesima. Taipa ĩjãa p'anɨma Jesupa chi k'ɨdade be jɨpa beepiparit'a. Mãɨya ĩjãa p'anɨnepa nãɨ ẽpẽra piarã jɨpa beesima, mãɨ ara machia k'awa p'anɨ jĩra.

Hecho 3:5

Ichiá ne teadai k'ɨ̃risiada pẽra ãchimá ak'ɨsima.

Hecho 3:7

Mãɨne Pedropa chi ẽpẽra juaraari jitak'ari p'irabaripisima. Ara mãɨne chi ẽpẽra jĩru mãɨnepa jĩru k'ooro ɨbɨa beesima.

Hecho 4:10

Mãɨya bɨpɨra, taipa ãarea ará p'anoonaipɨ mãrapa mãɨnepa ãarea israel ĩjũanepemarãpa mãɨ ãarea k'awadamẽrá. Nãɨ ẽpẽra ara mãra k'ĩrari bɨt'a Jesucristo Nazaredepema jua chaareadepa jɨpa beesima. Mãɨ Jesucristo mãrapa k'urusude barijira bɨk'ari peasidama, maamina Tachi Ak'õrepa ichi chok'ae p'irabaripisima.

Hecho 4:7

Mãɨne ãchia Pedro mãɨnepa Juan atapide peesidama. Ãchi k'ĩrari bai nɨbeepidak'ari nãɨya idisidama: —Jãɨ ẽpẽra bɨɨrɨ sorek'ea bada mãrapa ¿k'ai jua chaareadepa jɨpa beepisidama? ¿K'ai t'ɨ̃nepa jãɨya oosidama?

Hecho 9:34

Mãɨne Pedropa jarasima: —Enea, Jesucristopa pɨ jɨpa beepisima. ¡P'it'ɨk'ari, pɨchi k'ɨda jitase! Ara mãɨne Enea p'it'ɨsima.

1 Corintio 4:11

Wapida ara nãɨ ewaride taipa jarra choa p'anɨma, opisia choa p'anɨma, mãɨnepa neet'á sore k'edet'a uru p'anɨma. Tai te nea p'anɨma mãɨnepa ẽpẽrarãpa tai piawẽa oopatama.

2 Corintio 6:10

Tai sõp'uapatamina ewaricha arapá p'anɨma. Tai nenea k'edema. Maamina taipa chok'ará ẽpẽrarã́ Tachi Ak'õre k'orea k'awapipatama ãchi erreara uru be jĩra p'ananamẽrá. Tai nenea p'anɨmina Tachi Ak'õrenepa nejõma uru p'anɨma.

2 Corintio 8:12

Piarã abaɨpa p'ue tearu jĩra sõpiadepa teaipɨra, mãɨ teada Tachi Ak'õrepa pia unuipɨ. Abaɨpa ne teai newẽa bɨpɨra, Tachi Ak'õrepa teapade ak'ama.

2 Corintio 8:9

Mãrapa minachia k'awa p'anɨma Tachi Chipari Jesucristopa ichi sõpiadepa oodat'a. Ichi pajãne nejõma uru bɨmina, mãra pae nãɨ k'ak'uade nenea bɨ jĩra basima mãrapa nejõma Tachi Ak'õrepa tea bɨdepema uru p'ananamẽrá.

Santiago 2:5

Ũpẽarã mɨa k'ɨ̃ria berã, ¡ũrit'ɨ! ¿Tachi Ak'õrepa nãɨ ĩjũane nenea k'ede k'aripawẽk'ãra Jesucristode ĩjãanamẽrá? Mãɨya ãchi ẽpẽra ɨbɨa p'anɨ jĩra p'anɨma. Tachi Ak'õrepa ãchi ichi juade ua baipɨ. Mãɨya piarã jarasima, chi ichi k'ɨ̃ria berã́.

1 Pedro 4:10

Tachi Ak'õrepa ichi sõpiadepa tachicha Ichi Jaorepa oopi bɨ teasima, waapẽarã k'aripadamẽrá. Tachi Ak'õre pae pari mimiapataɨrã piarã pẽra ichia machicha teadadepa waapẽarã k'aripat'ɨ.