Hecho 3:1 - Tachi Ak'õre Pedea

¹ Ewariaba ɨmata baarea judiorãpa Tachi Ak'õrea ɨt'aa chiidipataɨ horade, Pedro mãɨnepa Juan Tachi Ak'õre te minachia bɨdea wãsidama.

Hecho 3:1 ပူးပေါင်းရင်းမြစ်များ

Mateo 17:1

Ewari k'ak'o sei pak'ari Jesupa Pedro, Santiago mãɨnepa chi ũpẽa Juan ãchi tuaba awara eya ɨt'ɨ bɨmá ateewãsima.

Mateo 26:37

Maapae Zebedeo warrarã ume p'anɨ, Pedro ome awara ateewãsima. Ichi mãɨya bai bɨẽra, k'ĩra piawẽa beek'ari, sõp'ua beesima.

Mateo 27:45

Ɨmat'iip'aɨdepa waa ɨmata baarea ĩjũa ãarea p'ãrio nɨbeesima.

Luca 1:10

Ãp'o k'era paateai hora pada pẽra Zak'aria eda wãsima. Mãɨne ẽpẽerã chok'araɨrãpa tajataria Tachi Ak'õrea ɨt'aa chiidimaa p'anasidama.

Luca 18:10

«Ẽpẽra ume Tachi Ak'õre te minachia bɨdea ɨt'aa chiidide wãsidama. Aba p'ariseo pasima. Chi abaɨ Romanepema pae erreara jɨrɨp'eparí pasima.

Luca 22:8

Mãɨ k'orea Jesupa Pedro, Juan ome peeside, nãɨya jarasima: —Chi Egitodepa wãnana k'ɨ̃risiapataɨ ewari k'opataɨ ãarea oode wãt'ɨ.

Luca 24:53

Mãmãɨpa ãchi ewaricha Tachi Ak'õre te eda wãpachidama Tachi Ak'õrea pia pedeadai k'orea.

Juan 21:7

Mãma basima Jesú ome p'ɨrrɨaparí chi “Jesupa minachia k'ɨ̃ria bɨ” apataɨ. Mãɨpa Pedroa jarasima: —¡Jãɨ Tachi Chiparipɨ! Simón Pedropa “Tachi Chipariade” a jarada ũriside ichi neet'á ɨ̃rɨpema jɨ̃sima, mãɨ neet'áwẽapachi pẽra mãɨ to bat'ai k'orea. Jɨ̃k'ari maapae toedá t'ĩu wãsima.

Hecho 10:3

Ewariaba k'ewara hora ũpeaɨde Corneliopa k'ãmok'araa jĩra Tachi Ak'õrepa ɨt'aripa peeda ichimá cheru pia unusima. Mãɨpa jarasima: —¡Cornelio!

Hecho 10:30

Mãɨne Corneliopa jarasima: —Ewari k'ak'o k'ĩmari pa bɨde ara nãɨ orak'a, k'ewara hora ũpeaɨde, mɨa Tachi Ak'õrene k'ɨ̃risiayá nek'ok'apɨ́ ewari oo basima. Tachi Ak'õrea ɨt'aa chiidimaa bɨde mɨ k'ĩrari ẽpẽra aba bɨt'a unusima. Ichi neet'á achiterrea basima.

Hecho 2:46

Ewaricha Tachi Ak'õre te eda ará p'anapachidama mãɨnepa ũpẽarã techa sõpiadepa arapá nek'opachidama.

Hecho 3:3

Ichia Pedro mãɨnepa Juan eda wãuta unuside erreara ãchiá idisima.

Hecho 3:4

Pedro mãɨnepa Juanpa ichimá ak'ɨsidama. Mãɨne Pedropa jarasima: —Taimá ak'ɨse.

Hecho 4:13

Chi judiorã chaarearãpa Pedro mãɨnepa Juan ne wap'eawẽa pedea p'anɨt'a unusidaɨde k'awa k'ɨ̃risiadaé pasima. Pedro mãɨnepa Juan k'art'a atua p'anɨ unusidaɨde, k'awasidama ãchi Jesú ome p'ɨrrɨapachidat'a.

Hecho 5:25

Mãɨya p'anɨne ẽpẽra chek'ari jarasima: —¡Chi mãrapa jɨ̃a nɨbɨdaadarãpa Tachi Ak'õre te eda jaratea p'anɨma!

Hecho 8:14

Mãɨne chi Jesupa peedaɨrã Jerusalene bepa ũrisidama Samariadepemarãpa Tachi Ak'õre pedea ĩjãasidat'a. Mãɨ k'orea Pedro mãɨnepa Juan ãchimá peesidama.

Gálata 2:9

Ũpẽarã chi atepe k'awa p'anɨrã Santiagopa, Pedropa mãɨnepa Juanpa k'awasidama Tachi Ak'õrepa ichi sõpiadepa piarã mɨ judiorãwẽmá peesit'a. Mãɨne ãchi mɨ ome mãɨnepa Bernabé ome arapá jua jitasidama k'awapidai k'orea abarik'a k'ɨ̃risia uru p'anɨt'a. Ãchia jarasidama taipa judiorãwẽmá jaratea p'ananait'a, mãɨnepa ãchia judiorãmá jaratea p'ananait'a.